|
|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |
|
| |
|
|
TIPITAKA Volume 21 : PALI ROMAN Sutta Pitaka Vol 13 : Sutta. Aṅ. (2): catukkanipāto
Puggalavaggo catuttho [131] Cattarome bhikkhave puggala santo samvijjamana lokasmim katame cattaro idha bhikkhave ekaccassa puggalassa orambhagiyani sannojanani appahinani honti uppattipatilabhikani 1- sannojanani appahinani honti bhavapatilabhikani sannojanani appahinani honti. {131.1} Idha pana bhikkhave ekaccassa puggalassa orambhagiyani sannojanani pahinani honti uppattipatilabhikani sannojanani appahinani honti bhavapatilabhikani sannojanani appahinani honti. {131.2} Idha pana bhikkhave ekaccassa puggalassa orambhagiyani sannojanani pahinani honti uppattipatilabhikani sannojanani pahinani honti bhavapatilabhikani sannojanani appahinani honti. {131.3} Idha pana bhikkhave ekaccassa puggalassa orambhagiyani sannojanani pahinani honti uppattipatilabhikani sannojanani pahinani honti bhavapatilabhikani sannojanani pahinani honti. {131.4} Katamassa bhikkhave puggalassa orambhagiyani sannojanani appahinani uppattipatilabhikani sannojanani appahinani bhavapatilabhikani sannojanani appahinani sakadagamissa imassa kho bhikkhave puggalassa orambhagiyani sannojanani appahinani uppattipatilabhikani sannojanani appahinani bhavapatilabhikani sannojanani appahinani. {131.5} Katamassa bhikkhave puggalassa orambhagiyani sannojanani pahinani uppattipatilabhikani sannojanani appahinani bhavapatilabhikani @Footnote: 1 Po. Ma. upapattipatilabhiyani. ito param idisameva.--------------------------------------------------------------------------------------------- page182.
Sannojanani appahinani uddhamsotassa akanitthagamino imassa kho bhikkhave puggalassa orambhagiyani sannojanani pahinani uppattipatilabhikani sannojanani appahinani bhavapatilabhikani sannojanani appahinani. {131.6} Katamassa bhikkhave puggalassa orambhagiyani sannojanani pahinani uppattipatilabhikani sannojanani pahinani bhavapatilabhikani sannojanani appahinani antaraparinibbayissa imassa kho bhikkhave puggalassa orambhagiyani sannojanani pahinani uppattipatilabhikani sannojanani pahinani bhavapatilabhikani sannojanani appahinani. {131.7} Katamassa bhikkhave puggalassa orambhagiyani sannojanani pahinani uppattipatilabhikani sannojanani pahinani bhavapatilabhikani sannojanani pahinani arahato khinasavassa 1- imassa kho bhikkhave puggalassa orambhagiyani sannojanani pahinani uppattipatilabhikani sannojanani pahinani bhavapatilabhikani sannojanani pahinani . Ime kho bhikkhave cattaro puggala santo samvijjamana lokasminti. [132] Cattarome bhikkhave puggala santo samvijjamana lokasmim katame cattaro yuttapatibhano na muttapatibhano muttapatibhano na yuttapatibhano yuttapatibhano ca muttapatibhano ca neva yuttapatibhano na muttapatibhano ime kho bhikkhave cattaro puggala santo samvijjamana lokasminti. @Footnote: 1 Ma. Yu. ayam patho natthi.--------------------------------------------------------------------------------------------- page183.
