บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
TIPITAKA Volume 4 : PALI ROMAN Vinaya Pitaka Vol 4 : Vinaya. Mahā (1)
[162] Tena kho pana samayena ayasma mahakassapo andhakavinda rajagaham uposatham agacchanto antaramagge nadim taranto manam vulho ahosi civaranissa allani . bhikkhu ayasmantam mahakassapam etadavocum kissa te avuso civarani allaniti . idhaham avuso andhakavinda rajagaham uposatham agacchanto antaramagge nadim taranto manamhi 2- vulho tena me civarani allaniti . Bhagavato etamattham arocesum . ya sa bhikkhave sanghena sima sammata samanasamvasa ekuposatha sangho tam simam ticivarena avippavasam sammannatu . evanca pana bhikkhave sammannitabba . @Footnote: 1 Yu. kariyatuti . 2 manam amhiti padacchedo. Byattena bhikkhuna patibalena sangho napetabbo {162.1} sunatu me bhante sangho ya sa sanghena sima sammata samanasamvasa ekuposatha yadi sanghassa pattakallam sangho tam simam ticivarena avippavasam sammanneyya. Esa natti. {162.2} Sunatu me bhante sangho ya sa sanghena sima sammata samanasamvasa ekuposatha sangho tam simam ticivarena avippavasam sammannati . yassayasmato khamati etissa simaya ticivarena avippavasassa 1- sammati so tunhassa yassa nakkhamati so bhaseyya . sammata sa sima sanghena ticivarena avippavaso 2- khamati sanghassa tasma tunhi. Evametam dharayamiti. {162.3} Tena kho pana samayena bhikkhu bhagavata ticivarena avippavasasammati anunnatati antaraghare civarani 3- nikkhipanti . Tani civarani nassantipi dayhantipi undurehipi khajjanti . bhikkhu duccola honti lukhacivara . bhikkhu evamahamsu kissa tumhe avuso duccola lukhacivarati . idha mayam avuso bhagavata ticivarena avippavasasammati anunnatati antaraghare civarani @Footnote: 1 sabbattha ticivarena avippavasayati dissati . 2 sabbattha ticivarena avippavasati @dissati. vikatikammametam na visesanam tasma ticivarena avippavasassati ca ticivarena @avippavasoti ca yuttataram sammato sanghena itthannamo viharo uposathagaranti hettha @nidassanam . 3 ticivaranitipi patho. Nikkhipimha tani civarani natthanipi daddhanipi undurehipi khayitani tena mayam duccola lukhacivarati . bhagavato etamattham arocesum . Ya sa bhikkhave sanghena sima sammata samanasamvasa ekuposatha sangho tam simam ticivarena avippavasam sammannatu thapetva gamanca gamupacaranca . evanca pana bhikkhave sammannitabba . byattena bhikkhuna patibalena sangho napetabbo {162.4} sunatu me bhante sangho ya sa sanghena sima sammata samanasamvasa ekuposatha yadi sanghassa pattakallam sangho tam simam ticivarena avippavasam sammanneyya thapetva gamanca gamupacaranca. Esa natti. {162.5} Sunatu me bhante sangho ya sa sanghena sima sammata samanasamvasa ekuposatha sangho tam simam ticivarena avippavasam sammannati thapetva gamanca gamupacaranca . Yassayasmato khamati etissa simaya ticivarena avippavasassa sammati thapetva gamanca gamupacaranca so tunhassa yassa nakkhamati so bhaseyya . sammata sa sima sanghena 1- ticivarena avippavaso thapetva gamanca gamupacaranca . khamati sanghassa tasma tunhi. Evametam dharayamiti. [163] Simam bhikkhave sammannantena pathamam samanasamvasa sima 2- @Footnote: 1 sammata sa sanghena sima ticivarena avippavaso . 2 samanasamvasasimatipi patho. @pathamam sima sammannitabba. Sammannitabba paccha ticivarena avippavaso sammannitabbo . Simam bhikkhave samuhanantena pathamam ticivarena avippavaso samuhantabbo paccha samanasamvasa sima 1- samuhantabba . evanca pana bhikkhave ticivarena avippavaso samuhantabbo . byattena bhikkhuna patibalena sangho napetabbo {163.1} sunatu me bhante sangho yo so sanghena ticivarena avippavaso sammato yadi sanghassa pattakallam sangho tam ticivarena avippavasam samuhaneyya . esa natti . sunatu me bhante sangho yo so sanghena ticivarena avippavaso sammato sangho tam ticivarena avippavasam samuhanati 2- . yassayasmato khamati etassa ticivarena avippavasassa samugghato so tunhassa yassa nakkhamati so bhaseyya. Samuhato so sanghena ticivarena avippavaso . khamati sanghassa tasma tunhi. Evametam dharayamiti. {163.2} Evanca pana bhikkhave samanasamvasa 3- sima samuhantabba. Byattena bhikkhuna patibalena sangho napetabbo {163.3} sunatu me bhante sangho ya sa sanghena sima sammata samanasamvasa ekuposatha yadi sanghassa pattakallam sangho tam simam samuhaneyya [4]-. Esa natti. {163.4} Sunatu me bhante sangho ya sa sanghena sima sammata samanasamvasa ekuposatha sangho @Footnote: 1 paccha sima samuhantabba . 