บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
TIPITAKA Volume 4 : PALI ROMAN Vinaya Pitaka Vol 4 : Vinaya. Mahā (1)
[96] Tena kho pana samayena bhikkhu dasavassamha dasavassamhati bala abyatta nissayam denti . dissanti acariya bala antevasika pandita dissanti acariya abyatta antevasika byatta dissanti acariya appassuta antevasika bahussuta dissanti acariya duppanna antevasika pannavanto . ye te bhikkhu appiccha .pe. te ujjhayanti khiyanti vipacenti katham hi nama bhikkhu dasavassamha dasavassamhati bala abyatta nissayam dassanti dissanti acariya bala antevasika pandita dissanti acariya abyatta antevasika byatta dissanti acariya appassuta antevasika bahussuta dissanti acariya duppanna antevasika pannavantoti . athakho te bhikkhu bhagavato etamattham arocesum . saccam kira bhikkhave bhikkhu dasavassamha dasavassamhati bala abyatta nissayam denti dissanti acariya bala ... antevasika pannavantoti . saccam bhagavati . vigarahi buddho bhagava ... vigarahitva dhammim katham katva bhikkhu amantesi na bhikkhave balena abyattena nissayo databbo yo dadeyya Apatti dukkatassa . anujanami bhikkhave byattena bhikkhuna patibalena dasavassena va atirekadasavassena va nissayam datunti. [97] Tena kho pana samayena bhikkhu acariyupajjhayesu pakkantesupi vibbhantesupi kalakatesupi pakkhasankantesupi nissayapatippassaddhiyo na jananti . bhagavato etamattham arocesum . pancima bhikkhave nissayapatippassaddhiyo upajjhayamha upajjhayo pakkanto va hoti vibbhanto va kalakato va pakkhasankanto va anattiyeva pancami ima kho bhikkhave panca nissayapatippassaddhiyo upajjhayamha . Chayima bhikkhave nissayapatippassaddhiyo acariyamha acariyo pakkanto va hoti vibbhanto va kalakato va pakkhasankanto va anattiyeva pancami upajjhayena va samodhanagato 1- hoti ima kho bhikkhave cha nissayapatippassaddhiyo acariyamha.The Pali Tipitaka in Roman Character Volume 4 page 130-131. http://84000.org/tipitaka/read/roman_item_s.php?book=4&item=96&items=2&modeTY=2 Classified by [Item Number] :- http://84000.org/tipitaka/read/roman_item_s.php?book=4&item=96&items=2&modeTY=2&mode=bracket Compare with The Pali Tipitaka in Thai Character :- http://84000.org/tipitaka/read/pali_item_s.php?book=4&item=96&items=2&modeTY=2 Compare with The Royal Version of Thai Tipitaka :- http://84000.org/tipitaka/read/byitem_s.php?book=4&item=96&items=2&modeTY=2 Study Atthakatha :- http://84000.org/tipitaka/attha/attha.php?b=4&i=96 Contents of The Tipitaka Volume 4 http://84000.org/tipitaka/read/?index_4
|
บันทึก ๑๔ พฤศจิกายน พ.ศ. ๒๕๖๐. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]