|
|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |
|
| |
|
|
TIPITAKA Volume 2 : PALI ROMAN Vinaya Pitaka Vol 2 : Vinaya. Mahāvi (2)
Navamasikkhapadam [109] Tena samayena buddho bhagava savatthiyam viharati jetavane anathapindikassa arame . tena kho pana samayena chabbaggiya bhikkhu nanappakarakam rupiyasamvoharam samapajjanti . manussa ujjhayanti khiyanti vipacenti katham hi nama samana sakyaputtiya nanappakarakam rupiyasamvoharam samapajjissanti seyyathapi gihi kamabhoginoti . Assosum kho bhikkhu tesam manussanam ujjhayantanam khiyantanam vipacentanam . ye te bhikkhu appiccha .pe. te ujjhayanti khiyanti vipacenti katham hi nama chabbaggiya bhikkhu nanappakarakam rupiyasamvoharam samapajjissantiti. {109.1} Athakho te bhikkhu bhagavato etamattham arocesum . saccam kira tumhe bhikkhave nanappakarakam rupiyasamvoharam samapajjathati . saccam bhagavati . vigarahi buddho bhagava katham hi nama tumhe moghapurisa nanappakarakam rupiyasamvoharam samapajjissatha netam moghapurisa appasannanam va pasadaya pasanananam va bhiyyobhavaya .pe. Evanca pana bhikkhave imam sikkhapadam uddiseyyatha {109.2} yo pana bhikkhu nanappakarakam rupiyasamvoharam samapajjeyya nissaggiyam pacittiyanti. [110] Yo panati yo yadiso .pe. bhikkhuti .pe. ayam imasmim atthe adhippeto bhikkhuti . nanappakarakam nama katampi--------------------------------------------------------------------------------------------- page95.
Akatampi katakatampi . katam nama sisupagam givupagam hatthupagam padupagam katupagam . akatam nama ghanakam vuccati . katakatam nama tadubhayam . Rupiyam nama satthuvanno kahapano lohamasako darumasako jatumasako ye voharam gacchanti . samapajjeyyati katena katam cetapeti nissaggiyam hoti . katena akatam cetapeti nissaggiyam hoti . katena katakatam cetapeti nissaggiyam hoti . akatena katam cetapeti nissaggiyam hoti . akatena akatam cetapeti nissaggiyam hoti . akatena katakatam cetapeti nissaggiyam hoti . katakatena katam cetapeti nissaggiyam hoti . katakatena akatam cetapeti nissaggiyam hoti . katakatena katakatam cetapeti nissaggiyam hoti . Sanghamajjhe nissajjitabbam. {110.1} Evanca pana bhikkhave nissajjitabbam. Tena bhikkhuna sangham upasankamitva ekamsam uttarasangam karitva vuddhanam bhikkhunam pade vanditva ukkutikam nisiditva anjalim paggahetva evamassa vacaniyo aham bhante nanappakarakam rupiyasamvoharam samapajjim idam me nissaggiyam imaham sanghassa nissajjamiti . nissajjitva apatti desetabba . Byattena bhikkhuna patibalena apatti patiggahetabba . sace tattha agacchati aramiko va upasako va so vattabbo avuso imam janahiti . sace so bhanati imina kim ahariyatuti . na vattabbo--------------------------------------------------------------------------------------------- page96.
Imam va imam va aharati . kappiyam acikkhitabbam sappi va telam va madhu va phanitam va . sace so tena parivattitva kappiyam aharati rupiyacetapakam thapetva sabbeheva paribhunjitabbam . evancetam labhetha iccetam kusalam no ce labhetha so vattabbo avuso imam chaddehiti . sace so chaddeti iccetam kusalam no ce chaddeti pancahangehi samannagato bhikkhu rupiyachaddako sammannitabbo yo na chandagatim gaccheyya na dosagatim gaccheyya na mohagatim gaccheyya na bhayagatim gaccheyya chadditachadditanca janeyya . Evanca pana bhikkhave sammannitabbo . pathamam bhikkhu yacitabbo . Yacitva byattena bhikkhuna patibalena sangho napetabbo {110.2} sunatu me bhante sangho yadi sanghassa pattakallam sangho itthannamam bhikkhum rupiyachaddakam sammanneyya. Esa natti. {110.3} Sunatu me bhante sangho sangho itthannamam bhikkhum rupiyachaddakam sammannati . yassayasmato khamati itthannamassa bhikkhuno rupiyachaddakassa sammati so tunhassa yassa nakkhamati so bhaseyya . Sammato sanghena itthannamo bhikkhu rupiyachaddako . khamati sanghassa tasma tunhi. Evametam dharayamiti. {110.4} Tena sammatena bhikkhuna animittam katva patetabbam. Sace nimittam katva pateti apatti dukkatassa. [111] Rupiye rupiyasanni rupiyam cetapeti nissaggiyam pacittiyam.--------------------------------------------------------------------------------------------- page97.
Rupiye vematiko rupiyam cetapeti nissaggiyam pacittiyam . rupiye arupiyasanni rupiyam cetapeti nissaggiyam pacittiyam . arupiye rupiyasanni rupiyam cetapeti nissaggiyam pacittiyam . arupiye vematiko rupiyam cetapeti nissaggiyam pacittiyam . arupiye arupiyasanni rupiyam cetapeti nissaggiyam pacittiyam . arupiye rupiyasanni apatti dukkatassa . arupiye vematiko apatti dukkatassa. Arupiye arupiyasanni anapatti. [112] Anapatti ummattakassa adikammikassati. Navamasikkhapadam nitthitam. -------The Pali Tipitaka in Roman Character Volume 2 page 94-97. https://84000.org/tipitaka/read/roman_read.php?B=2&A=1643&modeTY=2&pagebreak=1 Compare with The Pali Tipitaka in Thai Character :- https://84000.org/tipitaka/read/pali_read.php?B=2&A=1643&modeTY=2&pagebreak=1 Compare with The Royal Version of Thai Tipitaka :- https://84000.org/tipitaka/read/byitem.php?book=2&item=109&items=4 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=2&siri=19 Study Atthakatha :- https://84000.org/tipitaka/attha/attha.php?b=2&i=109 The Pali Atthakatha in Thai :- https://84000.org/tipitaka/atthapali/read_th.php?B=2&A=4909 The Pali Atthakatha in Roman :- https://84000.org/tipitaka/atthapali/read_rm.php?B=2&A=4909 Contents of The Tipitaka Volume 2 https://84000.org/tipitaka/read/?index_2 https://84000.org/tipitaka/english/?index_2
      |
|
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ [email protected]