|
|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |
|
| |
|
|
TIPITAKA Volume 19 : PALI ROMAN Sutta Pitaka Vol 11 : Sutta. Saṃ. Ma.
Bojjhangachatthakam chattham [522] Savatthinidanam . pancannanca vo 1- bhikkhave nivarananam sattannanca bojjhanganam aharanca anaharanca desessami tam sunatha. [523] Ko ca bhikkhave aharo anuppannassa va kamacchandassa uppadaya uppannassa va kamacchandassa bhiyyobhavaya vepullaya . Atthi bhikkhave subhanimittam tattha ayonisomanasikarabahulikaro ayamaharo anuppannassa va kamacchandassa uppadaya uppannassa va kamacchandassa bhiyyobhavaya vepullaya. [524] Ko ca bhikkhave aharo anuppannassa va byapadassa uppadaya uppannassa va byapadassa bhiyyobhavaya vepullaya . Atthi bhikkhave patighanimittam tattha ayonisomanasikarabahulikaro ayamaharo anuppannassa va byapadassa uppadaya uppannassa va byapadassa bhiyyobhavaya vepullaya. [525] Ko ca bhikkhave aharo anuppannassa va thinamiddhassa uppadaya uppannassa va thinamiddhassa bhiyyobhavaya vepullaya . Atthi bhikkhave arati tandi vijambhika 2- bhattasammado cetaso ca linattam tattha ayonisomanasikarabahulakaro ayamaharo anuppannassa va thinamiddhassa uppadaya uppannassa va thinamiddhassa @Footnote: 1 Ma. Yu. ayam patho natthi . 2 Ma. Yu. vijambhita.--------------------------------------------------------------------------------------------- page144.
Bhiyyobhavaya vepullaya. [526] Ko ca bhikkhave aharo anuppannassa va uddhaccakukkuccassa uppadaya uppannassa va uddhaccakukkuccassa bhiyyobhavaya vepullaya . atthi bhikkhave cetaso avupasamo tattha ayoniso- manasikarabahulikaro ayamaharo anuppannassa va uddhaccakukkuccassa uppadaya uppannassa va uddhaccakukkuccassa bhiyyobhavaya vepullaya. [527] Ko ca bhikkhave aharo anuppannaya va vicikicchaya uppadaya uppannaya va vicikicchaya bhiyyobhavaya vepullaya . Atthi bhikkhave vicikicchatthaniya 1- dhamma tattha ayonisomanasikara- bahulikaro ayamaharo anuppannaya va vicikicchaya uppadaya uppannaya va vicikicchaya bhiyyobhavaya vepullaya. [528] Ko ca bhikkhave aharo anuppannassa va satisambojjhangassa uppadaya uppannassa va satisambojjhangassa bhavanaya paripuriya . Atthi bhikkhave satisambojjhangatthaniya dhamma tattha yonisomanasikara- bahulikaro ayamaharo anuppannassa va satisambojjhangassa uppadaya uppannassa va satisambojjhangassa bhavanaya paripuriya. [529] Ko ca bhikkhave aharo anuppannassa va dhammavicaya- sambojjhangassa uppadaya uppannassa va dhammavicayasambojjhangassa @Footnote: 1 Ma. vicikicchatthaniya.--------------------------------------------------------------------------------------------- page145.
Bhavanaya paripuriya . atthi bhikkhave kusalakusala dhamma savajjanavajja dhamma hinappanita dhamma kanhasukkasappatibhaga dhamma tattha yonisomanasikarabahulikaro ayamaharo anuppannassa va dhammavicaya- sambojjhangassa vicayasambojjhangassa uppadaya uppannassa va dhammavicayasambojjhangassa bhavanaya paripuriya. [530] Ko ca bhikkhave aharo anuppannassa va viriyasambojjhangassa uppadaya uppannassa va viriyasambojjhangassa bhavanaya paripuriya . atthi bhikkhave arabhadhatu nikkamadhatu parakkamadhatu tattha yonisomanasikarabahulikaro ayamaharo anuppannassa va viriyasambojjhangassa uppadaya uppannassa va viriyasambojjhangassa bhavanaya paripuriya. [531] Ko ca bhikkhave aharo anuppannassa va pitisambojjhangassa uppadaya uppannassa va pitisambojjhangassa bhavanaya paripuriya . atthi bhikkhave pitisambojjhangatthaniya dhamma tattha yonisomanasikarabahulikaro ayamaharo anuppannassa va pitisambojjhangassa uppadaya uppannassa va pitisambojjhangassa bhavanaya paripuriya. [532] Ko ca bhikkhave aharo anuppannassa va passaddhisambojjhangassa uppadaya uppannassa va passaddhisambojjhangassa bhavanaya paripuriya . atthi bhikkhave kayappassaddhi cittappassaddhi--------------------------------------------------------------------------------------------- page146.
