paliTIPITAKA Volume 33 - Sutta Pitaka 25

[72] |72.9| Ajjhayiko ^1- mantadharo tinnam vedana paragu lakkhane itihase ca sanighandusaketubhe. |72.10| Nadisotapatibhaga sissa ayanti me tada tesaham mantam ^2- vacemi rattindivamatandito. |72.11| Siddhattho nama sambuddho loke uppajji tavade tamandhakaram nasetva nanalokam pavattayi. |72.12| Mama annataro sisso sissanam so kathesi me sutvana te etamattham arocesum mamam tada. |72.13| Buddho loke samuppanno sabbannu lokanayako tassanuvattati jano labho mayham na vijjati. |72.14| Adhiccuppattika buddha cakkhumanto mahayasa yannunaham buddhasettham passeyyam lokanayakam. @Footnote: ¹ Ma. Yu. sabbattha ajjhayako. ² Ma. Yu. mante. |72.15| Ajinam me gahetvana vakaciram kamandalum assama abhinikkhamma sisse amantayim aham. |72.16| Udumbarikapupphamva candamhi sasakam yatha vayasanam yatha khiram dullabham ^1- lokanayakam. |72.17| Buddho lokamhi uppanno manussattampi dullabham ubhosu vijjamanesu savananca sudullabham. |72.18| Buddho loke samuppanno cakkhum lacchama no bhavam etha sabbe gamissama sammasambuddhasantikam. |72.19| Kamandaludhara sabbe kharajinanivasino te ^2- jatabharabharita nikkhamma pavana tada. |72.20| Yuttamattam ^3- pekkhamana uttamattham gavesino ayanti ^4- nagapotava asambhitava kesari. |72.21| Appatasa ^5- aloluppa nipaka santavuttino unchaya caramana te buddhasettham upagamum. |72.22| Diyaddhayojane dese ^6- byadhi me upapajjatha buddhasettham saritvana tattha kalam kato aham. |72.23| Catunavute ito kappe yam sannamalabhim tada duggatim nabhijanami buddhasannayidam phalam. |72.24| Kilesa jhapita mayham bhava sabbe samuhata nagova bandhanam chetva viharami anasavo. @Footnote: ¹ Ma. dullabho lokanayako. ² Yu. ye. ³ Po. Ma. Yu. yugamattam. @⁴ Ma. asatti dosarahita. ⁵ Ma. appakicca. Yu. appabhasa alilata. @⁶ Ma. Yu. sese. |72.25| Svagatam vata me asi mama buddhassa santike tisso vijja anuppatta katam buddhassa sasanam. |72.26| Patisambhida catasso vimokkhapica atthime chalabhinna sacchikata katam buddhassa sasananti. Ittham sudam ayasma buddhasannako thero ima gathayo abhasitthati. Buddhasannakattherassa apadanam samattam. Tatiyam bhisadayakattherapadanam (483)

The Pali Tipitaka in Roman Character Volume 33 page 100-102. http://84000.org/tipitaka/read/roman_item_s.php?book=33&item=72&items=1&modeTY=2&mode=bracket Classified by content :- http://84000.org/tipitaka/read/roman_item_s.php?book=33&item=72&items=1&modeTY=2 Compare with The Pali Tipitaka in Thai Character :- http://84000.org/tipitaka/read/pali_item_s.php?book=33&item=72&items=1&modeTY=2&mode=bracket Compare with The Royal Version of Thai Tipitaka :- http://84000.org/tipitaka/read/byitem_s.php?book=33&item=72&items=1&modeTY=2&mode=bracket Study Atthakatha :- http://84000.org/tipitaka/attha/attha.php?b=33&i=72 The Pali Atthakatha in Thai :- http://84000.org/tipitaka/atthapali/read_th.php?B=50&A=5542 The Pali Atthakatha in Roman :- http://84000.org/tipitaka/atthapali/read_rm.php?B=50&A=5542 Contents of The Tipitaka Volume 33 http://84000.org/tipitaka/read/?index_33