|
|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |
|
| |
|
|
TIPITAKA Volume 14 : PALI ROMAN Sutta Pitaka Vol 6 : Sutta. Ma. U.
Uddesavibhangasuttam [638] Evamme sutam ekam samayam bhagava savatthiyam viharati jetavane anathapindikassa arame . tatra kho bhagava bhikkhu amantesi bhikkhavoti . bhadanteti te bhikkhu bhagavato paccassosum . Bhagava etadavoca uddesavibhangam vo bhikkhave desissami tam sunatha sadhukam manasikarotha bhasissamiti . evambhanteti kho te bhikkhu bhagavato paccassosum. [639] Bhagava etadavoca tatha tatha bhikkhave bhikkhu upaparikkheyya yatha yathassa 1- upaparikkhato bahiddha cassa vinnanam avikkhittam avisatam ajjhattam asanthitam anupadaya na paritasseyya bahiddha bhikkhave vinnane avikkhitte avisate sati ajjhattam asanthite anupadaya aparitassato ayatim jatijaramaranadukkhasamudayasambhavo na hotiti . idamavoca bhagava idam vatvana sugato utthayasana viharam pavisi. [640] Atha kho tesam bhikkhunam acirapakkantassa bhagavato etadahosi idam kho no avuso bhagava sankhittena uddesam uddisitva vittharena attham avibhajitva utthayasana viharam pavittho tatha tatha bhikkhave bhikkhu upaparikkheyya yatha yathassa upaparikkhato bahiddha cassa vinnanam avikkhittam avisatam ajjhattam asanthitam anupadaya na paritasseyya @Footnote: 1 Ma. yatha yatha.--------------------------------------------------------------------------------------------- page412.
Bahiddha bhikkhave vinnane avikkhitte avisate sati ajjhattam asanthite anupadaya aparitassato ayatim jatijaramaranadukkhasamudayasambhavo na hotiti ko nu kho imassa bhagavata sankhittena uddesassa udditthassa vittharena attham avibhattassa vittharena attham vibhajeyyati . atha kho tesam bhikkhunam etadahosi ayam kho ayasma mahakaccano satthu ceva samvannito sambhavito ca vinnunam sabrahmacarinam pahoti cayasma mahakaccano imassa bhagavata sankhittena uddesassa udditthassa vittharena attham avibhattassa vittharena attham vibhajitum yannuna mayam yenayasma mahakaccano tenupasankameyyama upasankamitva ayasmantam mahakaccanam etamattham patipuccheyyamati. [641] Atha kho te bhikkhu yenayasma mahakaccano tenupasankamimsu upasankamitva ayasmata mahakaccanena saddhim sammodimsu sammodaniyam katham saraniyam vitisaretva ekamantam nisidimsu . Ekamantam nisinna kho te bhikkhu ayasmantam mahakaccanam etadavocum idam kho no avuso kaccana bhagava sankhittena uddesam uddisitva vittharena attham avibhajitva utthayasana viharam pavittho tatha tatha bhikkhave bhikkhu upaparikkheyya yatha yathassa upaparikkhato bahiddha cassa vinnanam avikkhittam avisatam ajjhattam asanthitam anupadaya na paritasseyya bahiddha bhikkhave vinnane--------------------------------------------------------------------------------------------- page413.