Tattha yonisomanasikarabahulikaro ayamaharo anuppannassa va passaddhisambojjhangassa uppadaya uppannassa va passaddhisambojjhangassa bhavanaya paripuriya. [533] Ko ca bhikkhave aharo anuppannassa va samadhisambojjhangassa uppadaya uppannassa va samadhisambojjhangassa bhavanaya paripuriya . atthi bhikkhave samadhinimittam abyagganimittam tattha yonisomanasikarabahulikaro ayamaharo anuppannassa va samadhisambojjhangassa uppadaya uppannassa va samadhi- sambojjhangassa bhavanaya paripuriya. [534] Ko ca bhikkhave aharo anuppannassa va upekkha- sambojjhangassa uppadaya uppannassa va upekkhasambojjhangassa bhavanaya paripuriya . atthi bhikkhave upekkhasambojjhangatthaniya dhamma tattha yonisomanasikarabahulikaro ayamaharo anuppannassa va upekkhasambojjhangassa uppadaya uppannassa va upekkha- sambojjhangassa bhavanaya paripuriya. [535] Ko ca bhikkhave anaharo anuppannassa va kamacchandassa uppadaya uppannassa va kamacchandassa bhiyyobhavaya vepullaya . Atthi bhikkhave asubhanimittam tattha yonisomanasikarabahulikaro ayamanaharo anuppannassa va kamacchandassa uppadaya uppannassa va kamacchandassa bhiyyobhavaya vepullaya.--------------------------------------------------------------------------------------------- page147.
[536] Ko ca bhikkhave anaharo anuppannassa va byapadassa uppadaya uppannassa va byapadassa bhiyyobhavaya vepullaya . Atthi bhikkhave cetovimutti tattha yonisomanasikarabahulikaro ayamanaharo anuppannassa va byapadassa uppadaya uppannassa va byapadassa bhiyyobhavaya vepullaya. [537] Ko ca bhikkhave anaharo anuppannassa va thinamiddhassa uppadaya uppannassa va thinamiddhassa bhiyyobhavaya vepullaya . Atthi bhikkhave arabhadhatu nikkamadhatu parakkamadhatu tattha yonisomanasikarabahulikaro ayamanaharo anuppannassa va thinamiddhassa uppadaya uppannassa va thinamiddhassa bhiyyobhavaya vepullaya. [538] Ko ca bhikkhave anaharo anuppannassa va uddhaccakukkuccassa uppadaya uppannassa va uddhaccakukkuccassa bhiyyobhavaya vepullaya . atthi bhikkhave cetaso vupasamo tattha yonisomanasikara- bahulikaro ayamanaharo anuppannassa va uddhaccakukkuccassa uppadaya uppannassa va uddhaccakukkuccassa bhiyyobhavaya vepullaya. [539] Ko ca bhikkhave anaharo anuppannaya va vicikicchaya uppadaya uppannaya va vicikicchaya bhiyyobhavaya vepullaya . Atthi bhikkhave kusalakusala dhamma savajjanavajja dhamma hinappanita dhamma kanhasukkasappatibhaga dhamma tattha yonisomanasikarabahulikaro--------------------------------------------------------------------------------------------- page148.
