PaliRoman Vol.21

[73] Catuhi bhikkhave dhammehi samannagato asappurisoti veditabbo katamehi catuhi idha bhikkhave asappuriso yo hoti parassa avanno tam aputthopi patukaroti ko pana vado putthassa puttho kho pana panhabhinito ahapetva alambetva paripuram vittharena parassa avannam bhasita hoti veditabbametam bhikkhave asappuriso ayam bhavanti. {73.1} Puna caparam bhikkhave asappuriso yo hoti parassa vanno tam putthopi na patukaroti ko pana vado aputthassa puttho kho pana panhabhinito hapetva lambetva aparipuram avittharena parassa vannam bhasita hoti veditabbametam bhikkhave asappuriso ayam bhavanti. {73.2} Puna caparam bhikkhave asappuriso yo hoti attano avanno tam putthopi na patukaroti ko pana vado aputthassa puttho kho pana panhabhinito hapetva lambetva aparipuram avittharena attano avannam bhasita hoti veditabbametam bhikkhave asappuriso ayam bhavanti. {73.3} Puna caparam bhikkhave asappuriso yo hoti attano vanno tam aputthopi patukaroti ko pana vado putthassa puttho kho pana panhabhinito ahapetva alambetva paripuram vittharena Attano vannam bhasita hoti veditabbametam bhikkhave asappuriso ayam bhavanti . imehi kho bhikkhave catuhi dhammehi samannagato asappurisoti ^1- veditabbo. {73.4} Catuhi bhikkhave dhammehi samannagato sappurisoti ^1- veditabbo katamehi catuhi idha bhikkhave sappuriso yo hoti parassa avanno tam putthopi na patukaroti ko pana vado aputthassa puttho kho pana panhabhinito hapetva lambetva aparipuram avittharena parassa avannam bhasita hoti veditabbametam bhikkhave sappuriso ayam bhavanti. {73.5} Puna caparam bhikkhave sappuriso yo hoti parassa vanno tam aputthopi patukaroti ko pana vado putthassa puttho kho pana panhabhinito ahapetva alambetva paripuram vittharena parassa vannam bhasita hoti veditabbametam bhikkhave sappuriso ayam bhavanti. {73.6} Puna caparam bhikkhave sappuriso yo hoti attano avanno tam aputthopi patukaroti ko pana vado putthassa puttho kho pana panhabhinito ahapetva alambetva paripuram vittharena attano avannam bhasita hoti veditabbametam bhikkhave sappuriso ayam bhavanti. {73.7} Puna caparam bhikkhave sappuriso yo hoti attano vanno tam putthopi na patukaroti ko pana vado aputthassa puttho kho pana panhabhinito hapetva lambetva aparipuram avittharena attano vannam bhasita hoti @Footnote: ¹ Ma. Yu. itisaddo natthi. Veditabbametam bhikkhave sappuriso ayam bhavanti . imehi kho bhikkhave catuhi dhammehi samannagato sappurisoti ^1- veditabbo. {73.8} Seyyathapi bhikkhave vadhuka yannadeva rattim va divasam va anita hoti tavadevassa tibbam hirottappam paccupatthitam hoti sassuyapi sassurepi samikepi antamaso dasakammakaraporisesu sa aparena samayena samvasamanvaya ^[2]- sassumpi sassurampi samikampi evamaha apetha kim pana tumhe janathati evameva kho bhikkhave idhekacco bhikkhu yannadeva rattim va divasam va agarasma anagariyam pabbajito hoti tavadevassa tibbam hirottappam paccupatthitam hoti bhikkhusu bhikkhunisu upasakesu upasikasu antamaso aramikasamanuddesesu so aparena samayena samvasamanvaya ^[2]- acariyampi upajjhayampi evamaha apetha kim pana tumhe janathati tasma tiha bhikkhave evam sikkhitabbam adhunagatavadhukasamena ^3- cetasa viharissamati evanhi vo bhikkhave sikkhitabbanti.

The Pali Tipitaka in Roman Character Volume 21 page 100-102. https://84000.org/tipitaka/read/roman_read.php?B=21&A=2100&modeTY=2 Compare with The Pali Tipitaka in Thai Character :- https://84000.org/tipitaka/read/pali_read.php?B=21&A=2100&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=21&item=73&items=1 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=21&siri=73 Study Atthakatha :- https://84000.org/tipitaka/attha/attha.php?b=21&i=73 The Pali Atthakatha in Thai :- https://84000.org/tipitaka/atthapali/read_th.php?B=15&A=8298 The Pali Atthakatha in Roman :- https://84000.org/tipitaka/atthapali/read_rm.php?B=15&A=8298 Contents of The Tipitaka Volume 21 https://84000.org/tipitaka/read/?index_21 https://84000.org/tipitaka/english/?index_21