[158] |158.287| Padumuttaro nama jino sabbadhammesu cakkhuma
ito satasahassamhi kappe uppajji nayako.
@Footnote: 1 Ma. iddhisu ca. 2 Ma. Yu. tassa. 3 Ma. jatavedassa. 4 Ma. Yu. sukham.
@5 Ma. Yu. sattabojjhange.
|158.288| Tadaham 1- hamsavatiyam jata setthikule ahu
nanaratanapajjote mahasukhasamappita.
|158.289| Upetva tam mahaviram assosim dhammadesanam
tato jatappasadaham upesim 2- saranam jinam.
|158.290| Mataram pitarancaham ayacitva vinayakam
nimantayitva sattaham bhojayim saha savakam.
|158.291| Atikkante ca sattahe mahapannanamuttamam
bhikkhunim etadaggamhi thapesi narasarathi.
|158.292| Tam sutva mudita hutva puna 3- tassa mahesino
karam katvana tam thanam panipacca panidahim.
|158.293| Tato mam sa jino aha sijjhatam panidhi tava
sasanghe me katam karam appameyyaphalam taya.
|158.294| Satasahasse ito kappe okkakakulasambhavo
gotamo nama namena sattha loke bhavissati.
|158.295| Tassa dhammesu dayada orasa dhammanimmita
etadaggamanuppatta khema nama bhavissati.
|158.296| Tena kammena sukatena cetanapanidhihi ca
jahitva manusam deham tavatimsupaga aham.
|158.297| Tato cuta yamamagam tatoham tusitam gata
tato ca nimmanaratim vasavattipuram gata 4-.
@Footnote: 1 Yu. nagareham. 2 Ma. upemi. 3 Ma. Yu. pano. 4 Ma. Yu. tato.
|158.298| Yattha yatthupapajjami tassa kammassa vahasa
tattha tattheva rajunam mahesittamakarayim.
|158.299| Tato cuta manussatte rajunam cakkavattinam
mandalinanca rajunam mahesittamakarayim.
|158.300| Sampattim anubhotvana devesu manusesu ca
sabbattha sukhita hutva nekakappesu samsarim.
|158.301| Ekanavute ito kappe vipassi lokanayako
uppajji carudassano 1- sabbadhamme vipassako.
|158.302| Tamaham lokanayakam upetva narasarathim
dhammam panitam sutvana pabbajim anagariyam.
|158.303| Dasavassasahassani tassa virassa sasane
brahmacariyam caritvana yuttayoga bahussuta.
|158.304| Paccayakarakusala catusaccavisarada
nipuna cittakathika satthusasanakarika.
|158.305| Tato cutaham tusitam upapanna yasassini
abhibhosim 2- tahim anne brahmacariyaphalenaham.
|158.306| Yattha yatthopapannaham mahabhoga mahaddhana
medhavini rupavati 3- vinitaparisapica.
|158.307| Bhavami tena kammena yogena jinasasane
sabba sampattiyo mayham sulabha manaso piya.
@Footnote: 1 Yu. carunayano. 2 Ma. abhibhomi. 3 Ma. silavati.
|158.308| Yopi me bhavate bhatta yattha yattha gatayapi
vimaneti na mam koci patipattiphalena me.
|158.309| Imamhi bhaddake kappe brahmabandhu mahayaso
namena konagamano uppajji vadatam varo.
|158.310| Tada hi baranasiyam susamiddhikulappaja 1-
dhananjani sumedha ca ahampica tayo jana.
|158.311| Sangharamam adasimha neke sahassike 2- mune
sasanghassa viharam hi 3- uddissa karika 4- mayam.
|158.312| Tato cuta mayam sabba tavatimsupaga ahum
yasasa aggatam patta manussesu tatheva ca.
|158.313| Imasmimyeva kappamhi brahmabandhu mahayaso
kassapo nama namena uppajji vadatam varo.
|158.314| Upatthako mahesissa tada asi narissaro
kasiraja kiki nama baranasipuruttame.
|158.315| Tassasim jetthaka dhita samani iti vissuta
dhammam sutva jinaggassa pabbajjam samarocayim.
|158.316| Anujani na no tato agareva tada mayam
visavassasahassani vicarimha atandita.
|158.317| Komaribrahmacariyam 5- rajakanna sukhe thita
buddhopatthananirata mudita satta dhitaro.
@Footnote: 1 Ma. Yu. susamiddhakulappaja. 2 Ma. danasahayika pure. Yu. danam sahassikam mune.
@3 Ma. sanghassa ca viharampi. 4 Yu. dayika. 5 Yu. komarabrahmacariyam.
