[393] |393.1| Nagare hamsavatiya asim dovariko aham
akkhobbham 1- amitam bhogam ghare sannicitam mama.
|393.2| Rahogato nisiditva pahamsitvana manasam
nisajja pasadavare evam cintesaham tada.
|393.3| Bahu meva 2- gata bhoga phitam antepuram mama
rajapi mam nimantesi 3- anando pathavissaro.
|393.4| Ayanca buddho uppanno adhiccuppattiko muni
samvijjanti ca me bhoga danam dassami satthuno.
|393.5| Padumena 4- rajaputtena dinnam danavaram jine
hatthinage ca pallanke apassenam canappakam.
|393.6| Ahampi danam dassami sanghe ganavaruttame 5-
adinnapubbam danavaram 6- bhavissam adikammiko.
|393.7| Cintetvaham bahuvidham yage yassa sukham phalam
parikkharadanamaddakkhim mama sankappapuranam.
|393.8| Parikkharani dassami sanghe ganavaruttame 7-
adinnapubbamannesam bhavissam adikammiko.
@Footnote: 1 Ma. Yu. akkhobham. 2 Ma. Yu. bahumedhigata. 3 Ma. Yu. rajapi sannimantesi.
@4 Yu. padume. 5-7 Po. Yu. gunavaruttame. 6 Ma. Yu. adinnapubbamannesam.
|393.9| Nalakare upagamma chattam karesi tavade
chattasatasahassani ekato sannipatayim.
|393.10| Dussasatahassani ekato sannipatayim
pattasatasahassani ekato sannipatayim.
|393.11| Vasiyo satthake capi suciyo nakhachedane
hettha chatte thapapesim karetva tadanucchave.
|393.12| Vidhupane talapanne 1- morahatthe ca camare
parissavane teladhare karayim tadanucchave.
|393.13| Sucighare amsavaddhe athopi kayabandhane
adharake ca sukate karayim tadanucchave.
|393.14| Paribhogabhajane ca athopi lohathalake
bhesajje 2- purayitvana hetthachatte thapesaham.
|393.15| Vacam usiram latthimadhum pipphalimaricani ca
haritakim singiveram sabbe puresi bhajane.
|393.16| Upahana padukayo atho udakapunchane
kattaradande sukate karayim tadanucchave.
|393.17| Osatham anjanapica 3- salaka dhammakuttara
kuncika pancavannehi sibbite kuncikaghare.
|393.18| Ayoge dhumanette ca athopi dipadharake
tumbake ca karande ca karayim tadanucchave.
@Footnote: 1 Ma. Yu. talavante. 2 Yu. bhesajjam. 3 Ma. Yu. osadhanjananali ca.
|393.19| Sandase pipphale ceva athopi malaharino 1-
bhesajjathavike ceva karayim tadanucchave.
|393.20| Asandiyo pithake ca pallanke caturomaye
tadanucchave karetva hetthachatte thapesaham.
|393.21| Unnabhisim 2- tulabhisim athopi pithakabhisim
bibbohane ca sukate karayim tadanucchave.
|393.22| Kuruvinde madhusitthe telahatthapatapakam
sivetiphalakam 4- sucim mancam attharanena ca.
|393.23| Senasane padapunche sayanasanadandake
dantapone ca kathalim 5- sisalepanagandhake 6-.
|393.24| Aranim 7- phalapithe ca pattapidhanathalake
udakassa katacchunca 8- cunnakam rajanambanam.
|393.25| Sammunjanam 9- udavattham tatha vassikasatakam
nisidanam kanducchadim atha antaravasakam.
|393.26| Uttarasangasanghatim natthukam mukhasodhanam
bilangalonabhutanca 10- madhum ca dadhipanakam.
|393.27| Pupphasittham pilotinca mukhapunchanasuttakam
databbam nama yam atthi yanca kappati satthuno.
|393.28| Sabbametam samanetva anandam upasankamim
upasankamma rajanam janetaram mahayasam 11-.
@Footnote: 1 Ma. Yu. malaharake. 2 Ma. Yu. unnabhisi ... pithakabhisi. 3 Ma. Yu. bimbohane.