[133] Cattarome bhikkhave puggala santo samvijjamana lokasmim katame cattaro ugghatitannu vipacitannu neyyo padaparamo ime kho bhikkhave cattaro puggala santo samvijjamana lokasminti. [134] Cattarome bhikkhave puggala santo samvijjamana lokasmim katame cattaro utthanaphalupajivi na kammaphalupajivi kammaphalupajivi na utthanaphalupajivi utthanaphalupajivi ceva kammaphalupajivi ca neva utthanaphalupajivi na kammaphalupajivi ime kho bhikkhave cattaro puggala santo samvijjamana lokasminti. [135] Cattarome bhikkhave puggala santo samvijjamana lokasmim katame cattaro savajjo vajjabahulo appavajjo anavajjo . Kathanca bhikkhave puggalo savajjo hoti idha bhikkhave ekacco puggalo savajjena kayakammena samannagato hoti savajjena vacikammena samannagato hoti savajjena manokammena samannagato hoti evam kho bhikkhave puggalo savajjo hoti. {135.1} Kathanca bhikkhave puggalo vajjabahulo hoti idha bhikkhave ekacco puggalo savajjena bahulam kayakammena samannagato hoti appam anavajjena savajjena bahulam vacikammena samannagato hoti appam anavajjena savajjena bahulam manokammena samannagato hoti appam anavajjena evam kho bhikkhave puggalo vajjabahulo hoti. {135.2} Kathanca bhikkhave puggalo appavajjo hoti idha bhikkhave ekacco puggalo anavajjena bahulam kayakammena--------------------------------------------------------------------------------------------- page184.
Samannagato hoti appam savajjena anavajjena bahulam vacikammena samannagato hoti appam savajjena anavajjena bahulam manokammena samannagato hoti appam savajjena evam kho bhikkhave puggalo appavajjo hoti. {135.3} Kathanca bhikkhave puggalo anavajjo hoti idha bhikkhave ekacco puggalo anavajjena kayakammena samannagato hoti anavajjena vacikammena samannagato hoti anavajjena manokammena samannagato hoti evam kho bhikkhave puggalo anavajjo hoti . Ime kho bhikkhave cattaro puggala santo samvijjamana lokasminti. [136] Cattarome bhikkhave puggala santo samvijjamana lokasmim katame cattaro idha bhikkhave ekacco puggalo silesu na paripurakari hoti samadhismim na paripurakari pannaya na paripurakari idha pana bhikkhave ekacco puggalo silesu paripurakari hoti samadhismim na paripurakari pannaya na paripurakari idha pana bhikkhave ekacco puggalo silesu paripurakari hoti samadhismim paripurakari pannaya na paripurakari idha pana bhikkhave ekacco puggalo silesu paripurakari hoti samadhismim paripurakari pannaya paripurakari . ime kho bhikkhave cattaro puggala santo samvijjamana lokasminti. [137] Cattarome bhikkhave puggala santo samvijjamana lokasmim katame cattaro idha pana bhikkhave ekacco puggalo na silagaru hoti na siladhipateyyo na samadhigaru hoti na samadhadhipateyyo--------------------------------------------------------------------------------------------- page185.
Na pannagaru hoti na pannadhipateyyo idha pana bhikkhave ekacco puggalo silagaru hoti siladhipateyyo na samadhigaru hoti na samadhadhipateyyo na pannagaru hoti na pannadhipateyyo idha pana bhikkhave ekacco puggalo silagaru hoti siladhipateyyo samadhigaru hoti samadhadhipateyyo na pannagaru hoti na pannadhipateyyo idha pana bhikkhave ekacco puggalo silagaru hoti siladhipateyyo samadhigaru hoti samadhadhipateyyo pannagaru hoti pannadhipateyyo ime kho bhikkhave cattaro puggala santo samvijjamana lokasminti. [138] Cattarome bhikkhave puggala santo samvijjamana lokasmim katame cattaro nikkatthakayo anikkatthacitto anikkatthakayo nikkatthacitto anikkatthakayo ca anikkatthacitto ca nikkatthakayo ca nikkatthacitto ca. {138.1} Kathanca bhikkhave puggalo nikkatthakayo hoti anikkatthacitto idha bhikkhave ekacco puggalo arannavanapatthani pantani senasanani patisevati so tattha kamavitakkampi vitakketi byapadavitakkampi vitakketi vihimsavitakkampi vitakketi evam kho bhikkhave puggalo nikkatthakayo hoti anikkatthacitto. {138.2} Kathanca bhikkhave puggalo anikkatthakayo hoti nikkatthacitto idha bhikkhave ekacco puggalo naheva kho arannavanapatthani pantani senasanani patisevati so tattha nekkhammavitakkampi vitakketi abyapadavitakkampi vitakketi avihimsavitakkampi vitakketi evam kho bhikkhave puggalo anikkatthakayo--------------------------------------------------------------------------------------------- page186.
