|
|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |
|
| |
|
|
TIPITAKA Volume 19 : PALI ROMAN Sutta Pitaka Vol 11 : Sutta. Saṃ. Ma.
[266] Savatthinidanam . seyyathapi bhikkhave ye keci balakaraniya kammanta kayiranti sabbe te pathavim nissaya pathaviyam patitthaya evamete balakaraniya kammanta kayiranti . evameva kho bhikkhave bhikkhu silam nissaya sile patitthaya ariyam atthangikam maggam bhaveti ariyam atthangikam maggam bahulikaroti. @Footnote: 1 Ma. kariyanti. evamupari. 2 Ma. Yu. vittharamaggi.--------------------------------------------------------------------------------------------- page69.
[267] Kathanca bhikkhave bhikkhu silam nissaya sile patitthaya ariyam atthangikam maggam bhaveti ariyam atthangikam maggam bahulikaroti . Idha bhikkhave bhikkhu sammaditthim bhaveti ragavinayapariyosanam dosavinayapariyosanam mohavinayapariyosanam .pe. sammasamadhim bhaveti ragavinayapariyosanam dosavinayapariyosanam mohavinayapariyosanam . evam kho bhikkhave bhikkhu silam nissaya sile patitthaya ariyam atthangikam maggam bhaveti ariyam atthangikam maggam bahulikarotiti. [268] Savatthinidanam . seyyathapi bhikkhave ye keci balakaraniya kammanta kayiranti sabbe te pathavim nissaya pathaviyam patitthaya evamete balakaraniya kammanta kayiranti . evameva kho bhikkhave bhikkhu silam nissaya sile patitthaya ariyam atthangikam maggam bhaveti ariyam atthangikam maggam bahulikaroti. [269] Kathanca bhikkhave bhikkhu silam nissaya sile patitthaya ariyam atthangikam maggam bhaveti ariyam atthangikam maggam bahulikaroti . Idha bhikkhave bhikkhu sammaditthim bhaveti amatogadham amataparayanam amatapariyosanam .pe. sammasamadhim bhaveti amatogadham amataparayanam amatapariyosanam . evam kho bhikkhave bhikkhu silam nissaya sile patitthaya ariyam atthangikam maggam bhaveti ariyam atthangikam maggam bahulikarotiti. [270] Savatthinidanam . seyyathapi bhikkhave ye keci balakaraniya--------------------------------------------------------------------------------------------- page70.
Kammanta kayiranti sabbe te pathavim nissaya pathaviyam patitthaya evamete balakaraniya kammanta kayiranti . evameva kho bhikkhave bhikkhu silam nissaya sile patitthaya ariyam atthangikam maggam bhaveti ariyam atthangikam maggam bahulikaroti. [271] Kathanca bhikkhave bhikkhu silam nissaya sile patitthaya ariyam atthangikam maggam bhaveti ariyam atthangikam maggam bahulikaroti . Idha bhikkhave bhikkhu sammaditthim bhaveti nibbananinnam nibbanaponam nibbanapabbharam .pe. sammasamadhim bhaveti nibbananinnam nibbanaponam nibbanapabbharam . evam kho bhikkhave bhikkhu silam nissaya sile patitthaya ariyam atthangikam maggam bhaveti ariyam atthangikam maggam bahulikarotiti.The Pali Tipitaka in Roman Character Volume 19 page 68-70. https://84000.org/tipitaka/read/roman_read.php?B=19&A=1258&modeTY=2&pagebreak=1 Compare with The Pali Tipitaka in Thai Character :- https://84000.org/tipitaka/read/pali_read.php?B=19&A=1258&modeTY=2&pagebreak=1 Compare with The Royal Version of Thai Tipitaka :- https://84000.org/tipitaka/read/byitem.php?book=19&item=266&items=6 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=19&siri=50 Study Atthakatha :- https://84000.org/tipitaka/attha/attha.php?b=19&i=264 The Pali Atthakatha in Thai :- https://84000.org/tipitaka/atthapali/read_th.php?B=13&A=4338 The Pali Atthakatha in Roman :- https://84000.org/tipitaka/atthapali/read_rm.php?B=13&A=4338 Contents of The Tipitaka Volume 19 https://84000.org/tipitaka/read/?index_19 https://84000.org/tipitaka/english/?index_19
      |
|
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ [email protected]