PaliRoman Vol.22

[133] Yopi kho ^1- bhikkhave raja cakkavatti dhammiko dhammaraja sopi na arajakam cakkam pavattetiti ^2- evam vutte annataro bhikkhu bhagavantam etadavoca ko pana bhante ranno cakkavattissa dhammikassa dhammaranno rajati dhammo bhikkhuti bhagava avoca idha bhikkhu raja cakkavatti dhammiko dhammaraja dhammanneva nissaya dhammam sakkaronto dhammam garukaronto ^3- dhammam apacayamano dhammaddhajo dhammaketu dhammadhipateyyo dhammikam rakkhavaranaguttim samvidahati antojanasmim. {133.1} Puna caparam bhikkhu raja cakkavatti dhammiko dhammaraja .pe. Dhammadhipateyyo dhammikam rakkhavaranaguttim samvidahati khattiyesu anuyantesu balakayasmim brahmanagahapatikesu negamajanapadesu samanabrahmanesu migapakkhisu sa kho so bhikkhu raja cakkavatti dhammiko dhammaraja .pe. Dhammadhipateyyo dhammikam rakkhavaranaguttim samvidahitva antojanasmim dhammikam rakkhavaranaguttim samvidahitva khattiyesu anuyantesu balakayasmim brahmanagahapatikesu negamajanapadesu samanabrahmanesu migapakkhisu dhammeneva cakkam pavatteti tam hoti cakkam appativattiyam kenaci manussabhutena @Footnote: ¹ Po. yoni kho so. Ma. yopi so . ² Ma. vattetiti . ³ Ma. garum karonto. Paccatthikena panina evameva kho bhikkhu tathagato araham sammasambuddho dhammiko dhammaraja dhammanneva nissaya dhammam sakkaronto dhammam garukaronto dhammam apacayamano dhammaddhajo dhammaketu dhammadhipateyyo dhammikam rakkhavaranaguttim samvidahati bhikkhusu evarupam kayakammam sevitabbam evarupam kayakammam na sevitabbam evarupam vacikammam sevitabbam evarupam vacikammam na sevitabbam evarupam manokammam sevitabbam evarupam manokammam na sevitabbam evarupo ajivo sevitabbo evarupo ajivo na sevitabbo evarupo gamanigamo sevitabbo evarupo gamanigamo na sevitabboti. {133.2} Puna caparam bhikkhu tathagato araham sammasambuddho dhammiko dhammaraja .pe. dhammadhipateyyo dhammikam rakkhavaranaguttim samvidahati [1]- Bhikkhunisu ... Upasakesu ... Upasikasu evarupam kayakammam sevitabbam evarupam kayakammam na sevitabbam .pe. evarupo gamanigamo sevitabbo evarupo gamanigamo na sevitabboti sa kho so bhikkhu tathagato araham sammasambuddho dhammiko dhammaraja .pe. dhammadhipateyyo dhammikam rakkhavaranaguttim samvidahitva bhikkhusu dhammikam rakkhavaranaguttim samvidahitva bhikkhunisu ... upasakesu ... upasikasu dhammeneva anuttaram dhammacakkam pavatteti tam hoti cakkam appativattiyam samanena va brahmanena va devena va marena va brahmuna va kenaci va lokasminti.

The Pali Tipitaka in Roman Character Volume 22 page 168-169. https://84000.org/tipitaka/read/roman_read.php?B=22&A=3526&modeTY=2 Compare with The Pali Tipitaka in Thai Character :- https://84000.org/tipitaka/read/pali_read.php?B=22&A=3526&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=22&item=133&items=1 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=22&siri=133 Study Atthakatha :- https://84000.org/tipitaka/attha/attha.php?b=22&i=133 The Pali Atthakatha in Thai :- https://84000.org/tipitaka/atthapali/read_th.php?B=16&A=1147 The Pali Atthakatha in Roman :- https://84000.org/tipitaka/atthapali/read_rm.php?B=16&A=1147 Contents of The Tipitaka Volume 22 https://84000.org/tipitaka/read/?index_22 https://84000.org/tipitaka/english/?index_22