Hoti nikkatthacitto. {138.3} Kathanca bhikkhave puggalo anikkatthakayo ca hoti anikkatthacitto ca idha bhikkhave ekacco puggalo naheva kho arannavanapatthani pantani senasanani patisevati so tattha kamavitakkampi vitakketi byapadavitakkampi vitakketi vihimsavitakkampi vitakketi evam kho bhikkhave puggalo anikkatthakayo ca hoti anikkatthacitto ca. {138.4} Kathanca bhikkhave puggalo nikkatthakayo ca hoti nikkatthacitto ca idha bhikkhave ekacco puggalo arannavanapatthani pantani senasanani patisevati so tattha nekkhammavitakkampi vitakketi abyapadavitakkampi vitakketi avihimsavitakkampi vitakketi evam kho bhikkhave puggalo nikkatthakayo ca hoti nikkatthacitto ca . Ime kho bhikkhave cattaro puggala santo samvijjamana lokasminti. [139] Cattarome bhikkhave dhammakathika katame cattaro idha bhikkhave ekacco dhammakathiko appanca bhasati asahitanca parisa ca 1- na kusala hoti sahitasahitassa evarupo bhikkhave dhammakathiko evarupaya parisaya dhammakathikotveva sankham gacchati. {139.1} Idha pana bhikkhave ekacco dhammakathiko appanca bhasati sahitanca parisa ca kusala hoti sahitasahitassa evarupo bhikkhave dhammakathiko evarupaya parisaya dhammakathikotveva sankham gacchati. {139.2} Idha pana bhikkhave ekacco dhammakathiko bahunca bhasati asahitanca parisa ca na kusala hoti sahitasahitassa evarupo bhikkhave dhammakathiko evarupaya parisaya dhammakathikotveva sankham gacchati. {139.3} Idha pana bhikkhave ekacco dhammakathiko @Footnote: 1 Ma. cassa. ito param idisameva.--------------------------------------------------------------------------------------------- page187.
Bahunca bhasati sahitanca parisa ca kusala hoti sahitasahitassa evarupo bhikkhave dhammakathiko evarupaya parisaya dhammakathikotveva sankham gacchati. Ime kho bhikkhave cattaro dhammakathikati. [140] Cattarome bhikkhave vadi katame cattaro atthi bhikkhave vadi atthato pariyadanam gacchati no byanjanato atthi bhikkhave vadi byanjanato pariyadanam gacchati no atthato atthi bhikkhave vadi atthato ca byanjanato ca pariyadanam gacchati atthi bhikkhave vadi neva atthato no byanjanato pariyadanam gacchati ime kho bhikkhave cattaro vadi atthanametam bhikkhave anavakaso yam catuhi patisambhidahi samannagato bhikkhu atthato va 1- byanjanato va 2- pariyadanam gaccheyyati. Puggalavaggo catuttho. [3]- ----------The Pali Tipitaka in Roman Character Volume 21 page 181-187. https://84000.org/tipitaka/read/roman_read.php?B=21&A=3841&modeTY=2&pagebreak=1 Compare with The Pali Tipitaka in Thai Character :- https://84000.org/tipitaka/read/pali_read.php?B=21&A=3841&modeTY=2&pagebreak=1 Compare with The Royal Version of Thai Tipitaka :- https://84000.org/tipitaka/read/byitem.php?book=21&item=131&items=10 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=21&siri=130 Study Atthakatha :- https://84000.org/tipitaka/attha/attha.php?b=21&i=131 The Pali Atthakatha in Thai :- https://84000.org/tipitaka/atthapali/read_th.php?B=15&A=8741 The Pali Atthakatha in Roman :- https://84000.org/tipitaka/atthapali/read_rm.php?B=15&A=8741 Contents of The Tipitaka Volume 21 https://84000.org/tipitaka/read/?index_21 https://84000.org/tipitaka/english/?index_21
      |
|
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ [email protected]