@4 Ma. Yu. sipatiphalake suci. 5 Ma. atli. 6 Ma. Yu. sisalepanagandhake.
@7 Ma. Yu. arani. 8 Ma. katacchu ca. 9 Ma. sammajjanam. 10 Ma. bilangalonam pahutam ca.
@11 Ma. mahesino.
|393.29| Sirasa abhivadetva idam vacanamabravim
ekato jatisamvaddha ubhinnam ekato yaso 1-.
|393.30| Sadharana sukhe dukkhe ubho ca anuvattaka
atthi cetasikam dukkham tavadheyyam 2- arindama.
|393.31| Yadi sakkosi tam dukkham vinodeyyasi khattiya
tava dukkham mama dukkham abhinnam ekato manam 3-.
|393.32| Nitthitanti vijanasi 4- tam moceyya sace tuvam
janahi kho maharaja dukkham me dubbinodayam.
|393.33| Bahum samano gajjassu etante duccajam dhanam 5-
yavata vijite 6- atthi yavata mama jivitam.
|393.34| Etehi yadi te attho dassami avikampito
gajjitam kho taya deva miccha tam bahugajjitam.
|393.35| Janissami tuvam ajja sabbadhamme patitthitam
atibalham nipilesi dadamanassa me sato.
|393.36| Kinte 7- sallapitenattho patthitam te kathehi me
icchamaham maharaja buddhasettham anuttaram.
|393.37| Bhojayissami sambuddham vajjam me mahu jivitam
annam teham varam dammi ayacito 8- tathagato.
|393.38| Adeyyo kassaci buddho mani jotiraso yatha
nanu te gajjitam deva yava 9- jivitamatthikam.
@Footnote: 1 Ma. manam. Yu. yasam. 2 Po. vinodetum. 3 Ma. mano. 4 Ma. Yu. vijanahi.
@5 Ma. varam. 6 Yu. vijitam. 7 Ma. kim te me pilitenattho. 8 Ma. mayacittho
@8 Ma. mayacittho tathagatam. 9 Ma. yava jivitamattano.
|393.39| Jivitam dadamanena yuttam datum tathagatam
thapaniyo mahaviro adeyyo kassaci jino.
|393.40| Na me patissuto buddho varassu amitam dhanam
vinicchayam papunami 1- pucchissami 2- vinicchaye.
|393.41| Yatha sanham kathessanti patipucchama tam tatha
ranno hatthe gahetvana agamasim vinicchayam.
|393.42| Purato akkhadassanam idam vacanamabravim
sunantu me akkhadassa raja varam adasi me.
|393.43| Na kinci thapayitvana jivitampi pavarayim 3-
tassa me varadinnassa buddhasettham varim aham.
|393.44| Sudinno hoti me buddho chindatha 4- samsayam mama
sussama tava vacanam bhumipalassa rajino.
|393.45| Ubhinnam vacanam sutva chindissamettha samsayam
sabbam deva taya dinnam imassa sabbagahitam 5-.
|393.46| Na kinci thapayitvana jivitampi pavarayim
kicchappattova hutvana yavajivamanuttaram 6-.
|393.47| Imam sudukkhitam natva adasim sabbagahitam 7-
parajayo tuvam deva assa deyyo tathagato.
|393.48| Ubhinnam samsayo chinno yatha santhamhi titthatha
raja tattheva thatvana akkhadassetadabravi.
@Footnote: 1 Ma. Yu. papunama. 2 Ma. Yu. pucchissama. 3 Po. Ma. Yu. pavarayi.
