|
|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |
|
| |
|
|
TIPITAKA Volume 23 : PALI ROMAN Sutta Pitaka Vol 15 : Sutta. Aṅ. (4): sattaka-aṭṭhaka-navakanipātā
[67] Athakho ayasmato sariputtassa rahogatassa patisallinassa evam cetaso parivitakko udapadi kinnu no bhikkhu sakkatva garukatva upanissaya viharanto akusalam pajaheyya kusalam bhaveyyati . Athakho ayasmato sariputtassa etadahosi sattharam kho bhikkhu sakkatva garukatva upanissaya viharanto akusalam pajaheyya kusalam bhaveyya dhammam kho ... Sangham kho ... Sikkham kho ... Samadhim kho ... Appamadam kho ... Patisantharam kho bhikkhu sakkatva garukatva upanissaya viharanto akusalam pajaheyya kusalam bhaveyyati. {67.1} Athakho ayasmato sariputtassa etadahosi ime kho me dhamma parisuddha pariyodata yannunaham ime dhamme gantva bhagavato aroceyyam evam me ime dhamma parisuddha ceva bhavissanti parisuddhasankhatatara ca seyyathapi nama puriso suvannanikkham adhigaccheyya parisuddham pariyodatam tassa evamassa ayam kho me suvannanikkho parisuddho pariyodato yannunaham imam suvannanikkham gantva kammaranam dasseyyam evam me ayam suvannanikkho sakammaragato parisuddho ceva bhavissati parisuddhasankhatataro cati evameva evam me ime dhamma parisuddha pariyodata yannunaham ime dhamme gantva bhagavato aroceyyam evam me ime dhamma parisuddha ceva bhavissanti parisuddhasankhatatara cati . athakho ayasma sariputto sayanhasamayam patisallana vutthito--------------------------------------------------------------------------------------------- page122.
Yena bhagava tenupasankami upasankamitva bhagavantam abhivadetva ekamantam nisidi ekamantam nisinno kho ayasma sariputto bhagavantam etadavoca idha mayham bhante rahogatassa patisallinassa evam cetaso parivitakko udapadi kinnu kho bhikkhu sakkatva garukatva upanissaya viharanto akusalam pajaheyya kusalam bhaveyyati athakho tassa mayham bhante etadahosi sattharam kho bhikkhu sakkatva garukatva upanissaya viharanto akusalam pajaheyya kusalam bhaveyya dhammam kho ... Sangham kho ... Sikkham kho ... Samadhim kho ... Appamadam kho ... Patisantharam kho bhikkhu sakkatva garukatva upanissaya viharanto akusalam pajaheyya kusalam bhaveyyati {67.2} athakho tassa mayham bhante etadahosi ime kho me dhamma parisuddha pariyodata yannunaham ime dhamme gantva bhagavato aroceyyam evam me ime dhamma parisuddha ceva bhavissanti parisuddhasankhatatara ca seyyathapi nama puriso suvannanikkham adhigaccheyya parisuddham pariyodatam tassa evamassa ayam kho me suvannanikkho parisuddho pariyodato yannunaham imam suvannanikkham gantva kammaranam dasseyyam evam me ayam suvannanikkho sakammaragato parisuddho ceva bhavissati parisuddhasankhatataro cati evameva evam me ime dhamma parisuddha pariyodata yannunaham ime dhamme gantva bhagavato aroceyyam evam me ime dhamma parisuddha ceva bhavissanti parisuddhasankhatatara cati . sadhu sadhu--------------------------------------------------------------------------------------------- page123.
