Navamam dasasahassatheriyapadanam (29)
[169] |169.405| Kappe satasahasse ca caturo ca asankhaye
dipankaro nama jino uppajji lokanayako.
|169.406| Dipankaro mahaviro viyakasi vinayako
sumedhanca sumittanca samanasukhadukkhatam.
|169.407| Sadevakanca passanto vicaranto sadevakam
tesam pakittane amhe 2- upagamma samagamam.
@Footnote: 1 Ma. ya. 2 Yu. amha.
|169.408| Amham sabbapati hoti 1- anagatasamagame
sabbava tuyham bhariya manapa piyavadika.
|169.409| Danam silamayam sabbam bhavana 2- ca subhavita
digharattamidam 3- sabbam paricattam mahamune.
|169.410| Gandhamalam vilepanam dipanca ratanamayam
yankinci patthitam sabbam paricattam mahamuni.
|169.411| Annam vapi katam kammam paribhoganca manusam
digharattam hi no sabbam paricattam mahamune.
|169.412| Anekajatisamsaram bahupunnam hi no katam
issaram anubhotvana samsaritva bhavabhave.
|169.413| Pacchime bhavasampatte sakyaputtanivesane
nanakulupapannayo acchara kamavannini.
|169.414| Labhaggena yasam patta pujita sabbasakkata
labhiyo annapananam sada sammanita mayam.
|169.415| Agaram pajahitvana pabbajimhanagariyam
addhamase asampatte sabba pattamha nibbutim.
|169.416| Labhiyo annapananam vatthasenasanani ca
upenti paccaya sabbe sada sakkatapujita.
|169.417| Kilesa jhapita mayham bhava sabbe samuhata
nagiva bandhanam chetva viharama anasava.
@Footnote: 1 Ma. hohi. Yu. sabba pati honti. 2 Yu. bhavanam ca subhavitam.
@3 Ma. digharattanca no. Yu. digharattanca mayam.
|169.418| Svagatam vata no asi buddhasetthassa santike
tisso vijja anuppatta katam buddhassa sasanam.
|169.419| Patisambhida catasso vimokkhapica atthime
chalabhinna sacchikata katam buddhassa sasananti.
Ittham sudam yasodharipamukhani dasa bhikkhunisahassani bhagavato sammukha
ima gathayo abhasitthati.
Dasasahassatherinam apadanam samattam.
The Pali Tipitaka in Roman Character Volume 33 page 367-369.
http://84000.org/tipitaka/read/roman_item_s.php?book=33&item=169&items=1&modeTY=2
Classified by [Item Number] :-
http://84000.org/tipitaka/read/roman_item_s.php?book=33&item=169&items=1&modeTY=2&mode=bracket
Compare with The Pali Tipitaka in Thai Character :-
http://84000.org/tipitaka/read/pali_item_s.php?book=33&item=169&items=1&modeTY=2
Compare with The Royal Version of Thai Tipitaka :-
http://84000.org/tipitaka/read/byitem_s.php?book=33&item=169&items=1&modeTY=2
Study Atthakatha :-
http://84000.org/tipitaka/attha/attha.php?b=33&i=169
Contents of The Tipitaka Volume 33
http://84000.org/tipitaka/read/?index_33
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ [email protected]