@4 Yu. athava. 5-7 Ma. Yu. sabbagahikam. 6 Ma. Yu. yacivaramanuttaram.
|393.49| Samma mayhampi deyyatha puna buddham labhamaham
puretva tava sankappam bhojayitva tathagatam.
|393.50| Puna deyyasi sambuddham anandassa yasassino
akkhadassebhivadetva anandamapi 1- khattiyam.
|393.51| Tuttho pamudito hutva sambuddham upasankamim
upasankamma sambuddham oghatinnam anasavam.
|393.52| Sirasa abhivadetva idam vacanamabravim
vasisatasahassehi adhivasehi cakkhuma.
|393.53| Hasayanto mama cittam nivesanamupehi me
padumuttaro lokavidu ahutinam patiggaho.
|393.54| Mama sankappamannaya adhivasesi cakkhuma
adhivasanamannaya abhivadiya satthuno.
|393.55| Hattho udaggacittoham nivesanamupagamim
mittamacce samanetva idam vacanamabravim.
|393.56| Sudullabho maya laddho mani jotiraso yatha
kena tam pujayissami 2- appameyyo anupamo.
|393.57| Atulo asamo dhiro 3- jino appatipuggalo
tathasamasamo ceva adutiyo narasabho.
|393.58| Dukkaram adhikaram hi buddhanucchavikam maya 4-
nanapupphe samanetva karoma pupphamandapam.
@Footnote: 1 Ma. Yu. anandancapi. 2 Ma. Yu. pujayissama. 3 Yu. viro. 4 Yu. taya.
|393.59| Buddhanucchavikam etam sabbapuja bhavissati
uppalam padumam vapi vassikam adhimuttakam.
|393.60| Campakam nagapupphanca mandapam karayim aham
satasanasahassani chattachayaya pannapim.
|393.61| Pacchimam asanam mayham adhikam satamagghati
satasanasahassani chattachayaya pannapim.
|393.62| Patiyadetva annapanam kalam arocayim aham
arocitamhi kalamhi padumuttaro mahamuni.
|393.63| Vasisatasahassehi nivesanamupesi me
dharentam uparicchattam suphullapupphamandape.
|393.64| Vasisatasahassehi nisidi purisuttamo
chattasatasahassani satasahassamasanam.
|393.65| Kappiyam anavajjanca patigganhahi cakkhuma
padumuttaro lokavidu ahutinam patiggaho.
|393.66| Mamam taretukamo so sampaticchi mahamuni
bhikkhuno ekamekassa paccekam pattadasaham.
|393.67| Jahimsu sambhatam 1- pattam lohapattam adharayum
sattarattindivam buddho nisidi pupphamandape.
|393.68| Bodhayanto bahu satte dhammacakkam pavattayi
dhammacakkam pavattento hetthato pupphamandape.
@Footnote: 1 Ma. sumbhakam. Yu. pupphakam.
|393.69| Cullasitisahassanam dhammabhisamayo ahu
sattame divase patte padumuttaro mahamuni.
|393.70| Chattachayaya nisinno ima gatha abhasatha
anunakam danavaram yo me padasi manavo.
|393.71| Tamaham kittayissami sunatha mama bhasato
hatthi assa ratha patti sena ca caturangini.
|393.72| Parivaressanti tam 1- niccam sabbadanassidam phalam
hatthiyanam assayanam sivikam 2- sandamanikam.
|393.73| Upatthissanti tam niccam sabbadanassidam phalam
satthi rathasahassani sabbalankarabhusita.
|393.74| Parivaressanti tam niccam sabbadanassidam phalam
satthi turiyasahassani bheriyo samalankata.
|393.75| Vajjayissanti tam niccam sabbadanassidam phalam
chalasitisahassani nariyo samalankata.
|393.76| Vicittavatthabharana amuttamanikundala
alaramukha 3- hasula susanna tanumajjhima.
|393.77| Parivaressanti tam niccam sabbadanassidam phalam
timsakappasahassani devaloke ramissati.
|393.78| Sahassakkhattum devindo devarajjam karissati
sahassakkhattum raja ca cakkavatti bhavissati.
