|
|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |
|
| |
|
|
TIPITAKA Volume 23 : PALI ROMAN Sutta Pitaka Vol 15 : Sutta. Aṅ. (4): sattaka-aṭṭhaka-navakanipātā
[58] Ekam samayam bhagava bhaggesu viharati sumsumaragire bhesakalavane migadaye . tena kho pana samayena ayasma mahamoggallano magadhesu kallavalamuttagame capalayamano nisinno hoti . addasa kho bhagava dibbena cakkhuna visuddhena atikkantamanusakena ayasmantam mahamoggallanam magadhesu kallavalamuttagame capalayamanam nisinnam disva seyyathapi nama balava puriso samminjitam va baham pasareyya pasaritam va baham samminjeyya evameva bhaggesu sumsumaragire bhesakalavane migadaye antarahito magadhesu kallavalamuttagame ayasmato mahamoggallanassa pamukhe paturahosi nisidi bhagava pannatte asane nisajja kho bhagava ayasmantam mahamoggallanam etadavoca {58.1} capalayasi no tvam moggallana capalayasi no tvam moggallanati . evam bhante . tasmatiha moggallana yathasannissa te viharato tam middham okkamati tam sannam manasikareyyasi 1- tam sannam bahulam kareyyasi 2- thanam kho panetam vijjati yante evam viharato tam middham pahiyetha {58.2} no ce te evam viharato tam middham pahiyetha tato tvam moggallana yathasutam yathapariyattam dhammam cetasa anuvitakkeyyasi anuvicareyyasi @Footnote: 1 Ma. ma manasakasi. evamuparipi . 2 Ma. ma bahulamakasi.--------------------------------------------------------------------------------------------- page88.
Manasanupekkheyyasi thanam kho panetam vijjati yante evam viharato tam middham pahiyetha {58.3} no ce te evam viharato tam middham pahiyetha tato tvam moggallana yathasutam yathapariyattam dhammam vittharena sajjhayam kareyyasi thanam kho panetam vijjati yante evam viharato tam middham pahiyetha {58.4} no ce te evam viharato tam middham pahiyetha tato tvam moggallana ubho kannasotani avijeyyasi 1- panina gattani anumajjeyyasi thanam kho panetam vijjati yante evam viharato tam middham pahiyetha {58.5} no ce te evam viharato tam middham pahiyetha tato tvam moggallana utthayasana udakena akkhini anumajjitva disa anuvilokeyyasi nakkhattani tarakarupani ullokeyyasi thanam kho panetam vijjati yante evam viharato tam middham pahiyetha {58.6} no ce te evam viharato tam middham pahiyetha tato tvam moggallana alokasannam manasikareyyasi divasannam adhitthaheyyasi yatha diva tatha rattim yatha rattim tatha diva iti vivatena 2- cetasa apariyonaddhena sappabhasam cittam bhaveyyasi thanam kho panetam vijjati yante evam viharato tam middham pahiyetha {58.7} no ce te evam viharato tam middham pahiyetha tato tvam moggallana pacchapuresanni cankamam adhitthaheyyasi antogatehi indriyehi abahigatena manasena thanam kho panetam vijjati yante evam viharato tam middham pahiyetha {58.8} no ce te evam viharato tam middham pahiyetha tato tvam moggallana @Footnote: 1 Ma. avincheyyasi.--------------------------------------------------------------------------------------------- page89.
Dakkhinena passena sihaseyyam kappeyyasi padena 1- padam accadhaya sato sampajano utthanasannam manasikaritva patibuddheneva 2- te moggallana khippanneva paccutthatabbam na seyyasukham na passasukham na middhasukham anuyutto viharissamiti evanhi te moggallana sikkhitabbam. {58.9} Tasmatiha moggallana evam sikkhitabbam na uccasondam paggahetva kulani upasankamissamiti evanhi te moggallana sikkhitabbam sace moggallana bhikkhu uccasondam paggahetva kulani upasankamati santi hi moggallana kulesu kiccakaraniyani yena manussa agatam bhikkhum na manasikaronti tatra bhikkhussa evam hoti ko su nama dani mam imasmim kule paribhindi virattarupadanime mayi manussati itissa alabhena mankubhavo mankubhutassa uddhaccam uddhatassa asamvaro asamvutassa ara cittam samadhimha {58.10} tasmatiha moggallana evam sikkhitabbam na viggahikakatham kathessamiti evanhi te moggallana sikkhitabbam viggahikaya moggallana kathaya sati kathabahullam patikankham kathabahulle sati uddhaccam uddhatassa asamvaro asamvutassa ara cittam samadhimha naham moggallana sabbeheva samsaggam vannayami na panaham moggallana sabbeheva samsaggam na vannayami sagahatthapabbajitehi kho aham moggallana samsaggam na vannayami yani ca kho tani senasanani appasaddani appanigghosani vijanavatani manussarahaseyyakani 3- patisallanasaruppani @Footnote: 1 Ma. pade. evamuparipi . 2 Ma. patibuddhena ca . 3 Ma. manussarahasseyyakani. @evamuparipi.--------------------------------------------------------------------------------------------- page90.
Tatharupehi senasanehi samsaggam vannayamiti. {58.11} Evam vutte ayasma mahamoggallano bhagavantam etadavoca kittavata nu kho bhante bhikkhu sankhittena tanhasankhayavimutto hoti accantanittho accantayogakkhemi accantabrahmacari accantapariyosano settho devamanussananti. {58.12} Idha moggallana bhikkhuno sutam hoti sabbe dhamma nalam abhinivesayati evancetam moggallana bhikkhuno sutam hoti sabbe dhamma nalam abhinivesayati so sabbam dhammam abhijanati sabbam dhammam abhinnaya sabbam dhammam parijanati sabbam dhammam parinnaya yankinci vedanam vediyati sukham va dukkham va adukkhamasukham va so tasu vedanasu aniccanupassi viharati viraganupassi viharati nirodhanupassi viharati patinissagganupassi viharati so tasu vedanasu aniccanupassi viharanto viraganupassi viharanto nirodhanupassi viharanto patinissagganupassi viharanto na ca 1- kinci loke upadiyati anupadiyam na paritassati aparitassam paccattanneva parinibbayati khina jati vusitam brahmacariyam katam karaniyam naparam itthattayati pajanati ettavata kho moggallana bhikkhu sankhittena tanhasankhayavimutto hoti accantanittho accantayogakkhemi accantabrahmacari accantapariyosano settho devamanussananti.The Pali Tipitaka in Roman Character Volume 23 page 87-90. https://84000.org/tipitaka/read/roman_read.php?B=23&A=1845&modeTY=2&pagebreak=1 Compare with The Pali Tipitaka in Thai Character :- https://84000.org/tipitaka/read/pali_read.php?B=23&A=1845&modeTY=2&pagebreak=1 Compare with The Royal Version of Thai Tipitaka :- https://84000.org/tipitaka/read/byitem.php?book=23&item=58&items=1 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=23&siri=58 Study Atthakatha :- https://84000.org/tipitaka/attha/attha.php?b=23&i=58 The Pali Atthakatha in Thai :- https://84000.org/tipitaka/atthapali/read_th.php?B=16&A=4283 The Pali Atthakatha in Roman :- https://84000.org/tipitaka/atthapali/read_rm.php?B=16&A=4283 Contents of The Tipitaka Volume 23 https://84000.org/tipitaka/read/?index_23 https://84000.org/tipitaka/english/?index_23
      |
|
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ [email protected]