Niddesavāro
[825] Dukkhaṃ dukkhasaccanti: āmantā . dukkhasaccaṃ dukkhanti:
kāyikaṃ dukkhaṃ cetasikaṃ dukkhaṃ ṭhapetvā avasesaṃ dukkhasaccaṃ dukkhasaccaṃ
na dukkhaṃ kāyikaṃ dukkhaṃ cetasikaṃ dukkhaṃ dukkhañceva dukkhasaccañca .
Samudayo samudayasaccanti: samudayasaccaṃ ṭhapetvā avaseso samudayo
samudayo na samudayasaccaṃ samudayasaccaṃ samudayo ceva samudayasaccañca .
Samudayasaccaṃ samudayoti: āmantā . nirodho nirodhasaccanti: nirodhasaccaṃ
ṭhapetvā avaseso nirodho nirodho na nirodhasaccaṃ nirodhasaccaṃ
Nirodho ceva nirodhasaccañca . nirodhasaccaṃ nirodhoti: āmantā .
Maggo maggasaccanti: maggasaccaṃ ṭhapetvā avaseso maggo maggo
na maggasaccaṃ maggasaccaṃ maggo ceva maggasaccañca . maggasaccaṃ
maggoti: āmantā.
[826] Na dukkhaṃ na dukkhasaccanti: kāyikaṃ dukkhaṃ cetasikaṃ dukkhaṃ
ṭhapetvā avasesaṃ dukkhasaccaṃ na dukkhaṃ dukkhasaccaṃ dukkhañca dukkhasaccañca
ṭhapetvā avasesaṃ na ceva dukkhaṃ na ca dukkhasaccaṃ .
Na dukkhasaccaṃ na dukkhanti: āmantā . na samudayo na samudayasaccanti:
āmantā . na samudayasaccaṃ na samudayoti: samudayasaccaṃ ṭhapetvā
avaseso samudayo na samudayasaccaṃ samudayo samudayañca samudayasaccañca
ṭhapetvā avaseso na ceva samudayo na ca samudayasaccaṃ . Na nirodho
na nirodhasaccanti: āmantā . na nirodhasaccaṃ na nirodhoti: nirodhasaccaṃ
ṭhapetvā avaseso nirodho na nirodhasaccaṃ nirodho nirodhañca
nirodhasaccañca ṭhapetvā avaseso na ceva nirodho na ca nirodhasaccaṃ.
Na maggo na maggasaccanti: āmantā . na maggasaccaṃ na maggoti:
maggasaccaṃ ṭhapetvā avaseso maggo na maggasaccaṃ maggo maggañca
maggasaccañca ṭhapetvā avaseso na ceva maggo na ca maggasaccaṃ.
--------
[827] Dukkhaṃ dukkhasaccanti: āmantā . saccā samudayasaccanti:
samudayasaccaṃ saccañceva samudayasaccañca avasesā saccā saccā
Na samudayasaccaṃ . dukkhaṃ dukkhasaccanti: āmantā . saccā
nirodhasaccanti: .pe. saccā maggasaccanti: maggasaccaṃ saccañceva
maggasaccañca avasesā saccā saccā na maggasaccaṃ . samudayo
samudayasaccanti: samudayasaccaṃ ṭhapetvā avaseso samudayo samudayo na
samudayasaccaṃ samudayasaccaṃ samudayo ceva samudayasaccañca . saccā
dukkhasaccanti: .pe. saccā nirodhasaccanti: .pe. saccā
maggasaccanti: maggasaccaṃ saccañceva maggasaccañca avasesā saccā
saccā na maggasaccaṃ . nirodho nirodhasaccanti: nirodhasaccaṃ ṭhapetvā
avaseso nirodho nirodho na nirodhasaccaṃ nirodhasaccaṃ nirodho ceva
nirodhasaccañca . saccā dukkhasaccanti: .pe. saccā samudayasaccanti:
.pe. saccā maggasaccanti: maggasaccaṃ saccañceva maggasaccañca
avasesā saccā saccā na maggasaccaṃ . maggo maggasaccanti: maggasaccaṃ
ṭhapetvā avaseso maggo maggo na maggasaccaṃ maggasaccaṃ
maggo ceva maggasaccañca . saccā dukkhasaccanti: .pe. saccā
samudayasaccanti: .pe. saccā nirodhasaccanti: nirodhasaccaṃ saccañceva
nirodhasaccañca avasesā saccā saccā na nirodhasaccaṃ.
[828] Na dukkhaṃ na dukkhasaccanti: kāyikaṃ dukkhaṃ cetasikaṃ dukkhaṃ
ṭhapetvā avasesaṃ dukkhasaccaṃ na dukkhaṃ dukkhasaccaṃ dukkhañca dukkhasaccañca
ṭhapetvā avasesā na ceva dukkhaṃ na ca dukkhasaccaṃ .
Na saccā na samudayasaccanti: āmantā . na dukkhaṃ na dukkhasaccanti:
Kāyikaṃ dukkhaṃ cetasikaṃ dukkhaṃ ṭhapetvā avasesaṃ dukkhasaccaṃ na dukkhaṃ
dukkhasaccaṃ dukkhañca dukkhasaccañca ṭhapetvā avasesā na ceva
dukkhaṃ na ca dukkhasaccaṃ . na saccā na nirodhasaccanti: .pe. Na saccā
na maggasaccanti: āmantā . na samudayo na samudayasaccanti: āmantā.
