|
|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |
|
| |
|
|
TIPITAKA Volume 18 : PALI ROMAN Sutta Pitaka Vol 10 : Sutta. Saṃ. Saḷa.
[210] Ekam samayam ayasma udayi kamandayam viharati todeyyassa brahmanassa ambavane . atha kho verahancanigottaya 2- brahmaniya antevasi manavako yenayasma udayi tenupasankami upasankamitva ayasmata udayina saddhim sammodi sammodaniyam katham saraniyam vitisaretva ekamantam nisidi . ekamantam nisinnam kho tam manavakam ayasma udayi dhammiya kathaya sandassesi samadapesi samuttejesi sampahamsesi . atha kho [3]- manavako ayasmata udayina dhammiya kathaya sandassito samadapito samuttejito sampahamsito utthayasana yena verahancanigotta brahmani tenupasankami upasankamitva verahancanigottam 4- brahmanim etadavoca yagghe bhoti janeyya samano udayi dhammam deseti adikalyanam majjhekalyanam pariyosanakalyanam sattham sabyanjanam kevalaparipunnam parisuddham brahmacariyam pakasetiti. {210.1} Tenahi tvam manavaka mama vacanena samanam udayim nimantehi svatanaya bhattenati evam bhotiti @Footnote: 1 Ma. Yu. udayi. evamuparipi. 2-4 Ma. Yu. verahaccani .... evamuparipi. @3 Yu. so.--------------------------------------------------------------------------------------------- page153.
Kho so manavako verahancanigottaya brahmaniya patissutva yenayasma udayi tenupasankami upasankamitva ayasmantam udayim etadavoca adhivasetu kira bhavam udayi amhakam acariyaya 1- verahancanigottaya brahmaniya svatanaya bhattanti . adhivasesi kho ayasma udayi tunhibhavena . atha kho ayasma udayi tassa rattiya accayena pubbanhasamayam nivasetva pattacivaram adaya yena verahancanigottaya brahmaniya nivesanam tenupasankami upasankamitva pannatte asane nisidi . atha kho verahancanigotta brahmani ayasmantam udayim panitena khadaniyena bhojaniyena sahattha santappesi sampavaresi . Atha kho verahancanigotta brahmani ayasmantam udayim bhuttavim onitapattapanim paduka arohitva ucce asane nisiditva sisam ogunthitva ayasmantam udayim etadavoca bhana samana dhammanti . Bhavissati bhagini samayoti vatva utthayasana pakkami 2-. [211] Dutiyampi kho so manavako yenayasma udayi tenupasankami upasankamitva ayasmata udayina saddhim sammodi sammodaniyam katham saraniyam vitisaretva ekamantam nisidi . ekamantam nisinnam kho tam manavakam ayasma udayi dhammiya kathaya sandassesi samadapesi samuttejesi sampahamsesi . dutiyampi kho so manavako ayasmata udayina dhammiya kathaya sandassito samadapito @Footnote: 1 Ma. Yu. acariyabhariyaya . 2 Ma. pakkami.--------------------------------------------------------------------------------------------- page154.
Samuttejito sampahamsito utthayasana yena verahancanigotta brahmani tenupasankami upasankamitva verahancanigottam brahmanim etadavoca yagghe bhoti janeyya samano udayi dhammam deseti adikalyanam majjhekalyanam pariyosanakalyanam sattham sabyanjanam kevalaparipannam parisuddham brahmacariyam pakasetiti. {211.1} Evamevam pana tvam manavaka samanassa udayissa vannam bhasasi samano udayi bhana samana dhammanti vutto samano bhavissati bhagini samayoti vatva utthayasana pakkantoti tatha hi pana tvam bhoti paduka arohitva ucce asane nisiditva sisam ogunthitva etadavoca bhana samana dhammanti dhammagaruno hi te bhavanto dhammagaravati . tenahi tvam manavaka mama vacanena samanam udayim nimantehi svatanaya bhattenati . evam bhotiti kho so manavako verahancanigottaya brahmaniya patissutva yenayasma udayi tenupasankami upasankamitva ayasmantam udayim etadavoca adhivasetu kira bhavam udayi amhakam acariyabhariyaya verahancanigottaya brahmaniya svatanaya bhattanti . Adhivasesi kho ayasma udayi tunhibhavena. {211.2} Atha kho ayasma udayi tassa rattiya accayena pubbanhasamayam nivasetva pattacivaramadaya yena verahancanigottaya brahmaniya nivesanam tenupasankami upasankamitva pannatte asane nisidi . atha kho verahancanigotta brahmani--------------------------------------------------------------------------------------------- page155.
Ayasmantam udayim panitena khadaniyena bhojaniyena sahattha santappesi sampavaresi . atha kho verahancanigotta brahmani ayasmantam udayim bhuttavim onitapattapanim paduka orohitva nice asane nisiditva sisam vivaritva ayasmantam udayim etadavoca kismim nu kho bhante sati arahanto sukhadukkham pannapenti kismim asati arahanto sukhadukkham na pannapentiti. [212] Cakkhusmim kho bhagini sati arahanto sukhadukkham pannapenti cakkhusmim asati arahanto sukhadukkham na pannapenti .pe. jivhaya sati arahanto sukhadukkham pannapenti jivhaya asati arahanto sukhadukkham na pannapenti .pe. manasmim sati arahanto sukhadukkham pannapenti manasmim asati arahanto sukhadukkham na pannapentiti . Evam vutte verahancanigotta brahmani ayasmantam udayim etadavoca abhikkantam bhante abhikkantam bhante seyyathapi bhante nikkujjitam va ukkujjeyya paticchannam va vivareyya mulhassa va maggam acikkheyya andhakare va telappajjotam dhareyya cakkhumanto rupani dakkhantiti . evamevam ayyena udayina anekapariyayena dhammo pakasito . esaham bhante 1- udayi tam bhavantam saranam gacchami dhammanca bhikkhusanghanca upasikam mam ayyo udayi dharetu ajjatagge panupetam saranangatanti. Dasamam. Gahapativaggo tatiyo. @Footnote: 1 Ma. Yu. ayya.--------------------------------------------------------------------------------------------- page156.
Tassuddanam vesali vajji nalanda bharadvajasono ca ghosita haliddako 1- nakulapita lohicco verahancaniti. -------------- @Footnote: 1 Ma. haliddiko. Yu. halindako.The Pali Tipitaka in Roman Character Volume 18 page 152-156. https://84000.org/tipitaka/read/roman_read.php?B=18&A=3095&modeTY=2&pagebreak=1 Compare with The Pali Tipitaka in Thai Character :- https://84000.org/tipitaka/read/pali_read.php?B=18&A=3095&modeTY=2&pagebreak=1 Compare with The Royal Version of Thai Tipitaka :- https://84000.org/tipitaka/read/byitem.php?book=18&item=210&items=3 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=18&siri=113 Study Atthakatha :- https://84000.org/tipitaka/attha/attha.php?b=18&i=210 The Pali Atthakatha in Thai :- https://84000.org/tipitaka/atthapali/read_th.php?B=13&A=1102 The Pali Atthakatha in Roman :- https://84000.org/tipitaka/atthapali/read_rm.php?B=13&A=1102 Contents of The Tipitaka Volume 18 https://84000.org/tipitaka/read/?index_18 https://84000.org/tipitaka/english/?index_18
      |
|
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ [email protected]