Ayamanaharo anuppannaya va vicikicchaya uppadaya uppannaya va vicikicchaya bhiyyobhavaya vepullaya. [540] Ko ca bhikkhave anaharo anuppannassa va satisambojjhangassa uppadaya uppannassa va satisambojjhangassa bhavanaya paripuriya . Atthi bhikkhave satisambojjhangatthaniya dhamma tattha amanasikarabahulikaro ayamanaharo anuppannassa va satisambojjhangassa uppadaya uppannassa va satisambojjhangassa bhavanaya paripuriya. [541] Ko ca bhikkhave anaharo anuppannassa va dhammavicayasambojjhangassa uppadaya uppannassa va dhammavicayasambojjhangassa bhavanaya paripuriya. Atthi bhikkhave kusalakusala dhamma savajjanavajja dhamma hinappanita dhamma kanhasukkasappatibhaga dhamma tattha amanasikarabahulikaro ayamanaharo anuppannassa va dhammavicayasambojjhangassa uppadaya uppannassa va dhammavicayasambojjhangassa bhavanaya paripuriya. [542] Ko ca bhikkhave anaharo anuppannassa va viriyasambojjhangassa uppadaya uppannassa va viriyasambojjhangassa bhavanaya paripuriya . atthi bhikkhave arabbhadhatu nikkamadhatu parakkamadhatu tattha amanasikarabahulikaro ayamanaharo anuppannassa va viriyasambojjhangassa uppadaya uppannassa va--------------------------------------------------------------------------------------------- page149.
Viriyasambojjhangassa bhavanaya paripuriya. [543] Ko ca bhikkhave anaharo anuppannassa va pitisambojjhangassa uppadaya uppannassa va pitisambojjhangassa bhavanaya paripuriya . atthi bhikkhave pitisambojjhangatthaniya dhamma tattha amanasikarabahulikaro ayamanaharo anuppannassa va pitisambojjhangassa uppadaya uppannassa va pitisambojjhangassa bhavanaya paripuriya. [544] Ko ca bhikkhave anaharo anuppannassa va passaddhi- sambojjhangassa uppadaya uppannassa va passaddhisambojjhangassa bhavanaya paripuriya . atthi bhikkhave kayappassaddhi cittappassaddhi tattha amanasikarabahulikaro ayamanaharo anuppannassa va passaddhi- sambojjhangassa uppadaya uppannassa va passaddhisambojjhangassa bhavanaya paripuriya. [545] Ko ca bhikkhave anaharo anuppannassa va samadhisambojjhangassa uppadaya uppannassa va samadhisambojjhangassa bhavanaya paripuriya . atthi bhikkhave samadhinimittam abyagganimittam tattha amanasikarabahulikaro ayamanaharo anuppannassa va samadhisambojjhangassa uppadaya uppannassa va samadhisambojjhangassa bhavanaya paripuriya. [546] Ko ca bhikkhave anaharo anuppannassa va--------------------------------------------------------------------------------------------- page150.
Upekkhasambojjhangassa uppadaya uppannassa va upekkhasambojjhangassa bhavanaya paripuriya . atthi bhikkhave upekkhasambojjhangatthaniya dhamma tattha amanasikarabahulikaro ayamanaharo anuppannassa va upekkhasambojjhangassa uppadaya uppannassa va upekkhasambojjhangassa bhavanaya paripuriyati.The Pali Tipitaka in Roman Character Volume 19 page 143-150. https://84000.org/tipitaka/read/roman_read.php?B=19&A=2718&modeTY=2&pagebreak=1 Compare with The Pali Tipitaka in Thai Character :- https://84000.org/tipitaka/read/pali_read.php?B=19&A=2718&modeTY=2&pagebreak=1 Compare with The Royal Version of Thai Tipitaka :- https://84000.org/tipitaka/read/byitem.php?book=19&item=522&items=25 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=19&siri=123 Study Atthakatha :- https://84000.org/tipitaka/attha/attha.php?b=19&i=522 The Pali Atthakatha in Thai :- https://84000.org/tipitaka/atthapali/read_th.php?B=13&A=4860 The Pali Atthakatha in Roman :- https://84000.org/tipitaka/atthapali/read_rm.php?B=13&A=4860 Contents of The Tipitaka Volume 19 https://84000.org/tipitaka/read/?index_19 https://84000.org/tipitaka/english/?index_19
      |
|
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ [email protected]