PaliRoman Vol.19

[1501] Savatthinidanam . atha kho ayasma mahamoggallano seyyathapi nama balava puriso samminjitam va baham pasareyya pasaritam va baham samminjeyya evameva jetavane antarahito devesu tavatimsesu paturahosi . atha kho sambahula tavatimsakayika devatayo yenayasma mahamoggallano tenupasankamimsu upasankamitva ayasmantam mahamoggallanam abhivadetva ekamantam atthamsu . ekamantam thita kho ta devatayo ayasma mahamoggallano etadavoca [1502] Sadhu kho avuso buddhe aveccappasadena samannagamanam hoti itipi so bhagava .pe. sattha devamanussanam buddho bhagavati . buddhe aveccappasadena samannagamanahetu kho avuso evamidhekacce satta kayassa bheda param marana sugatim saggam lokam upapanna . sadhu kho avuso dhamme sanghe . ariyakantehi silehi samannagamanam hoti akkhandehi .pe. samadhisamvattanikehi . Ariyakantehi silehi samannagamanahetu kho avuso evamidhekacce satta kayassa bheda param marana sugatim saggam lokam upapannati. [1503] Sadhu kho marisa moggallana buddhe aveccappasadena samannagamanam hoti itipi so bhagava .pe. sattha devamanussanam buddho bhagavati . buddhe aveccappasadena samannagamanahetu kho marisa moggallana evamidhekacce satta kayassa bheda param marana sugatim saggam lokam upapanna . sadhu kho marisa moggallana dhamme sanghe . ariyakantehi silehi samannagamanam hoti akkhandehi .pe. samadhisamvattanikehi . ariyakantehi silehi samannagamanahetu kho marisa moggallana evamidhekacce satta kayassa bheda param marana sugatim saggam lokam upapannati.

The Pali Tipitaka in Roman Character Volume 19 page 459-460. https://84000.org/tipitaka/read/roman_read.php?B=19&A=8957&modeTY=2 Compare with The Pali Tipitaka in Thai Character :- https://84000.org/tipitaka/read/pali_read.php?B=19&A=8957&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=19&item=1501&items=3 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=19&siri=337 Study Atthakatha :- https://84000.org/tipitaka/attha/attha.php?b=19&i=1501 Contents of The Tipitaka Volume 19 https://84000.org/tipitaka/read/?index_19 https://84000.org/tipitaka/english/?index_19