@Footnote: 1 Ma. Yu. sabbattha mam. 2 Ma. sivika sandamanika. 3 Ma. alarapamha.
|393.79| Padesarajjam vipulam gananato asankhayam
devaloke vasantassa punnakammasamangino.
|393.80| Devalokanupariyante 1- ratanachattam dharissati
icchissati yada vayam 2- chadanam dussapupphajam.
|393.81| Imassa cittamannaya nivaddham chadayissati
devaloka cavitvana sukkamulena codito.
|393.82| Punnakammena samyutto brahmabandhu bhavissati
kappasatasahassamhi okkakakulasambhavo.
|393.83| Gotamo nama namena sattha loke bhavissati
sabbametam abhinnaya gotamo sakyapungavo.
|393.84| Bhikkhusanghe nisiditva etadagge thapessati
pilindavaccho namena hessati satthusavako.
|393.85| Devanam asurananca gandhabbananca sakkato
bhikkhunam bhikkhuninanca gihinanca tatheva so.
|393.86| Piyo hutvana sabbesam viharissatinasavo
satasahasse katam kammam phalam dassesi me idha.
|393.87| Sumutto saravegova kilese jhapayim 3- aham
aho me sukatam kammam punnakkhette anuttare.
|393.88| Yattha karam karitvana pattosmi acalam padam
anunakam danavaram adasi yo hi manavo.
@Footnote: 1 Ma. devalokapariyantam. 2 Ma. chayam. Yu. cayam. 3 Ma. jhapayi mama. Yu. jhapayissati.
|393.89| Adipubbangamo asi tassa danassidam phalam
chatte 1- sugate datvana sanghe ganavaruttame 2-.
|393.90| Atthanisamse anubhomi kammanucchavike mama
sitam unham na janami rajojallam na limpati.
|393.91| Anupaddavo aniti ca homi apacito sada
sukhumacchaviko homi visadam homi manasam.
|393.92| Chattasatasahassani bhave samsarato mama
sabbalankarayuttani tassa kammassa vahasa.
|393.93| Imam 3- jatim thapetvana matthake dharayanti me
tasma 4- imaya jatiya natthi me chattadharana.
|393.94| Mama sabbam katam kammam vimuttichattapattiya
dussani sugate datva sanghe ganavaruttame.
|393.95| Atthanisamse anubhomi kammanucchavike mama
suvannavanno virajo sappabhaso patapava.
|393.96| Siniddham hoti me gattam bhave samsarato mama
dussasatasahassani seta pita ca lohita.
|393.97| Dharenti matthake mayham dussadanassidam phalam
koseyyakambaliyani khomakappasikani ca.
|393.98| Sabbattha patilabhami tesam nissandato aham
patte ca sugate datva sanghe ganavaruttame.
@Footnote: 1 Ma. chatte ca sukate datva. 2 Po. Ma. Yu. gunavaruttame. ito param idisameva.
@3 Yu. idam. 4 Ma. kasma.
|393.99| Dasanisamse anubhomi kammanucchavike mama
suvannathale manithale rajatepica thalake.
|393.100| Lohitankamaye thale paribhunjami sabbada
anupaddavo aniti ca homi apacito sada.
|393.101| Labhi annassa panassa vatthassa sayanassa ca
na vinassanti me bhoga thitacitto bhavamaham.
|393.102| Dhammakamo sada homi appakleso anasavo
devaloke manusse va anubandha ime guna.
|393.103| Chaya yathapi rupassa 1- sabbattha na jahanti mam
cittabandhanasambaddha sukata vasiyo bahu.
|393.104| Datvana buddhasetthassa sanghassa ca tathevaham
atthanisamse anubhomi kammanucchavike mama.
|393.105| Suro 2- homi 3- visari ca vesarajjesu parami
dhitiviriyava homi paggahitamano sada.
|393.106| Kilesacchedanam nanam sukhumam atulam sucim
sabbattha patilabhami tassa nissandato mama.
|393.107| Akakkase apharuse adhote satthake bahu
pasannacitto datvana buddhe sanghe tatheva ca.
|393.108| Pancanisamse anubhomi kammanucchavike mama
kalyanamittam viriyam khantinca mettisatthakam.
