บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |
| |
[99] Cattarome bhikkhave puggala santo samvijjamana lokasmim katame cattaro attahitaya patipanno no parahitaya parahitaya patipanno no attahitaya neva attahitaya patipanno no parahitaya attahitaya ca patipanno parahitaya ca. {99.1} Kathanca bhikkhave puggalo attahitaya patipanno hoti no parahitaya idha bhikkhave ekacco puggalo attana panatipata pativirato hoti no param panatipata veramaniya samadapeti attana adinnadana pativirato hoti no param adinnadana veramaniya samadapeti attana kamesu micchacara pativirato hoti no param kamesu micchacara veramaniya samadapeti attana musavada pativirato hoti no param musavada veramaniya samadapeti attana suramerayamajjapamadatthana pativirato hoti no param suramerayamajjapamadatthana veramaniya samadapeti evam kho--------------------------------------------------------------------------------------------- page130.
Bhikkhave puggalo attahitaya patipanno hoti no parahitaya. {99.2} Kathanca bhikkhave puggalo parahitaya patipanno hoti no attahitaya idha bhikkhave ekacco puggalo attana panatipata appativirato hoti param panatipata veramaniya samadapeti .pe. Attana suramerayamajjapamadatthana appativirato hoti param suramerayamajjapamadatthana veramaniya samadapeti evam kho bhikkhave puggalo parahitaya patipanno hoti no attahitaya. {99.3} Kathanca bhikkhave puggalo neva attahitaya patipanno hoti no parahitaya idha bhikkhave ekacco puggalo attana panatipata appativirato hoti no param panatipata veramaniya samadapeti .pe. attana suramerayamajjapamadatthana appativirato hoti no param suramerayamajjapamadatthana veramaniya samadapeti evam kho bhikkhave puggalo neva attahitaya patipanno hoti no parahitaya. {99.4} Kathanca bhikkhave puggalo attahitaya ca patipanno hoti parahitaya ca idha bhikkhave ekacco puggalo attana ca panatipata pativirato hoti paranca panatipata veramaniya samadapeti attana ca adinnadana pativirato hoti paranca adinnadana veramaniya samadapeti attana ca kamesu micchacara pativirato hoti paranca kamesu micchacara veramaniya samadapeti attana ca musavada pativirato hoti paranca musavada veramaniya samadapeti attana ca suramerayamajjapamadatthana pativirato hoti paranca--------------------------------------------------------------------------------------------- page131.
Suramerayamajjapamadatthana veramaniya samadapeti evam kho bhikkhave puggalo attahitaya ca patipanno hoti parahitaya ca. Ime kho bhikkhave cattaro puggala santo samvijjamana lokasminti.The Pali Tipitaka in Roman Character Volume 21 page 129-131. https://84000.org/tipitaka/read/roman_read.php?B=21&A=2741&modeTY=2&pagebreak=1 Compare with The Pali Tipitaka in Thai Character :- https://84000.org/tipitaka/read/pali_read.php?B=21&A=2741&modeTY=2&pagebreak=1 Compare with The Royal Version of Thai Tipitaka :- https://84000.org/tipitaka/read/byitem.php?book=21&item=99&items=1 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=21&siri=99 Study Atthakatha :- https://84000.org/tipitaka/attha/attha.php?b=21&i=99 The Pali Atthakatha in Thai :- https://84000.org/tipitaka/atthapali/read_th.php?B=15&A=8507 The Pali Atthakatha in Roman :- https://84000.org/tipitaka/atthapali/read_rm.php?B=15&A=8507 Contents of The Tipitaka Volume 21 https://84000.org/tipitaka/read/?index_21 https://84000.org/tipitaka/english/?index_21
|
บันทึก ๑๔ พฤศจิกายน พ.ศ. ๒๕๖๐. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]