Avikkhitte avisate sati ajjhattam asanthite anupadaya aparitassato ayatim jatijaramaranadukkhasamudayasambhavo na hotiti tesanno avuso kaccana amhakam acirapakkantassa bhagavato etadahosi idam kho no avuso bhagava sankhittena uddesam uddisitva vittharena attham avibhajitva utthayasana viharam pavittho tatha tatha bhikkhave bhikkhu upaparikkheyya yatha yathassa upaparikkhato bahiddha cassa vinnanam avikkhittam avisatam ajjhattam asanthitam anupadaya na paritasseyya bahiddha bhikkhave vinnane avikkhitte avisate sati ajjhattam asanthite anupadaya aparitassato ayatim jatijaramarana- dukkhasamudayasambhavo na hotiti ko nu kho imassa bhagavata sankhittena uddesassa udditthassa vittharena attham avibhattassa vittharena attham vibhajeyyati tesanno avuso kaccana amhakam etadahosi ayam kho ayasma mahakaccano satthu ceva samvannito sambhavito ca vinnunam sabrahmacarinam pahoti cayasma mahakaccano imassa bhagavata sankhittena uddesassa udditthassa vittharena attham avibhattassa vittharena attham vibhajitum yannuna mayam yenayasma mahakaccano tenupasankameyyama upasankamitva ayasmantam mahakaccanam etamattham patipuccheyyamati vibhajatayasma mahakaccanoti. [642] Seyyathapi avuso puriso saratthiko saragavesi sarapariyesanancaramano mahato rukkhassa titthato saravato atikkammeva--------------------------------------------------------------------------------------------- page414.
Mulam atikkamma khandham sakhapalase saram pariyesitabbam manneyya evam sampadamidam ayasmantanam satthari sammukhibhute tam bhagavantam atisitva amhe etamattham patipucchitabbam mannatha so havuso bhagava janam janati passam passati cakkhubhuto nanabhuto dhammabhuto brahmabhuto vatta pavatta atthassa ninneta amatassa data dhammassami tathagato so ceva panetassa kalo ahosi yam bhagavantamyeva etamattham patipuccheyyatha yatha no 1- bhagava byakareyya tatha nam dhareyyathati. {642.1} Addhavuso kaccana bhagava janam janati passam passati cakkhubhuto nanabhuto dhammabhuto brahmabhuto vatta pavatta atthassa ninneta amatassa data dhammassami tathagato so ceva panetassa kalo ahosi yam bhagavantamyeva etamattham patipuccheyyama yatha no bhagava byakareyya tatha nam dhareyyama apicayasma mahakaccano satthu ceva samvannito sambhavito ca vinnunam sabrahmacarinam pahoti cayasma mahakaccano imassa bhagavata sankhittena uddesassa udditthassa vittharena attham avibhattassa vittharena attham vibhajitum vibhajatayasma mahakaccano agarukaritvati . tenahavuso sunatha sadhukam manasikarotha bhasissamiti . evamavusoti kho te bhikkhu ayasmato mahakaccanassa paccassosum. [643] Ayasma mahakaccano etadavoca yam kho no avuso @Footnote: 1 Po. Ma. Yu. vo.--------------------------------------------------------------------------------------------- page415.
Bhagava sankhittena uddesam uddisitva vittharena attham avibhajitva utthayasana viharam pavittho tatha tatha bhikkhave bhikkhu upaparikkheyya yatha yathassa upaparikkhato bahiddha cassa vinnanam avikkhittam avisatam ajjhattam asanthitam anupadaya na paritasseyya bahiddha bhikkhave vinnane avikkhitte avisate sati ajjhattam asanthite anupadaya aparitassato ayatim jatijaramaranadukkhasamudayasambhavo na hotiti imassa kho aham avuso bhagavata sankhittena uddesassa udditthassa vittharena attham avibhattassa evam vittharena attham ajanami. [644] Kathancavuso bahiddha vinnanam vikkhittam visatanti vuccati . idhavuso bhikkhuno cakkhuna rupam disva rupanimittanusari vinnanam hoti rupanimittassadagadhitam rupanimittassadavinibandham rupanimittassadasannojanasamyuttam bahiddha vinnanam vikkhittam visatanti vuccati . sotena saddam sutva ... ghanena gandham ghayitva ... Jivhaya rasam sayitva ... kayena photthabbam phusitva ... Manasa dhammam vinnaya dhammanimittanusari vinnanam hoti dhammanimittassadagadhitam dhammanimittassadavinibandham dhammanimittassadasannojanasamyuttam bahiddha vinnanam vikkhittam visatanti vuccati . evam kho avuso bahiddha vinnanam vikkhittam visatanti vuccati. [645] Kathancavuso bahiddha vinnanam avikkhittam avisatanti--------------------------------------------------------------------------------------------- page416.