@Footnote: 1 Ma. Yu. rukkhassa. 2 Po. siho. 3 Ma. homa.
|393.109| Tanhasallassa chinnatta pannasattham anuttaram
vajirena samam nanam tesam nissandato labhe.
|393.110| Suciyo sugate datva sanghe ganavaruttame
pancanisamse anubhomi kammanucchavike mama.
|393.111| Namassiyo kankhacchedo abhirupo ca bhogava
tikkhapanno sada homi samsaranto bhavabhave.
|393.112| Gambhiram nipunam thanam attham nanena passayim
vajiraggasamam nanam hoti me tamaghatanam.
|393.113| Nakhacchedane sugate datva sanghe ganavaruttame
pancanisamse anubhomi kammanucchavike mama.
|393.114| Dasadasi gavasse ca bhatake natake 1- bahu
nhapite bhattake sude sabbattheva labhamaham.
|393.115| Vidhupane sugate datva talapanne ca sobhane
atthanisamse anubhomi kammanucchavike mama.
|393.116| Sitam unham na janami parilaho na vijjati
daratham nabhijanami cittasantapanam mama.
|393.117| Ragaggi dosamohaggi managgi ditthiaggi ca
sabbaggi nibbuto mayham tassa nissandato mama.
|393.118| Morahatthe camariyo datva sanghe ganuttame
upasantakilesoham viharami anangano.
@Footnote: 1 Yu. arakkhe.
|393.119| Parissavane sugate datva sugate 1- dhammakuttare
pancanisamse anubhomi kammanucchavike mama.
|393.120| Sabbesam samatikkamma dibbam ayum labhamaham
appasayho sada homi corapaccatthikehi va.
|393.121| Satthena va visena va vihesampi na kubbate
antaramaranam natthi tesam nissandato mama.
|393.122| Teladhare sugate datva sanghe ganavaruttame
pancanisamse anubhomi kammanucchavike mama.
|393.123| Sucarurupo subhaddo 2- susamuggatamanaso
avikkhepamano homi sabbarakkhehi rakkhito.
|393.124| Sucighare sugate datva sanghe ganavaruttame
tinanisamse anubhomi kammanucchavike mama.
|393.125| Cetosukham kayasukham iriyapathajam sukham
ime gune patilabhami 3- tassa nissandato aham.
|393.126| Amsavaddhe jine datva sanghe ganavaruttame
tinanisamse anubhomi kammanucchavike mama.
|393.127| Saddhamme galham 4- vindami sarami dutiyam bhavam
sabbattha succhavi homi tassa nissandato aham.
|393.128| Kayabandhe jine 5- datva sanghe ganavaruttame
chanisamse anubhomi kammanucchavike mama.
@Footnote: 1 Yu. sanghe ganuttame. Ma. dhammakaruttame. 2 Yu. sugato. 3 Ma. patilabhe.
@4 Po. bandhami. Ma. Yu. gadham. 5 Yu. sugate.
|393.129| Samadhisu na kampami vasi homi samadhisu
abhejjapariso homi adeyyavacano sada.
|393.130| Upatthitassati homi taso mayham na vijjati
devaloke manusse va anubandha ime guna.
|393.131| Adharake jine datva sanghe ganavaruttame
pancavanne 1- bhayabhavo acalo homi kenaci.
|393.132| Yekeci me suta dhamma satinanappabodhana
dhata 2- me na vinassanti bhavanti suvinicchita.
|393.133| Bhajane paribhoge ca datva buddhe ganuttame
tinanisamse anubhomi kammanucchavike mama.
|393.134| Sovannamaye manimaye athopi phalikamaye
lohitankamaye ceva labhami bhajane aham.
|393.135| Bhariya dasadasi ca hatthissarathapattike
itthi patibbata ceva paribhogani sabbada.
|393.136| Vijja mantapade ceva vividhe agame bahu
sabbasippam nisamemi paribhogani sabbada.
|393.137| Thalake sugate datva sanghe gunavaruttame
tinanisamse anubhomi kammanucchavike mama.
|393.138| Sovannamaye manimaye athopi phalikamaye
lohitankamaye ceva labhami thalake aham.
