TIPITAKA Volume 33 : PALI ROMAN
Sutta Pitaka Vol 25 : Sutta. Khu. Apa(2) Buddhavaṃso Cariyāpiṭakaṃ

                     Atthamam bodhisammajjakattherapadanam (528)
     [118] |118.48|  Aham pure bodhipattam     ujjhitam cetiyangane
                            tam gahetvana chaddesim     alabhim visatim gune.
           |118.49|  Tassa kammassa tejena     samsaranto bhavabhave
                            duve bhave samsarami            devatte capi manuse.
           |118.50|  Devaloka cavitvana        agantva manusam bhavam
                            duve kule pajayami         khattiye capi brahmane.
           |118.51|  Angapaccangasampanno     arohaparinahava
                            abhirupo suci homi            sampunnako 1- anunako.
@Footnote: 1 Ma. Yu. sampunnango.
---------------------------------------------------------------------------------------------
page170.
           |118.52|  Devaloke manusse va       jato va yattha katthaci
                            bhave suvannavanno ca      uttattakanakupamo.
           |118.53|  Mudu 1- maddava siniddha  sukhuma sukumarika
                            chavi me sabbada hoti       bodhipatte suchaddite.
           |118.54|  Yato kutoci gatisu            sarire samudagate
                            na limpati rajojallam          vipako pattachaddite.
           |118.55|  Unhe vatatape tassa    aggitapena va pana 2-
                            gatte seda na muncanti   vipako pattachaddite.
           |118.56|  Kuttham gando kilaso ca   tilaka pilaka tatha
                            na honti kaye daddu ca    vipako pattachaddite.
           |118.57|  Aparampi gunantassa        nibbattati bhavabhave
                            roga na honti kayasmim    vipako pattachaddite.
           |118.58|  Aparampi gunantassa        nibbattati bhavabhave
                            na honti cittaja pila    vipako pattachaddite.
           |118.59|  Aparampi gunantassa        nibbattati bhavabhave
                            amitta na bhavantassa      vipako pattachaddite.
           |118.60|  Aparampi gunantassa        nibbattati bhavabhave
                            anunabhogo bhavati             vipako pattachaddite.
           |118.61|  Aparampi gunantassa        nibbattati bhavabhave
                            aggirajuhi corehi           na hoti udaka 3- bhayam.
@Footnote: 1 Ma. Yu. muduka .... 2 Yu. puna. 3 Ma. Yu. udake.
---------------------------------------------------------------------------------------------
page171.
           |118.62|  Aparampi gunantassa        nibbattati bhavabhave
                            dasi dasa anucara        honti cittanuvattaka.
           |118.63|  Yamhi ayuppamanamhi   jayate manuse bhave
                            tato na hayate ayu        titthate yavatayukam.
           |118.64|  Abbhantara ca 1- bahira  negama ca saratthaka
                            anuyutta honti sabbepi   vuddhikama sukhicchaka.
           |118.65|  Bhogava yasava homi         sirima natipakkhava
                            avero 2- gatasantaso     bhavehi 3- sabbada bhave.
           |118.66|  Deva manussa asura       gandhabba yakkharakkhasa
                            sabbe te parirakkhanti       bhave samsarato sada.
           |118.67|  Devaloke manusse va 4-  anubhotva ubho yase
                            avasane ca nibbanam        sivam patto anuttaram.
           |118.68|  Sambuddhamuddisitvana     bodhim va tassa satthuno
                            yo punnam pasave poso     tassa kim nama dullabham.
           |118.69|  Magge phale ca agame       jhanabhinnagunesu ca
                            annesam adhiko hutva      nibbayati 5- anasavo.
           |118.70|  Pureham bodhiya pattam        chaddetva hatthamanaso
                            imehi visatangehi             samangi homi sabbada.
           |118.71|  Kilesa jhapita mayham     bhava sabbe samuhata
                            nagova bandhanam chetva     viharami anasavo.
@Footnote: 1 Yu. bahicara. 2 Ma. Yu. apetabhayasantaso. 3 Yu. bhavesam sabbato.
@4 Ma. ca. 5 Ma. Yu. nibbayami.
---------------------------------------------------------------------------------------------
page172.
           |118.72|  Svagatam vata me asi        mama buddhassa santike
                            tisso vijja anuppatta  katam buddhassa sasanam.
           |118.73|  Patisambhida catasso        vimokkhapica atthime
                            chalabhinna sacchikata      katam buddhassa sasananti.
  Ittham sudam ayasma bodhisammajjako thero ima gathayo abhasitthati.
                          Bodhisammajjakattherassa apadanam samattam.


             The Pali Tipitaka in Roman Character Volume 33 page 169-172.
http://84000.org/tipitaka/read/roman_item_s.php?book=33&item=118&items=1&pagebreak=1&modeTY=2
             Classified by [Item Number] :-
http://84000.org/tipitaka/read/roman_item_s.php?book=33&item=118&items=1&pagebreak=1&modeTY=2&mode=bracket
             Compare with The Pali Tipitaka in Thai Character :-
http://84000.org/tipitaka/read/pali_item_s.php?book=33&item=118&items=1&pagebreak=1&modeTY=2
             Compare with The Royal Version of Thai Tipitaka :-
http://84000.org/tipitaka/read/byitem_s.php?book=33&item=118&items=1&pagebreak=1&modeTY=2
             Study Atthakatha :-
http://84000.org/tipitaka/attha/attha.php?b=33&i=118
             Contents of The Tipitaka Volume 33
http://84000.org/tipitaka/read/?index_33