Na saccā na dukkhasaccanti: āmantā . na samudayo na samudayasaccanti:
āmantā . na saccā na nirodhasaccanti: .pe. Na saccā na maggasaccanti:
āmantā . na nirodho na nirodhasaccanti: āmantā .
Na saccā na dukkhasaccanti: .pe. na saccā na samudayasaccanti: .pe.
Na saccā na maggasaccanti: āmantā . na maggo na maggasaccanti:
āmantā . na saccā na dukkhasaccanti: āmantā . na maggo
na maggasaccanti: āmantā . na saccā na samudayasaccanti: .pe.
Na saccā na nirodhasaccanti: āmantā.
--------
[829] Dukkhaṃ saccanti: āmantā . saccā dukkhasaccanti:
dukkhasaccaṃ saccañceva dukkhasaccañca avasesā saccā saccā na dukkhasaccaṃ.
Samudayo saccanti: āmantā .pe. nirodho saccanti: āmantā
.pe. maggo saccanti: āmantā . saccā maggasaccanti: maggasaccaṃ
saccañceva maggasaccañca avasesā saccā saccā na maggasaccaṃ.
[830] Na dukkhaṃ na saccanti: dukkhaṃ ṭhapetvā avasesā saccā
na dukkhaṃ saccā dukkhañca saccañca ṭhapetvā avasesā na ceva dukkhaṃ
Na ca saccā . na saccā na dukkhasaccanti: āmantā . Na samudayo
na saccanti: samudayaṃ ṭhapetvā .pe. na nirodho na saccanti: nirodhaṃ
ṭhapetvā .pe. na maggo na saccanti: maggaṃ ṭhapetvā avasesā
saccā na maggo saccā maggañca saccañca ṭhapetvā avasesā na
ceva maggo na ca saccā. Na saccā na maggasaccanti: āmantā.
---------
[831] Dukkhaṃ saccanti: āmantā . saccā samudayasaccanti:
samudayasaccaṃ saccañceva samudayasaccañca avasesā saccā saccā na
samudayasaccaṃ . dukkhaṃ saccanti: āmantā . saccā nirodhasaccanti:
.pe. saccā maggasaccanti: maggasaccaṃ saccañceva maggasaccañca
avasesā saccā saccā na maggasaccaṃ . samudayo saccanti: āmantā
.pe. nirodho saccanti: āmantā .pe. maggo saccanti:
āmantā . saccā dukkhasaccanti: .pe. saccā samudayasaccanti: .pe.
Saccā nirodhasaccanti: nirodhasaccaṃ saccañceva nirodhasaccañca avasesā
saccā saccā na nirodhasaccaṃ.
[832] Na dukkhaṃ na saccanti: dukkhaṃ ṭhapetvā avasesā saccā
na dukkhaṃ saccā dukkhañca saccañca ṭhapetvā avasesā na ceva dukkhaṃ
na ca saccā . na saccā na samudayasaccanti: āmantā . na dukkhaṃ
na saccanti: dukkhaṃ ṭhapetvā avasesā saccā na dukkhaṃ saccā dukkhañca
saccañca ṭhapetvā avasesā na ceva dukkhaṃ na ca saccā. Na saccā
Nanirodhasaccanti: .pe. nasaccā namaggasaccanti: āmantā .
Nasamudayo nasaccanti: samudayaṃ ṭhapetvā avasesā saccā nasamudayo
saccā samudayañca saccañca ṭhapetvā avasesā na ceva samudayo
na ca saccā .pe. nanirodho nasaccanti: nirodhaṃ ṭhapetvā .pe.
Namaggo nasaccanti: maggaṃ ṭhapetvā avasesā saccā namaggo
saccā maggañca saccañca ṭhapetvā avasesā na ceva maggo
na ca saccā . nasaccā nadukkhasaccanti: āmantā. Namaggo nasaccanti:
maggaṃ ṭhapetvā avasesā saccā namaggo saccā maggañca
saccañca ṭhapetvā avasesā na ceva maggo na ca saccā. Nasaccā
nasamudayasaccanti: .pe. Nasaccā nanirodhasaccanti: āmantā.
Paṇṇattivāro.
---------
The Pali Tipitaka in Roman Character Volume 38 page 276-281.
http://84000.org/tipitaka/read/roman_item_s.php?book=38&item=825&items=8
Classified by [Item Number] :-
http://84000.org/tipitaka/read/roman_item_s.php?book=38&item=825&items=8&mode=bracket
Compare with The Pali Tipitaka in Thai Character :-
http://84000.org/tipitaka/read/pali_item_s.php?book=38&item=825&items=8
Compare with The Royal Version of Thai Tipitaka :-
http://84000.org/tipitaka/read/byitem_s.php?book=38&item=825&items=8
Study Atthakatha :-
http://84000.org/tipitaka/attha/attha.php?b=38&i=825
Contents of The Tipitaka Volume 38
http://84000.org/tipitaka/read/?index_38
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ [email protected]