@Footnote: 1 Ma. Yu. pancavannehi dayado. 2 Yu. vata.
|393.139| Assatthake phalamaye atho pokkharapattake
madhupanakasankhe ca labhami thalake aham.
|393.140| Vatte gune patipattim 1- acarakiriyasu ca
ime gune patilabhe tassa nissandato aham.
|393.141| Bhesajjam sugate datva sanghe ganavaruttame
dasanisamse anubhomi kammanucchavike mama.
|393.142| Ayuva balava dhiro vannava yasava sukhi
anupaddavo aniti ca homi 2- apacito sada
na me piyaviyogatthi tassa nissandato mama.
|393.143| Upahane jine datva sanghe ganavaruttame
tinanisamse anubhomi kammanucchavike mama.
|393.144| Hatthiyanam assayanam sivikam sandamanikam
satthi rathasahassani parivarenti mam sada.
|393.145| Manimaya tambamaya 3- sonnarajatapaduka
nibbattanti paduddhare bhave samsarato mama.
|393.146| Niyamam patidhavanti 4- acaragunasodhanam 5-
ime gune patilabhe tassa nissandato aham.
|393.147| Paduke sugate datva sanghe gunavaruttame
iddhipadukamaruyha viharami yathicchakam.
@Footnote: 1 Ma. patipatti. Yu. patilabhe. 2 Yu. bhomi capacito sada. 3 Yu. mandalaka.
@4 Ma. sati dhavanti. 5 Ma. aguacarasodhanam.
|393.148| Mukhapunchanam 1- sugate datva sanghe ganavaruttame
pancanisamse anubhomi kammanucchavike mama.
|393.149| Suvannavanno virajo sappabhaso patapava
siniddham hoti me gattam rajojallam na limpati.
|393.150| Ime gune patilabhe tassa nissandato aham
kattaradande sugate datva sanghe ganavaruttame 2-.
|393.151| Pancanisamse 3- anubhomi kammanucchavike mama
putta mayham bahu honti taso mayham na vijjati.
|393.152| Appasayho sada homi sabbarakkhehi rakkhito
khalitampi 4- na janami abhantam manasam mama.
|393.153| Osatham anjanam datva sanghe 5- ganavaruttame
atthanisamse anubhomi kammanucchavike mama.
|393.154| Visalanayano homi setapito ca lohito
anavilapasannakkho sabbarogavivajjito.
|393.155| Labhami dibbanayanam pannacakkhum anuttaram
ime gune patilabhe tassa nissandato aham.
|393.156| Kuncike sugate datva sanghe ganavaruttame
dhammadvaravivaranam labhami nanakuncikam.
|393.157| Kuncikanam ghare datva sanghe 6- ganavaruttame
dvanisamse anubhomi kammanucchavike mama.
@Footnote: 1 Ma. Yu. mukhapunchanacole datva buddhe ganuttame. 2 Ma. ganuttame.
@3 Ma. Yu. chanisamse. 4 Yu. jalitam mam na janami. 5-6 Ma. Yu. buddhe
@sanghe ganuttame.
|393.158| Appakodho anupayaso samsaranto bhave aham
ayoge sugate datva sanghe ganavaruttame.
|393.159| Pancanisamse anubhomi kammanucchavike mama
samadhisu na kampami vasi homi samadhisu.
|393.160| Abhejjapariso homi adeyyavacano sada
jayati 1- bhogasampatti bhave samsarato mama.
|393.161| Dhumanette jine datva sanghe ganavaruttame
tinanisamse anubhomi kammanucchavike mama.
|393.162| Sati me ujuka hoti susambandha ca nharuyo 2-
labhami dibbasayanam 3- tassa nissandato aham.
|393.163| Dipadane 4- jine datva sanghe ganavaruttame
tinanisamse anubhomi kammanucchavike mama.
|393.164| Jatima angasampanno pannava buddhasammato
ime gune patilabhe tassa nissandato mama 5-.
|393.165| Tumbake ca karande ca datva buddhe ganuttame
dasanisamse anubhomi kammanucchavike mama.
|393.166| Tada 6- gutto 7- sukhasamangi mahayasava tatha gati
vibhattigatto 8- sukhumalo sabbitiparivajjito.
|393.167| Vipule ca gune labhi sammanacalana 9- mama
suvivajjitaubbego tumbake ca karandake.
