TIPITAKA Volume 33 : PALI ROMAN
Sutta Pitaka Vol 25 : Sutta. Khu. Apa(2) Buddhavaṃso Cariyāpiṭakaṃ

                       Dasamam salamandapiyattherapadanam (490)
     [80] |80.191| Ajjhogahetva salavanam   sukato assamo mama
                          salapupphehi sanchanno       vasami pavane tada.
         |80.192| Piyadassi tu 2- bhagava          sayambhu aggapuggalo
                          vivekakamo sambuddho          salavanamupagami.
         |80.193| Assama abhinikkhamma           pavanam agamasaham
                          mulaphalam gavesanto               ahindami vane tada.
@Footnote: 1 Yu. cirakalam samagato. 2 Ma. Yu. ca.
---------------------------------------------------------------------------------------------
page121.
         |80.194| Tatthaddasasim sambuddham        piyadassim mahayasam
                          sunisinnam samapannam            virocantam mahavane.
         |80.195| Catudande thapetvana          buddhassa upari aham
                          mandapam sukatam katva           salapupphehi chadayim.
         |80.196| Sattaham dharayitvana           mandapam salachaditam
                          tattha cittam pasadetva       buddhasettham avandaham.
         |80.197| Bhagava tamhi samaye             vutthahitva samadhito 1-
                          yugamattam pekkhamano          nisidi purisuttamo.
         |80.198| Savako varuno nama            piyadassissa satthuno
                          vasisatasahassehi                  upaganchi vinayakam.
         |80.199| Piyadassi tu bhagava              lokajettho narasabho
                          bhikkhusanghe nisiditva          sitam patukari jino.
         |80.200| Anuruddho upatthako          piyadassissa satthuno
                          ekamsam civaram katva               apucchittha mahamunim.
         |80.201| Ko nu kho bhagava hetu           sitakammassa satthuno
                          karane vijjamanamhi          sattha patukare sitam.
         |80.202| Sattaham pupphachadanam 2-       yo me dharesi manavo
                          tassa kammam saritvana           sitam patukarim aham.
         |80.203| Anokasam 3- na passami      yantam 4- punnam vipaccati
                          devaloke manusse va          okasova na sammati.
@Footnote: 1 Yu. samadhino. 2 Ma. salacchadanam. 3 Po. Yu. okasaham. 4 Ma. yattha.
---------------------------------------------------------------------------------------------
page122.
         |80.204| Devaloke vasantassa            punnakammasamangino
                          yavata parisa tassa           salachanna bhavissati.
         |80.205| Tattha dibbehi naccehi         gitehi vaditehi ca
                          ramissati sada santo           punnakammasamahito.
         |80.206| Yavata parisa tassa            gandhagandhi bhavissati
                          salassa pupphavasso ca        pavassissati tavade.
         |80.207| Tato cutoyam manujo              manusam agamissati
                          idhapi salachadanam               sabbakalam dharissati 1-.
         |80.208| Idha naccanca gitanca           sammatalasamahitam
                          parivaressantimam niccam         buddhapujayidam phalam.
         |80.209| Uggacchante ca suriye           salavassampavassati
                          punnakammena samyuttam         vassati sabbakalikam.
         |80.210| Attharase kappasate            okkakakulasambhavo
                          gotamo nama namena           sattha loke bhavissati.
         |80.211| Tassa dhammesu dayado        oraso dhammanimmito
                          sabbasave parinnaya        nibbayissatinasavo.
         |80.212| Dhammam abhisamentassa           salachadanam 2- bhavissati
                          citake jhayamanassa            chadanam tattha hessati.
         |80.213| Vipakam kittayitvana            piyadassi mahamuni
                          parisaya dhammam desesi          tappento dhammavutthiya.
@Footnote: 1 Yu. dhariyyati. 2 Ma. salacchannam.
---------------------------------------------------------------------------------------------
page123.
         |80.214| Timsakappani devesu             devarajjamakarayim
                          satthi ca sattakkhattum ca         cakkavatti ahosaham.
         |80.215| Devaloka idhagantva        labhami vipulam sukham
                          idhapi salachadanam               mandapassa idam phalam.
         |80.216| Ayam pacchimako mayham             carimo vattate bhavo
                          idhapi salachadanam               hessati sabbakalikam.
         |80.217| Mahamunim tosayitva            gotamam sakyapungavam
                          pattompi acalam thanam          hitva jayaparajayam.
         |80.218| Attharase kappasate            yam buddhamabhipujayim
                          duggatim nabhijanami           buddhapujayidam phalam.
         |80.219| Kilesa jhapita mayham         bhava sabbe samuhata
                          nagova bandhanam chetva        viharami anasavo.
         |80.220| Svagatam vata me asi            mama buddhassa santike
                          tisso vijja anuppatta     katam buddhassa sasanam.
         |80.221| Patisambhida catasso           vimokkhapica atthime
                          chalabhinna sacchikata         katam buddhassa sasananti.
  Ittham sudam ayasma salamandapiyo thero ima gathayo abhasitthati.
                           Salamandapiyattherassa apadanam samattam.
---------------------------------------------------------------------------------------------
page124.
                                                   Uddanam
                       pamsukulam buddhasanni             bhisado nanakittako
                       candani dhatupuji ca               pulinuppadakopica.
                        Tarano dhammaruciko              salamandapiyo tatha
                        gathasatani dve honti     unavisatimeva ca.
                                Pamsukulavaggo ekunapannasamo.
                                           ----------------------


             The Pali Tipitaka in Roman Character Volume 33 page 120-124.
http://84000.org/tipitaka/read/roman_item_s.php?book=33&item=80&items=1&pagebreak=1&modeTY=2
             Classified by [Item Number] :-
http://84000.org/tipitaka/read/roman_item_s.php?book=33&item=80&items=1&pagebreak=1&modeTY=2&mode=bracket
             Compare with The Pali Tipitaka in Thai Character :-
http://84000.org/tipitaka/read/pali_item_s.php?book=33&item=80&items=1&pagebreak=1&modeTY=2
             Compare with The Royal Version of Thai Tipitaka :-
http://84000.org/tipitaka/read/byitem_s.php?book=33&item=80&items=1&pagebreak=1&modeTY=2
             Study Atthakatha :-
http://84000.org/tipitaka/attha/attha.php?b=33&i=80
             The Pali Atthakatha in Thai :-
http://84000.org/tipitaka/atthapali/read_th.php?B=50&A=5595
             The Pali Atthakatha in Roman :-
http://84000.org/tipitaka/atthapali/read_rm.php?B=50&A=5595
             Contents of The Tipitaka Volume 33
http://84000.org/tipitaka/read/?index_33