2 si samuhanti . 3 Yu. Ra. ayam patho na dissati. @4 Ma. samanasamvasam ekuposatham. Tam simam samuhanati [1]- . yassayasmato khamati etissa simaya samanasamvasaya ekuposathaya samugghato so tunhassa yassa nakkhamati so bhaseyya . samuhata sa sima sanghena samanasamvasa ekuposatha. Khamati sanghassa tasma tunhi. Evametam dharayamiti 2-. [164] Asammataya bhikkhave simaya atthapitaya yam gamam va nigamam va upanissaya viharati ya tassa gamassa va gamasima @Footnote: 1 Ma. samanasamvasam ekuposatham . 2 sabbapotthakesu idisayevayam kammavaca agata. @sa pana una va atireka va khayati. tattha hi samanasamvasa ekuposathati padadvayam @sace simati padassa visesanam sangho tam simam samuhaneyyati ca sangho tam simam @samuhanatiti ca vacanesu unam siya yadi pana sammatati pade vikatikammam yassayasmato ... @samugghatoti ca samuhata sa ... ekuposathati ca vacanesu atirekam siya. vicaretva @gahetabbam. amhakampanayam khanti sunatu me bhante sangho ya sa sanghena sima @sammata samanasamvasa ekuposatha. yadi sanghassa pattakallam sangho tam simam @samuhaneyya. esa natti. sunatu me bhante sangho ya sa sanghena sima @sammata samanasamvasa ekuposatha sangho tam simam samuhanati. yassayasmato khamati @etissa simaya samugghato so tunhassa yassa nakkhamati so bhaseyya. samuhata @sa sanghena sima. khamati sanghassa tasma tunhi. evametam dharayamiti. Nigamassa va nigamasima ayam tattha samanasamvasa ekuposatha . Agamake ce bhikkhave aranne samanta sattabbhantara ayam tattha samanasamvasa ekuposatha . sabba bhikkhave nadi asima sabbo samuddo asimo sabbo jatassaro asimo . nadiya va bhikkhave samudde va jatassare va yam majjhimassa purisassa samanta udakukkhepa ayam tattha samanasamvasa ekuposathati. [165] Tena kho pana samayena chabbaggiya bhikkhu simaya simam sambhindanti . bhagavato etamattham arocesum . yesam bhikkhave sima pathamam sammata tesam tam kammam dhammikam akuppam thanaraham yesam bhikkhave sima paccha sammata tesam tam kammam adhammikam kuppam atthanaraham na bhikkhave simaya sima sambhinditabba yo sambhindeyya apatti dukkatassati. {165.1} Tena kho pana samayena chabbaggiya bhikkhu simaya simam ajjhottharanti . bhagavato etamattham arocesum . yesam bhikkhave sima pathamam sammata tesam tam kammam dhammikam akuppam thanaraham yesam bhikkhave paccha sima sammata tesam tam kammam adhammikam kuppam atthanaraham na bhikkhave simaya sima ajjhottharitabba yo ajjhotthareyya apatti dukkatassa anujanami bhikkhave simam sammannantena simantarikam thapetva simam sammannitunti.The Pali Tipitaka in Roman Character Volume 4 page 214-219. http://84000.org/tipitaka/read/roman_item_s.php?book=4&item=162&items=4&modeTY=2&mode=bracket Classified by content :- http://84000.org/tipitaka/read/roman_item_s.php?book=4&item=162&items=4&modeTY=2 Compare with The Pali Tipitaka in Thai Character :- http://84000.org/tipitaka/read/pali_item_s.php?book=4&item=162&items=4&modeTY=2&mode=bracket Compare with The Royal Version of Thai Tipitaka :- http://84000.org/tipitaka/read/byitem_s.php?book=4&item=162&items=4&modeTY=2&mode=bracket Study Atthakatha :- http://84000.org/tipitaka/attha/attha.php?b=4&i=162 Contents of The Tipitaka Volume 4 http://84000.org/tipitaka/read/?index_4
|
บันทึก ๑๔ พฤศจิกายน พ.ศ. ๒๕๖๐. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]