@Footnote: 1 Yu. jaticca. 2 Ma. naharavo. 3 Ma. Yu. dibbanayanam. 4 Ma. Yu. dipadhare.
@5 Ma. Yu. aham. 6 Yu. sada. 7 Ma. sugutto. 8 Ma. vipattivigato. Yu. bhattikato.
@9 Ma. samavacalana.
|393.168| Labhami caturo vanne hatthissaratanani ca
tani me na vinassanti tumbakare 1- idam phalam.
|393.169| Hatthalilangake 2- datva buddhe sanghe ganuttame
pancanisamse anubhomi kammanucchavike mama.
|393.170| Sabbalakkhanasampanno ayupannasamahito
sabbayasavinimutto kayo me hoti sabbada.
|393.171| Tanudhare sunisite sanghe datvana pipphale
kilesakantanam nanam labhami atulam sucim.
|393.172| Sandase sugate datva sanghe ganavaruttame
kilesaluncanam 3- nanam labhami atulam sucim.
|393.173| Natthuke sugate datva sanghe ganavaruttame
atthanisamse anubhomi kammanucchavike mama.
|393.174| Saddha silam hirincapi atha ottappiyam gunam
sutam caganca khanti 4- ca panna me atthamam gunam.
|393.175| Pithake sugate datva sanghe ganavaruttame
pancanisamse anubhomi kammanucchavike mama.
|393.176| Ucce kule pajayami mahabhogo bhavamaham
sabbe mam apacayanti kitti abbhuggata mama.
|393.177| Kappasatasahassani pallanka caturassaka
parivarenti mam niccam samvibhagarato aham.
@Footnote: 1 Ma. Yu. tumbadane. 2 Ma. malaharaniyo. 3 Ma. kilesabhanjanam. 4 Ma. Yu. khantinca.
|393.178| Bhisiyo sugate datva sanghe ganavaruttame
chanisamse anubhomi kammanucchavike mama.
|393.179| Samasugattopacito 1- muduko carudassano
labhami nanapavaram 2- bhisidanassidam phalam.
|393.180| Tulika vikatikayo katissa cittaka bahu
varapotthake kambale ca labhami vividhe aham.
|393.181| Pavarake ca muduke mudukajinaveniyo
labhami vividhatthane 3- bhisidanassidam phalam.
|393.182| Yato sarami attanam yato pattosmi vinnutam
atuccho jhanamancomhi bhisidanassidam phalam.
|393.183| Bibbohane jine datva sanghe ganavaruttame
chanisamse anubhomi kammanucchavike mama.
|393.184| Unnike padumake ca atho lohitacandane
bibbohane upatemi 4- uttamangam sada mama.
|393.185| Atthangike maggavare samanne caturo phale
tesu nanam uppadetva 5- vihare niccakalikam.
|393.186| Dane dame sanname ca appamannasu rupisu
tesu nanam uppadetva vihare sabbakalikam.
|393.187| Vatte gune ca 6- patime acarakiriyasu ca
tesu nanam uppadetva vihare sabbada aham.
@Footnote: 1 Yu. samam sambhattopacito. 2 Ma. Yu. nanaparivaram. 3 Ma. Yu. vividhatthare.
@4 Ma. upadhemi. Yu. upademi. 5 Yu. sabbattha upanetva.
@6 Ma. patipatti. Yu. pancame.
|393.188| Cankame va padhane va viriye bodhipakkhike 1-
tesu nanam uppadetva viharami yathicchakam.
|393.189| Silam samadhi panna ca vimutti ca anuttara
tesu nanam uppadetva viharami sukham aham.
|393.190| Phalapithe jine datva sanghe ganavaruttame
dvanisamse 2- anubhomi kammanucchavike mama.
|393.191| Sonnamaye manimaye dantasaramaye bahu
pallankasetthe vindami phalapithassidam phalam.
|393.192| Padapithe jine datva sanghe ganavaruttame
dvanisamse anubhomi kammanucchavike mama.
|393.193| Labhami bahuke yane padapithassidam phalam
dasi dasa ca bhariya ye canne anujivino.
|393.194| Samma paricaranteva 3- padapithassidam phalam
telaabbhanjane datva sanghe ganavaruttame.
|393.195| Pancanisamse anubhomi kammanucchavike mama
abyadhita rupavata khippam dhammanisandhita 4-.
|393.196| Labhita annapanassa ayum pancamakam mama
sappitelanca datvana sanghe ganavaruttame.
|393.197| Pancanisamse anubhomi kammanucchavike mama
thamava rupasampanno pahatthatanujo sada.
