Dasamam sovannakontarikattherapadanam 1- (430)
[20] |20.158| Manobhavaniyam buddham attadantam samahitam
iriyamanam brahmapathe cittavupasame ratam.
|20.159| Nitinnaogha sambuddham jhayim jhanaratam munim
upavittham 2- samapattim indriyasamvarappaham 3-.
|20.160| Alavunodakam gayha buddhasettham upagamim
buddhapade dhovitvana alavukamadasaham.
|20.161| Anapesi ca sambuddho padumuttaranamako
imimodakamahatva padamule thapehi me.
|20.162| Sadhutiham patissutva satthu garavatayava 4-
udakam lavunahatva buddhasettham upanayim 5-.
|20.163| Anumodi mahaviro cittam nibbapayam mama
imina lavudanena sankappo te samijjhatu.
|20.164| Pannarase ito kappe devaloke ramim aham
tettimsakkhattum raja ca cakkavatti ahosaham.
|20.165| Diva va yadiva rattim cankamantassa titthato
sovannam kontaram gayha titthanti 6- purato mama.
|20.166| Buddhassa datvana lavum labhami sonnakontaram
appakampi karam karam vipulam hoti tadisu 7-
@Footnote: 1 Ma. sonnakontarikat.... Yu. suvannakattarikat.... 2 Ma. upatittham
@samapannam. 3 Ma. Yu. indivaradalappabham. 4 Ma. Yu. ... ca. 5 Ma. upagamim.
@6 Ma. titthate. Yu. titthati. 7 Yu. tadisam.
|20.167| Satasahasse ito kappe yam lavumadadim tada
duggatim nabhijanami alavussa idam phalam.
|20.168| Kilesa jhapita mayham bhava sabbe samuhata
nagova bandhanam chetva viharami anasavo.
|20.169| Svagatam vata me asi mama buddhassa santike
tisso vijja anuppatta katam buddhassa sasanam.
|20.170| Patisambhida catasso vimokkhapica atthime
chalabhinna sacchikata katam buddhassa sasananti.
Ittham sudam ayasma sovannakontariko thero ima gathayo abhasitthati.
Sovannakontarikattherassa apadanam samattam.
Uddanam
sakimsammajjako thero ekadussasanappada
kadamba korandakada ghatasavanikopica
sucintito kimkaniko sonnakontarikopica
ekagathasatancettha ekasattatimeva ca.
Sakimsammajjakavaggo tecattaliso.
-----------------------
The Pali Tipitaka in Roman Character Volume 33 page 42-43.
http://84000.org/tipitaka/read/roman_item_s.php?book=33&item=20&items=1&modeTY=2
Classified by [Item Number] :-
http://84000.org/tipitaka/read/roman_item_s.php?book=33&item=20&items=1&modeTY=2&mode=bracket
Compare with The Pali Tipitaka in Thai Character :-
http://84000.org/tipitaka/read/pali_item_s.php?book=33&item=20&items=1&modeTY=2
Compare with The Royal Version of Thai Tipitaka :-
http://84000.org/tipitaka/read/byitem_s.php?book=33&item=20&items=1&modeTY=2
Study Atthakatha :-
http://84000.org/tipitaka/attha/attha.php?b=33&i=20
Contents of The Tipitaka Volume 33
http://84000.org/tipitaka/read/?index_33
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ [email protected]
