บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
TIPITAKA Volume 32 : PALI ROMAN Sutta Pitaka Vol 24 : Sutta. Khu. Apa(1)
[336] |336.19| Nagare hamsavatiya ahosim tinaharako tinaharena jivami tena posemi darake. |336.20| Padumuttaro nama jino sabbadhammana paragu tamandhakaram nasetva uppajji lokanayako. |336.21| Sake ghare nisiditva evam cintesaham tada buddho loke samuppanno deyyadhammo ca natthi me. |336.22| Idam me satakam ekam natthi me koci dayako dukkho nirayasamphasso ropayissami dakkhinam. |336.23| Evaham cintayitvana sakam cittam pasadayim ekam dussam gahetvana buddhasetthassadasaham. |336.24| Ekam dussam daditvana ukkutthim sampavattayim yadi buddho tuvam vira tarehi mam mahamuni. |336.25| Padumuttaro lokavidu ahutinam patiggaho mama danam pakittento aka me anumodanam. |336.26| Imina ekadussena cetanapanidhihi ca kappasatasahassani vinipatam na gacchati. |336.27| Chattimsakkhattu devindo devarajjam karissati tettimsakkhattu raja ca cakkavatti bhavissati. |336.28| Padesarajjam vipulam gananato asankhayam devaloke manusse va samsaranto tuvam bhave. |336.29| Rupava gunasampanno anavakkantadehava akkhobham amitam dussam bhavissati 1- yathicchakam. @Footnote: 1 Ma. labhissasi. |336.30| Idam vatvana sambuddho jalajuttamanamako nabham abbhuggami dhiro hamsarajava ambare. |336.31| Yam yam yonupapajjami devattam atha manusam bhoge me unata natthi ekadussassidam phalam. |336.32| Paduddhare paduddhare dussam nibbattate mamam hettha dussamhi titthami upari chadanam mama. |336.33| Cakkavalamupadaya sakananam sapabbatam icchamano caham ajja dussehacchadayeyyaham. |336.34| Teneva ekadussena samsaranto bhavabhave suvannavanno hutvana samsarami bhavabhave. |336.35| Vipakam ekadussassa najjhagam katthacikkhayam ayam me antima jati vipaccati idhapi me. |336.36| Satasahassito kappe yam dussamadadim tada duggatim nabhijanami ekadussassidam phalam. |336.37| Kilesa jhapita mayham bhava sabbe samuhata nagova bandhanam chetva viharami anasavo. |336.38| Patisambhida catasso vimokkhapica atthime chalabhinna sacchikata katam buddhassa sasananti. Ittham sudam ayasma ekadussadayako thero ima gathayo abhasitthati. Ekadussadayakattherassa apadanam samattam. Pancamam phussitakammiyattherapadanam (335)The Pali Tipitaka in Roman Character Volume 32 page 413-416. http://84000.org/tipitaka/read/roman_item_s.php?book=32&item=336&items=1&modeTY=2&mode=bracket Classified by content :- http://84000.org/tipitaka/read/roman_item_s.php?book=32&item=336&items=1&modeTY=2 Compare with The Pali Tipitaka in Thai Character :- http://84000.org/tipitaka/read/pali_item_s.php?book=32&item=336&items=1&modeTY=2&mode=bracket Compare with The Royal Version of Thai Tipitaka :- http://84000.org/tipitaka/read/byitem_s.php?book=32&item=336&items=1&modeTY=2&mode=bracket Study Atthakatha :- http://84000.org/tipitaka/attha/attha.php?b=32&i=336 Contents of The Tipitaka Volume 32 http://84000.org/tipitaka/read/?index_32
|
บันทึก ๑๔ พฤศจิกายน พ.ศ. ๒๕๖๐. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]