|
|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |
|
| |
|
|
TIPITAKA Volume 12 : PALI ROMAN Sutta Pitaka Vol 4 : Sutta. Ma. Mū.
Vimamsakasuttam [535] Evamme sutam ekam samayam bhagava savatthiyam viharati jetavane anathapindikassa arame . tatra kho bhagava bhikkhu amantesi bhikkhavoti. Bhadanteti te bhikkhu bhagavato paccassosum. [536] Bhagava etadavoca vimamsakena bhikkhave bhikkhuna parassa cetopariyayam ajanantena tathagate samannesana katabba sammasambuddho va no va iti vinnanayati . bhagavammulaka no bhante dhamma bhagavamnettika bhagavampatisarana sadhu vata bhante bhagavantamyeva patibhatu etassa bhasitassa attho bhagavato sutva bhikkhu dharessantiti . tenahi bhikkhave sunatha sadhukam manasikarotha bhasissamiti. Evam bhanteti kho te bhikkhu bhagavato paccassosum. [537] Bhagava etadavoca vimamsakena bhikkhave bhikkhuna parassa cetopariyayam ajanantena dvisu dhammesu tathagato samannesitabbo cakkhusotavinneyyesu dhammesu ye sankilittha cakkhusotavinneyya dhamma samvijjanti va te tathagatassa no vati. Tamenam samannesamano evam janati ye sankilittha cakkhusotavinneyya dhamma na te tathagatassa samvijjantiti. {537.1} Yato nam samannesamano evam janati ye sankilittha cakkhusotavinneyya dhamma na te tathagatassa samvijjantiti tato nam uttarim samannesati ye vitimissa cakkhusotavinneyya dhamma samvijjanti va te tathagatassa--------------------------------------------------------------------------------------------- page577.
No vati . tamenam samannesamano evam janati ye vitimissa cakkhusotavinneyya dhamma na te tathagatassa samvijjantiti. {537.2} Yato nam samannesamano evam janati ye vitimissa cakkhusotavinneyya dhamma na te tathagatassa samvijjantiti tato nam uttarim samannesati ye vodata cakkhusotavinneyya dhamma samvijjanti va te tathagatassa no vati . tamenam samannesamano evam janati ye vodata cakkhusotavinneyya dhamma samvijjanti te tathagatassati. {537.3} Yato nam samannesamano evam janati ye vodata cakkhusotavinneyya dhamma samvijjanti te tathagatassati tato nam uttarim samannesati digharattam samapanno ayamayasma imam kusalam dhammam udahu ittarasamapannoti . tamenam samannesamano evam janati digharattam samapanno ayamayasma imam kusalam dhammam nayamayasma ittarasamapannoti. {537.4} Yato nam samannesamano evam janati digharattam samapanno ayamayasma imam kusalam dhammam nayamayasma ittarasamapannoti tato nam uttarim samannesati natajjhapanno 1- ayamayasma bhikkhu yasappatto 2- samvijjantassa idhekacce adinavati . na tava bhikkhave bhikkhuno idhekacce adinava samvijjanti yava na natajjhapanno hoti yasappatto . yato ca kho bhikkhave bhikkhu natajjhapanno hoti @Footnote: 1 Ma. Yu. yattajjhapannoti dissati. 2 Yu. yasampattoti dissati.--------------------------------------------------------------------------------------------- page578.
Yasappatto athassa idhekacce adinava samvijjanti . tamenam samannesamano evam janati natajjhapanno ayamayasma bhikkhu yasappatto nassa idhekacce adinava samvijjantiti. {537.5} Yato nam samannesamano evam janati natajjhapanno ayamayasma bhikkhu yasappatto nassa idhekacce adinava samvijjantiti tato nam uttarim samannesati abhayuparato ayamayasma nayamayasma bhayuparato vitaragatta kame na sevati khaya ragassati. {537.6} Tamenam samannesamano evam janati abhayuparato ayamayasma nayamayasma bhayuparato vitaragatta kame na sevati khaya ragassati . tance bhikkhave bhikkhum pare evam puccheyyum ke panayasmato akara ke anvaya yenayasma evam vadeti abhayuparato ayamayasma nayamayasma bhayuparato vitaragatta kame na sevati khaya ragassati . samma byakaramano bhikkhave bhikkhu evam byakareyya tatha hi pana ayamayasma sanghe va viharanto eko va viharanto ye ca tattha sugata ye ca tattha duggata ye ca tattha ganamanusasanti ye ca idhekacce amisesu sandissanti ye ca idhekacce amisena anupalitta nayamayasma tam tena avajanati . sammukha kho pana metam bhagavato sutam sammukha patiggahitam abhayuparatohamasmi nahamasmi bhayuparato vitaragatta kame na sevami khaya ragassati.--------------------------------------------------------------------------------------------- page579.