@Footnote: 1 Ma. bodhipakkhiye. 2 Yu. caturanisamse. 3 Ma. Yu. paricarante mam.
@4 Ma. Yu. dhammanisantita.
|393.198| Abyadhi 1- ca sada homi sappitelassidam phalam
mukhadhovanam datvana sanghe ganavaruttame.
|393.199| Pancanisamse anubhomi kammanucchavike mama
visuddhakantho madhussaro kasasasavivajjito.
|393.200| Uppalagandho mukhato upavayati me sada
dadhim datvana sampannam buddhe sanghe ganuttame.
|393.201| Bhunjami amatam bhattam 2- varam kayagatasatim
vannagandharasopetam madhum datva jine gane.
|393.202| Anupamam anannampi 3- labhami vimuttirasam
yathabhutam rasam datva buddhe sanghe ganuttame.
|393.203| Caturo phale anubhomi kammanucchavike mama
annapananca datvana buddhe sanghe ganuttame.
|393.204| Dasanisamse anubhomi kammanucchavike mama
ayuva balava dhiro vannava yasava sukhi.
|393.205| Labhi annassa panassa suro pannanava tatha 4-
ime gune patilabhe samsaranto bhave aham.
|393.206| Dhupam datvana sugate sanghe ganavaruttame
dasanisamse anubhomi kammanucchavike mama.
|393.207| Sugandhadeho yasava sighapanno ca kittima
tikkhapanno bhuripanno hasagambhirapannava.
@Footnote: 1 Ma. abyadhi visado homi. Yu. ... visaji .... 2 Yu. cittam.
@3 Ma. Yu. atuliyam pive muttirasam aham. 4 Ma. sada.
|393.208| Vepullajavanasappanno 1- samsaranto bhavabhave
tasseva vahasa dani patto santisukham sivam.
|393.209| Svagatam vata me asi mama buddhassa santike
tisso vijja anuppatta katam buddhassa sasanam.
|393.210| Kilesa jhapita mayham bhava sabbe samuhata
nagova bandhanam chetva viharami anasavo.
|393.211| Patisambhida catasso vimokkhapica atthime
chalabhinna sacchikata katam buddhassa sasananti.
Ittham sudam ayasma pilindavaccho thero ima gathayo
abhasitthati.
Pilindavacchattherassa apadanam samattam.
Dutiyam selattherapadanam (392)
The Pali Tipitaka in Roman Character Volume 32 page 476-497.
http://84000.org/tipitaka/read/roman_item_s.php?book=32&item=393&items=1&modeTY=2&mode=bracket
Classified by content :-
http://84000.org/tipitaka/read/roman_item_s.php?book=32&item=393&items=1&modeTY=2
Compare with The Pali Tipitaka in Thai Character :-
http://84000.org/tipitaka/read/pali_item_s.php?book=32&item=393&items=1&modeTY=2&mode=bracket
Compare with The Royal Version of Thai Tipitaka :-
http://84000.org/tipitaka/read/byitem_s.php?book=32&item=393&items=1&modeTY=2&mode=bracket
Study Atthakatha :-
http://84000.org/tipitaka/attha/attha.php?b=32&i=393
The Pali Atthakatha in Thai :-
http://84000.org/tipitaka/atthapali/read_th.php?B=50&A=5304
The Pali Atthakatha in Roman :-
http://84000.org/tipitaka/atthapali/read_rm.php?B=50&A=5304
Contents of The Tipitaka Volume 32
http://84000.org/tipitaka/read/?index_32
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ [email protected]
