|
|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |
|
| |
|
|
TIPITAKA Volume 15 : PALI ROMAN Sutta Pitaka Vol 7 : Sutta. Saṃ. Sa.
Catuttham issatthasuttam [405] Savatthiyam ... Ekamantam nisinno kho raja pasenadikosalo bhagavantam etadavoca kattha nu 2- kho bhante danam databbanti . Yattha kho maharaja cittam pasidatiti . kattha pana bhante dinnam mahapphalanti. [406] Annam kho etam maharaja kattha danam databbam annam panetam kattha dinnam mahapphalanti silavato kho maharaja dinnam mahapphalam no tatha dussile . tena hi maharaja tannevettha patipucchissami yatha te khameyya tatha nam byakareyyasi. [407] Tam kim mannasi maharaja idha tyassa yuddham paccupatthitam sangamo samupabyulho atha agaccheyya khattiyakumaro asikkhito akatahattho akatayoggo akatupasano bhiru chambhi utrasi palayi bhareyyasi tam purisam attho ca te tadisena purisenati . naham @Footnote: 1 Ma. Yu. samphalanti. 2 Si. kathannuti patho.--------------------------------------------------------------------------------------------- page144.
Bhante bhareyyam tam purisam na ca me attho tadisena purisenati . Atha agaccheyya brahmanakumaro asikkhito .pe. atha agaccheyya vessakumaro asikkhito .pe. atha agaccheyya suddakumaro asikkhito .pe. Na ca me attho tadisena purisenati. [408] Tam kim mannasi maharaja idha tyassa yuddham paccupatthitam sangamo samupabyulho atha agaccheyya khattiyakumaro susikkhito katahattho katayoggo katupasano abhiru acchambhi anutrasi apalayi bhareyyasi tam purisam attho ca te tadisena purisenati. Bhareyyaham bhante tam purisam attho ca me tadisena purisenati. Atha agaccheyya brahmanakumaro .pe. atha agaccheyya vessakumaro .pe. atha agaccheyya suddakumaro susikkhito katahattho katayoggo katupasano abhiru acchambhi anutrasi apalayi bhareyyasi tam purisam attho ca te tadisena purisenati . bhareyyaham bhante tam purisam attho ca me tadisena purisenati. [409] Evameva kho maharaja yasma [1]- cepi kula agarasma anagariyam pabbajito hoti so ca hoti pancangavippahino pancangasamannagato tasmim dinnam mahapphalam hoti . katamani pancangani pahinani honti . kamacchando pahino hoti byapado pahino hoti thinamiddham pahinam hoti uddhaccakukkuccam pahinam hoti vicikiccha pahina hoti . imani pancangani pahinani honti . katamehi @Footnote: 1 Ma. Yu. etthantare kasmati dissati.--------------------------------------------------------------------------------------------- page145.
Pancahangehi samannagato hoti . asekkhena silakkhandhena samannagato hoti asekkhena samadhikkhandhena samannagato hoti asekkhena pannakkhandhena samannagato hoti asekkhena vimuttikkhandhena samannagato hoti asekkhena vimuttinanadassanakkhandhena samannagato hoti . imehi pancahangehi samannagato hoti . Iti pancangavippahine pancangasamannagate dinnam mahapphalanti. [410] Idamavoca bhagava .pe. Sattha issattham balaviriyanca yasmim vijjetha manave tam yuddhattho bhare raja nasuram jatipaccaya tatheva khantisoraccam dhamma yasmim patitthita tamariyavutti 1- medhavim hinajaccampi pujaye karaye assame ramme vasayettha bahussute papancavivane kayira dugge sankamanani ca annam panam khadaniyam vatthasenasanani ca dadeyya ujubhutesu vippasannena cetasa yathapi 2- megho thanayam vijjumali satakkuku 3- thalam ninnanca pureti abhivassam vasundharam tatheva saddho sutava abhisankhacca bhojanam vanibbake tappayati annapanena pandito anumodamano pakireti detha dethati bhasati @Footnote: 1 Ma. ariyavuttim medhavim. Yu. tamariyavuttim. 2 Ma. Yu. yathahi. 3 Ma. Yu. satakkaku.--------------------------------------------------------------------------------------------- page146.
Tanhissa tajjitam 1- hoti devasseva pavassato sa punnadhara vipula dataram abhivassatiti.The Pali Tipitaka in Roman Character Volume 15 page 143-146. https://84000.org/tipitaka/read/roman_read.php?B=15&A=2773&modeTY=2&pagebreak=1 Compare with The Pali Tipitaka in Thai Character :- https://84000.org/tipitaka/read/pali_read.php?B=15&A=2773&modeTY=2&pagebreak=1 Compare with The Royal Version of Thai Tipitaka :- https://84000.org/tipitaka/read/byitem.php?book=15&item=405&items=6 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=15&siri=135 Study Atthakatha :- https://84000.org/tipitaka/attha/attha.php?b=15&i=405 The Pali Atthakatha in Thai :- https://84000.org/tipitaka/atthapali/read_th.php?B=11&A=4085 The Pali Atthakatha in Roman :- https://84000.org/tipitaka/atthapali/read_rm.php?B=11&A=4085 Contents of The Tipitaka Volume 15 https://84000.org/tipitaka/read/?index_15 https://84000.org/tipitaka/english/?index_15
      |
|
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ [email protected]