Vuccati . idhavuso bhikkhuno cakkhuna rupam disva na rupanimittanusari vinnanam hoti na rupanimittassadagadhitam na rupanimittassadavinibandham na rupanimittassadasannojanasamyuttam bahiddha vinnanam avikkhittam avisatanti vuccati . sotena saddam sutva ... ghanena gandham ghayitva ... jivhaya rasam sayitva ... Kayena photthabbam phusitva ... Manasa dhammam vinnaya na dhammanimittanusari vinnanam hoti na dhamma- nimittassadagadhitam na dhammanimittassadavinibandham na dhammanimittassada- sannojanasamyuttam bahiddha vinnanam avikkhittam avisatanti vuccati . Evam kho avuso bahiddha vinnanam avikkhittam avisatanti vuccati. [646] Kathancavuso ajjhattam cittam santhitanti vuccati . Idhavuso bhikkhu vivicceva kamehi vivicca akusalehi dhammehi savitakkam savicaram vivekajam pitisukham pathamam jhanam upasampajja viharati . tassa vivekajapitisukhanusari vinnanam hoti vivekajapitisukhassadagadhitam vivekajapitisukhassadavinibandham vivekajapitisukhassadasannojanasamyuttam ajjhattam cittam santhitanti vuccati . puna caparam avuso bhikkhu vitakkavicaranam vupasama ajjhattam sampasadanam cetaso ekodibhavam avitakkam avicaram samadhijam pitisukham dutiyam jhanam upasampajja viharati . Tassa samadhijapitisukhanusari vinnanam hoti samadhijapitisukhassadagadhitam samadhijapitisukhassadavinibandham samadhijapitisukhassadasannojanasamyuttam ajjhattam cittam santhitanti vuccati. Puna caparam avuso bhikkhu pitiya ca viraga--------------------------------------------------------------------------------------------- page417.
Upekkhako ca viharati sato ca sampajano sukhanca kayena patisamvedeti yantam ariya acikkhanti upekkhako satima sukhavihariti tatiyam jhanam upasampajja viharati . tassa upekkhanusari vinnanam hoti upekkhasukhassadagadhitam upekkhasukhassadavinibandham upekkha- sukhassadasannojanasamyuttam ajjhattam cittam santhitanti vuccati . Puna caparam avuso bhikkhu sukhassa ca pahana dukkhassa ca pahana pubbeva somanassadomanassanam atthangama adukkhamasukham upekkhasatiparisuddhim catuttham jhanam upasampajja viharati . tassa adukkhamasukhanusari vinnanam hoti adukkhamasukhassadagadhitam adukkhamasukhassadavinibandham adukkhamasukhassadasannojanasamyuttam ajjhattam cittam santhitanti vuccati . evam kho avuso ajjhattam cittam santhitanti vuccati. [647] Kathancavuso ajjhattam cittam asanthitanti vuccati . Idhavuso bhikkhu vivicceva kamehi .pe. pathamam jhanam upasampajja viharati . tassa na vivekajapitisukhanusari vinnanam hoti na vivekajapitisukhassadagadhitam na vivekajapitisukhassadavinibandham na vivekajapitisukhassadasannojanasamyuttam ajjhattam cittam asanthitanti vuccati . Puna caparam avuso bhikkhu vitakkavicaranam vupasama .pe. dutiyam jhanam upasampajja viharati . tassa na samadhijapitisukhanusari vinnanam hoti na samadhijapitisukhassadagadhitam na samadhijapitisukhassadavinibandham na samadhijapitisukhassadasannojanasamyuttam ajjhattam cittam asanthitanti--------------------------------------------------------------------------------------------- page418.