[538] Tatra bhikkhave tathagato uttarim patipucchitabbo ye sankilittha cakkhusotavinneyya dhamma samvijjanti va te tathagatassa no vati . byakaramano bhikkhave tathagato evam byakareyya ye sankilittha cakkhusotavinneyya dhamma na te tathagatassa samvijjantiti . ye vitimissa cakkhusotavinneyya dhamma samvijjanti va tathagatassa no vati . byakaramano bhikkhave tathagato evam byakareyya ye vitimissa cakkhusotavinneyya dhamma na te tathagatassa samvijjantiti . ye vodata cakkhusotavinneyya dhamma samvijjanti va te tathagatassa no vati. {538.1} Byakaramano bhikkhave tathagato evam byakareyya ye vodata cakkhusotavinneyya dhamma samvijjanti te tathagatassa etapathohamasmi 1- etagocaro no ca tena tammayoti. Evamvadim kho bhikkhave sattharam arahati savako upasankamitum dhammassavanaya tassa sattha dhammam deseti uttaruttarim panitapanitam kanha sukkasappatibhagam yatha yatha kho bhikkhave bhikkhuno sattha dhammam deseti uttaruttarim panitapanitam kanha sukkasappatibhagam tatha tatha so tasmim dhamme abhinnaya idhekaccam dhammam dhammesu nitthangacchati satthari pasidati sammasambuddho bhagava svakkhato bhagavata dhammo supatipanno sanghoti . tance bhikkhave bhikkhum punevam 2- puccheyyum ke panayasmato akara ke anvaya yenayasma evam vadeti 3- sammasambuddho @Footnote: 1 Po. Ma. etampathohamasmi etamgocaro. 2 Ma. pare evam. 3 Ma. vadesi.--------------------------------------------------------------------------------------------- page580.
Bhagava svakkhato bhagavata dhammo supatipanno sanghoti . Sammabyakaramano bhikkhave bhikkhu evam byakareyya idhaham avuso yena bhagava tenupasankamim dhammassavanaya tassa me bhagava dhammam deseti uttaruttarim panitapanitam kanha sukkasappatibhagam yatha yatha me avuso bhagava dhammam deseti uttaruttarim panitapanitam kanha sukkasappatibhagam tatha tathaham tasmim dhamme abhinnaya idhekaccam dhammam dhammesu nitthangamam satthari pasidim sammasambuddho bhagava svakkhato bhagavata dhammo supatipanno sanghoti. [539] Yassakassaci bhikkhave imehi akarehi imehi padehi imehi byanjanehi tathagate saddha nivittha hoti mulajata patitthajata 1- ayam vuccati bhikkhave akaravati saddha dassanamulika dalha asamhariya samanena va brahmanena va devena va marena va brahmuna va kenaci va lokasmim . evam kho bhikkhave tathagate dhammasamannesana hoti evanca pana tathagato dhammato susamannittho hotiti. Idamavoca bhagava attamana te bhikkhu bhagavato bhasitam abhinandunti. Vimamsakasuttam nitthitam sattamam. ----------- @Footnote:Ma. patitthita.The Pali Tipitaka in Roman Character Volume 12 page 576-580. https://84000.org/tipitaka/read/roman_read.php?B=12&A=11655&modeTY=2&pagebreak=1 Compare with The Pali Tipitaka in Thai Character :- https://84000.org/tipitaka/read/pali_read.php?B=12&A=11655&modeTY=2&pagebreak=1 Compare with The Royal Version of Thai Tipitaka :- https://84000.org/tipitaka/read/byitem.php?book=12&item=535&items=5 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=12&siri=47 Study Atthakatha :- https://84000.org/tipitaka/attha/attha.php?b=12&i=535 The Pali Atthakatha in Thai :- https://84000.org/tipitaka/atthapali/read_th.php?B=8&A=7327 The Pali Atthakatha in Roman :- https://84000.org/tipitaka/atthapali/read_rm.php?B=8&A=7327 Contents of The Tipitaka Volume 12 https://84000.org/tipitaka/read/?index_12 https://84000.org/tipitaka/english/?index_12
      |
|
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ [email protected]