@ito param idisameva.
|158.318| Samani samanagutta ca bhikkhuni bhikkhudasika 1-
dhamma ceva sudhamma ca sattami sanghadasika 2-.
|158.319| Aham uppalavanna ca patacara ca kundala
kisagotami dhammadinna visakha hoti sattami.
|158.320| Kadaci so naradicco dhammam deseti 3- abbhutam
mahanidanasuttantam sutva tam pariyapunim.
|158.321| Tehi kammehi sukatehi cetanapanidhihi ca
jahitva manusam deham tavatimsam aganchaham.
|158.322| Pacchime ca bhave dani sakalayam puruttame
ranno maddassa dhitasim manapa dayita piya.
|158.323| Saha me jatamattamhi khemam tamhi pure ahu
tato khemati namam me gunato 4- upapajjatha.
|158.324| Yadaham yobbanam patta rupavannavibhusita 5-
tada adasi mam tato bimbisarassa rajino.
|158.325| Tassaham supiya asim rupakelayane rata
rupanam dosavaditi na upemi mahadayam.
|158.326| Bimbisaro tada raja mamanuggahabuddhiya
vannayitva veluvanam gayake gapayi 6- mamam.
|158.327| Rammam veluvanam yena na dittham sugatalayam
na tena nandanam dittham iti mannamhase mayam.
@Footnote: 1-2 Ma. Yu. ...dayika. ito param idisameva. 3 Ma. desesi. 4 Yu. gunikam
@udapajjatha. 5 Ma. rupalavannabhusita. Yu. rupavantavibhusita. 6 Yu. papayi.
|158.328| Yena veluvanam dittham naranandananandanam
sudittham nandanam tena amarindasunandanam.
|158.329| Vihaya nandanam deva otaritva mahitale 1-
rammam veluvanam disva na tappanti suvimhita.
|158.330| Rajapunnena nibbattam buddhapunnena bhusitam
ko vatta tassa nissesam vanassa gunasancayam.
|158.331| Tam sutva vanasamiddhim mama sotamanoharam
datthukama tamuyyanam ranno arocayim tada.
|158.332| Mahata parivarena tada mam 2- so mahipati
sampesesi 3- tamuyyanam dassanaya samussukam.
|158.333| Gaccha passa mahabhoge vanam nettarasayanam
yam sada bhati siriya sugatabhanuranjitam.
|158.334| Yada ca pindaya muni giribbajapuruttamam
pavitthoham tadayeva vanam datthumupagamim.
|158.335| Tada tam samphullavanam 4- nanabhamarakujjitam
kokilagitasahitam mayuragananaccitam.
|158.336| Appasaddamanakinnam nanacankamabhusitam
kutimandapasankinnam yogiviravirajitam 5-.
|158.337| Vicaranti amannissam saphalam nayanam mamam
tadapi tarunam bhikkhum yuttam disva vicintayim.
@Footnote: 1 Ma. mahitalam. 2 Ma. ca. 3 Ma. mam pesesi. Yu. sampapesi.
@4 Ma. phullavipimam. Yu. phullapavanam. 5 Ma. Yu. yogivaravirajitam.
|158.338| Idisepi vane ramme thitoyam navayobbane
vasantamiva kantena rupena susamanvito 1-.
|158.339| Nisinno rukkhamulamhi mundo sanghatiparuto
jhayate vatayam bhikkhu hitva visayajam ratim.
|158.340| Nanu nama gahatthena kamam bhutva yathasukham
paccha jinnena dhammoyam caritabbo subhaddako.
|158.341| Sunnakanti viditvana gandhageham jinalayam
upetva jinamaddakkhim udayantamva bhakaram.
|158.342| Ekakam sukhamasinam vijamanam varitthiya
disvanevam vicintesim nayam lukho narasabho.
|158.343| Sa kanna kanakabhasa padumananalocana
bimbotthi kundadassana manonettarasayana.
|158.344| Hemadola suvadana 2- kamalakarasutthani 3-
vedimajjha varasoni 4- rammoru carubhusana.
|158.345| Rattamsakupasambyana 5- nilamatthanivasana
atappaneyyarupena sabbabharanamandita 6-.
|158.346| Disva tamevam cintesim ahoyamatirupini
na mayanena nettena ditthapubba kudacanam.
|158.347| Tato jarabhibhuta sa vivanna vikatanana
chinnadanta 7- setasira salala vadanasuci.
@Footnote: 1 Ma. rupena ca samanvito. 2 Ma. bhasavana. Yu. vasavana. 3 Ma. kalikakarasutthani.
@Yu. kalasakarasutthani. 4 Ma. vedimajjhava sussoni. 5 Yu. rattamsakasusamvita.
@6 Ma. Yu. hasabhavasamanvita. 7 Ma. sinnadanta. Yu. sinadanta.
|158.348| Sankhittakanna setakkhi lambasubhapayodhara
valivitatasabbangi siravitatadehini.
|158.349| Natangi dandadutiya upandupanduka 1- kisa
pavedhamana patita nissasanti mahum mahum.
|158.350| Tato me asi samvego abbhuto lomahamsano
dhiratthu rupam asucim ramante yattha balisa.
|158.351| Tada mahakaruniko disva samviggamanasam
udaggacitto sumano ima gatha abhasatha.
|158.352| Aturam asucim putim passa kheme samussayam
uggharantam paggharantam balanam abhinanditam.
|158.353| Asubhaya cittam bhavehi ekaggam susamahitam
sati kayagata tyatthu nibbidabahula bhava.
|158.354| Yatha idam tatha etam yatha etam tatha idam
ajjhattanca bahiddha ca kaye chandam virajaya.
|158.355| Animittanca bhavehi mananusaya pajjaha
tato manabhisamaya upasanta carissasi.
|158.356| Ye ragarattanupatanti sotam
sayam katam makkatakova jalam
etampi chetvana paribbajanti
anapekkhino 2- kamasukham pahaya.