Vuccati . puna caparam avuso bhikkhu pitiya ca viraga .pe. Tatiyam jhanam upasampajja viharati . tassa na upekkhanusari vinnanam hoti na upekkhasukhassadagadhitam na upekkhasukhassadavinibandham na upekkhasukhassadasannojanasamyuttam ajjhattam cittam asanthitanti vuccati . puna caparam avuso bhikkhu sukhassa ca pahana .pe. Catuttham jhanam upasampajja viharati . tassa na adukkhamasukhanusari vinnanam hoti na adukkhamasukhassadagadhitam na adukkhamasukhassadavinibandham na adukkhamasukhassadasannojanasamyuttam ajjhattam cittam asanthitanti vuccati. Evam kho avuso ajjhattam cittam asanthitanti vuccati. [648] Kathancavuso anupada paritassana hoti . idhavuso assutava puthujjano ariyanam adassavi ariyadhammassa akovido ariyadhamme avinito sappurisanam adassavi sappurisadhammassa akovido sappurisadhamme avinito rupam attato samanupassati rupavantam va attanam attani va rupam rupasmim va attanam. Tassa tam rupam viparinamati annatha hoti . tassa rupaviparinamannathabhava rupaviparinamanu- parivatti vinnanam hoti . tassa rupaviparinamanuparivattaja paritassana dhammasamuppada cittam pariyadaya titthanti . Cetaso pariyadana uttasava ca hoti vighatava ca apekkhava ca anupadaya ca paritassati . vedanam ... sannam ... sankhare ...--------------------------------------------------------------------------------------------- page419.
Vinnanam attato samanupassati vinnanavantam va attanam attani va vinnanam vinnanasmim va attanam . tassa tam vinnanam viparinamati annatha hoti . tassa vinnanaviparinamannathabhava vinnanaviparinamanuparivatti vinnanam hoti . tassa vinnanaviparinamanuparivattaja paritassana dhammasamuppada cittam pariyadaya titthanti . cetaso pariyadana uttasava ca hoti vighatava ca apekkhava ca anupadaya ca paritassati . Evam kho avuso anupada paritassana hoti. [649] Kathancavuso anupada aparitassana hoti . idhavuso sutava ariyasavako ariyanam dassavi ariyadhammassa kovido ariyadhamme suvinito sappurisanam dassavi sappurisadhammassa kovido sappurisadhamme suvinito na rupam attato samanupassati na rupavantam va attanam na attani va rupam na rupasmim va attanam. Tassa tam rupam viparinamati annatha hoti . tassa rupaviparinamannathabhava na rupaviparinamanuparivatti vinnanam hoti . tassa na rupaviparinamanuparivattaja paritassana dhammasamuppada cittam pariyadaya titthanti . cetaso apariyadana na ceva uttasava hoti na ca vighatava na ca apekkhava anupadaya ca na paritassati . Na vedanam ... Na sannam ... Na sankhare ... Na vinnanam attato samanupassati na vinnanavantam va attanam na attani va vinnanam na vinnanasmim--------------------------------------------------------------------------------------------- page420.
Va attanam . tassa tam vinnanam viparinamati annatha hoti . Tassa vinnanaviparinamannathabhava na vinnanaviparinamanuparivatti vinnanam hoti . tassa na vinnanaviparinamanuparivattaja paritassana dhammasamuppada cittam pariyadaya titthanti . Cetaso apariyadana 1- na ceva uttasava hoti na ca vighatava na ca apekkhava anupadaya ca na paritassati . evam kho avuso anupada aparitassana hoti. [650] Yam kho no avuso bhagava sankhittena uddesam uddisitva vittharena attham avibhajitva utthayasana viharam pavittho tatha tatha bhikkhave bhikkhu upaparikkheyya yatha yathassa upaparikkhato bahiddha cassa vinnanam avikkhittam avisatam ajjhattam asanthitam anupadaya na paritasseyya bahiddha bhikkhave vinnane avikkhitte avisate sati ajjhattam asanthite anupadaya aparitassato ayatim jatijaramaranadukkhasamudayasambhavo na hotiti imassa kho aham avuso bhagavata sankhittena uddesassa udditthassa vittharena attham avibhattassa evam vittharena attham ajanami akankhamana ca pana tumhe ayasmanto bhagavantamyeva upasankamitva etamattham patipuccheyyatha yatha no 2- bhagava byakaroti tatha nam dhareyyathati. [651] Atha kho te bhikkhu ayasmato mahakaccanassa bhasitam abhinanditva anumoditva utthayasana yena bhagava tenupasankamimsu @Footnote: 1 Ma. Yu. pariyadana . 2 Po. Ma. Yu. vo..--------------------------------------------------------------------------------------------- page421.