@Footnote: 1 Ma. uphasulikata. Yu. upasulikata. 2 Ma. na pekkhino.
|158.357| Tato kallikacittam mam natvana narasarathi
mahanidanam desesi suttantam vinayaya me.
|158.358| Sutva suttantasetthanta pubbasannamanussarim
tatthatthitavaham santi dhammacakkhum visodhayim.
|158.359| Nipatitva mahesissa padamulamhi tavade
accayam desanatthaya imam vacanamabravim.
|158.360| Namo te sabbadassavi namo te karunalaya
namo te tinnasamsara namo te amatandada.
|158.361| Ditthigahanapakkhanta 1- kamaragavimohita
taya samma upayena vinita vinaye rata.
|158.362| Adassanena vihita 2- tadisanam mahesinam
anubhonti mahadukkham satta samsarasagare.
|158.363| Yadaham lokasaranam aranam maranantagam 3-
naddasami madhurattham desessami 4- tamaccayam.
|158.364| Mahahitam varaddadam 5- ahitoti visankita
nopesim rupanirata desessami tamaccayam.
|158.365| Tada madhuranigghoso mahakaruniko jino
avoca tittha khemeti sincanto amatena mam.
|158.366| Tada panamma sirasa katva ca nam padakkhinam
gantva disva narapatim imam vacanamabravim.
@Footnote: 1 Ma. ...pakkhanda. Yu. ...pakkhamana. 2 Ma. Yu. vibhoga. 3 Ma. maranantagum.
@4 Ma. Yu. desayami. 5 Yu. mahahitam tam varadam.
|158.367| Aho samma upayo te cintitoyamarindama
vanadassanakamaya dittho nibbanatho 1- muni.
|158.368| Yadi te ruccate raja sasane tassa tadino
pabbajissami rupeham nibbinna muni bhanina.
Dutiyam bhanavaram.
|158.369| Anjalim paggahetvana tadaha sa mahipati
anujanami te bhadde pabbajja tava sijjhatu.
|158.370| Pabbajitva tada caham sattamase 2- upatthite
dipodayanca bhedanca disva samviggamanasa.
|158.371| Nibbinna sabbasankhare paccayakarakovida
caturoghe atikkamma arahattam apapunim.
|158.372| Iddhiya 3- ca vasi asim dibbaya sotadhatuya
cetopariyananassa vasi capi bhavamaham.
|158.373| Pubbenivasam janami dibbacakkhum visodhitam
sabbasava parikkhina natthi dani punabbhavo.
|158.374| Atthadhammaniruttisu patibhane tatheva ca
parisuddham mamam nanam uppannam buddhasasane.
|158.375| Kusalaham visuddhisu kathavatthuvisarada
abhidhammanayannu ca vasippattamhi sasane.
@Footnote: 1 Ma. nibbanato. 2 Ma. addhamase. 3 Ma. iddhisu. ito param idisameva.
|158.376| Tato toranavatthusmim ranna kosalasamina
pucchitva nipune panhe byakaronti yathakatham.
|158.377| Tada sa raja sugatam upasankamma pucchatha
tatheva buddho byakasi yatha te byakata maya.
|158.378| Jino tasmim gune tuttho etadagge thapesi mam
mahapannanamaggati bhikkhuninam naruttamo.
|158.379| Kilesa jhapita mayham bhava sabbe samuhata
nagiva bandhanam chetva viharami anasava.
|158.380| Svagatam vata me asi buddhasetthassa santike
tisso vijja anuppatta katam buddhassa sasanam.
|158.381| Patisambhida catasso vimokkhapica atthime
chalabhinna sacchikata katam buddhassa sasananti.
Ittham sudam khema bhikkhuni ima gathayo abhasitthati.
Khematheriya apadanam samattam.
Navamam uppalavannatheriyapadanam (19)
The Pali Tipitaka in Roman Character Volume 33 page 300-310.
http://84000.org/tipitaka/read/roman_item_s.php?book=33&item=158&items=1&modeTY=2&mode=bracket
Classified by content :-
http://84000.org/tipitaka/read/roman_item_s.php?book=33&item=158&items=1&modeTY=2
Compare with The Pali Tipitaka in Thai Character :-
http://84000.org/tipitaka/read/pali_item_s.php?book=33&item=158&items=1&modeTY=2&mode=bracket
Compare with The Royal Version of Thai Tipitaka :-
http://84000.org/tipitaka/read/byitem_s.php?book=33&item=158&items=1&modeTY=2&mode=bracket
Study Atthakatha :-
http://84000.org/tipitaka/attha/attha.php?b=33&i=158
Contents of The Tipitaka Volume 33
http://84000.org/tipitaka/read/?index_33
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ [email protected]