Upasankamitva bhagavantam abhivadetva ekamantam nisidimsu . Ekamantam nisinna kho te bhikkhu bhagavantam etadavocum yam kho no bhante bhagava sankhittena uddesam uddisitva vittharena attham avibhajitva utthayasana viharam pavittho tatha tatha bhikkhave bhikkhu upaparikkheyya yatha yathassa upaparikkhato bahiddha cassa vinnanam avikkhittam avisatam ajjhattam asanthitam anupadaya na paritasseyya bahiddha bhikkhave vinnane avikkhitte avisate sati ajjhattam asanthite anupadaya aparitassato ayatim jatijaramaranadukkhasamudayasambhavo na hotiti tesanno bhante amhakam acirapakkantassa bhagavato etadahosi idam kho no avuso bhagava sankhittena uddesam uddisitva vittharena attham avibhajitva utthayasana viharam pavittho tatha tatha bhikkhave bhikkhu upaparikkheyya yatha yathassa upaparikkhato bahiddha cassa vinnanam avikkhittam avisatam ajjhattam asanthitam anupadaya na paritasseyya bahiddha bhikkhave vinnane avikkhitte avisate sati ajjhattam asanthite anupadaya aparitassato ayatim jatijaramaranadukkhasamudayasambhavo na hotiti ko nu kho imassa bhagavata sankhittena uddesassa udditthassa vittharena attham avibhattassa vittharena attham vibhajeyyati {651.1} tesanno bhante amhakam etadahosi ayam kho ayasma mahakaccano satthu ceva samvannito sambhavito ca vinnunam sabrahmacarinam pahoti cayasma--------------------------------------------------------------------------------------------- page422.
Mahakaccano imassa bhagavata sankhittena uddesassa udditthassa vittharena attham avibhattassa vittharena attham vibhajitum yannuna mayam yenayasma mahakaccano tenupasankameyyama upasankamitva ayasmantam mahakaccanam etamattham patipuccheyyamati atha kho mayam bhante yenayasma mahakaccano tenupasankamimha upasankamitva ayasmantam mahakaccanam etamattham patipucchimha tesanno ayasmata mahakaccanena imehi akarehi imehi padehi imehi byanjanehi attho vibhattoti. [652] Pandito bhikkhave mahakaccano mahapanno bhikkhave mahakaccano mancepi tumhe bhikkhave etamattham patipuccheyyatha ahampi evamevam byakareyyam yathatam mahakaccanena byakatam eso ceva tassa attho evanca nam dhareyyathati. Idamavoca bhagava attamana te bhikkhu bhagavato bhasitam abhinandunti. Uddesavibhangasuttam nitthitam atthamam. ---------The Pali Tipitaka in Roman Character Volume 14 page 411-422. https://84000.org/tipitaka/read/roman_read.php?B=14&A=8182&modeTY=2&pagebreak=1 Compare with The Pali Tipitaka in Thai Character :- https://84000.org/tipitaka/read/pali_read.php?B=14&A=8182&modeTY=2&pagebreak=1 Compare with The Royal Version of Thai Tipitaka :- https://84000.org/tipitaka/read/byitem.php?book=14&item=638&items=15 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=14&siri=38 Study Atthakatha :- https://84000.org/tipitaka/attha/attha.php?b=14&i=638 The Pali Atthakatha in Thai :- https://84000.org/tipitaka/atthapali/read_th.php?B=10&A=4952 The Pali Atthakatha in Roman :- https://84000.org/tipitaka/atthapali/read_rm.php?B=10&A=4952 Contents of The Tipitaka Volume 14 https://84000.org/tipitaka/read/?index_14 https://84000.org/tipitaka/english/?index_14
      |
|
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ [email protected]