Sariputta sattharam kho sariputta bhikkhu sakkatva garukatva upanissaya viharanto akusalam pajaheyya kusalam bhaveyya dhammam kho ... Sangham kho ... Sikkham kho ... Samadhim kho ... Appamadam kho ... Patisantharam kho sariputta bhikkhu sakkatva garukatva upanissaya viharanto akusalam pajaheyya kusalam bhaveyyati. {67.3} Evam vutte ayasma sariputto bhagavantam etadavoca imassa kho aham bhante bhagavata sankhittena bhasitassa evam vittharena attham ajanami so vata bhante bhikkhu satthari agaravo dhamme sagaravo bhavissatiti netam thanam vijjati yo so bhante bhikkhu satthari agaravo dhammepi so agaravo {67.4} so vata bhante bhikkhu satthari agaravo dhamme agaravo sanghe sagaravo bhavissatiti netam thanam vijjati yo so bhante bhikkhu satthari agaravo dhamme agaravo sanghepi so agaravo {67.5} so vata bhante bhikkhu satthari agaravo dhamme agaravo sanghe agaravo sikkhaya sagaravo bhavissatiti netam thanam vijjati yo so bhante bhikkhu satthari agaravo dhamme agaravo sanghe agaravo sikkhayapi so agaravo {67.6} so vata bhante bhikkhu satthari agaravo dhamme agaravo sanghe agaravo sikkhaya agaravo samadhismim sagaravo bhavissatiti netam thanam vijjati yo so bhante bhikkhu satthari agaravo dhamme agaravo sanghe agaravo sikkhaya agaravo samadhismimpi so agaravo {67.7} so vata bhante bhikkhu satthari agaravo dhamme agaravo sanghe--------------------------------------------------------------------------------------------- page124.
Agaravo sikkhaya agaravo samadhismim agaravo appamade sagaravo bhavissatiti netam thanam vijjati yo so bhante bhikkhu satthari agaravo dhamme agaravo sanghe agaravo sikkhaya agaravo samadhismim agaravo appamadepi so agaravo {67.8} so vata bhante bhikkhu satthari agaravo dhamme agaravo sanghe agaravo sikkhaya agaravo samadhismim agaravo appamade agaravo patisanthare sagaravo bhavissatiti netam thanam vijjati yo so bhante bhikkhu satthari agaravo dhamme agaravo sanghe agaravo sikkhaya agaravo samadhismim agaravo appamade agaravo patisantharepi so agaravo. {67.9} So vata bhante bhikkhu satthari sagaravo dhamme agaravo bhavissatiti netam thanam vijjati yo so bhante bhikkhu satthari sagaravo dhammepi so sagaravo {67.10} so vata bhante bhikkhu satthari sagaravo dhamme sagaravo sanghe agaravo bhavissatiti netam thanam vijjati yo so bhante bhikkhu satthari sagaravo dhamme sagaravo sanghepi so sagaravo {67.11} so vata bhante bhikkhu satthari sagaravo dhamme sagaravo sanghe sagaravo sikkhaya agaravo bhavissatiti netam thanam vijjati yo so bhante bhikkhu satthari sagaravo dhamme sagaravo sanghe sagaravo sikkhayapi so sagaravo {67.12} so vata bhante bhikkhu satthari sagaravo dhamme sagaravo sanghe sagaravo sikkhaya sagaravo samadhismim agaravo bhavissatiti netam thanam vijjati yo so bhante bhikkhu satthari sagaravo dhamme sagaravo sanghe sagaravo sikkhaya--------------------------------------------------------------------------------------------- page125.
Sagaravo samadhismimpi so sagaravo {67.13} so vata bhante bhikkhu satthari sagaravo dhamme sagaravo sanghe sagaravo sikkhaya sagaravo samadhismim sagaravo appamade agaravo bhavissatiti netam thanam vijjati yo so bhante bhikkhu satthari sagaravo dhamme sagaravo sanghe sagaravo sikkhaya sagaravo samadhismim sagaravo appamadepi so sagaravo {67.14} so vata bhante bhikkhu satthari sagaravo dhamme sagaravo sanghe sagaravo sikkhaya sagaravo samadhismim sagaravo appamade sagaravo patisanthare agaravo bhavissatiti netam thanam vijjati yo so bhante bhikkhu satthari sagaravo dhamme sagaravo sanghe sagaravo sikkhaya sagaravo samadhismim sagaravo appamade sagaravo patisantharepi so sagaravo 1- imassa kho aham bhante bhagavata sankhittena bhasitassa evam vittharena attham ajanamiti. {67.15} Sadhu sadhu sariputta sadhu kho tvam sariputta imassa maya sankhittena bhasitassa evam vittharena attham ajanasi so vata sariputta bhikkhu satthari agaravo dhamme sagaravo bhavissatiti netam thanam vijjati yo so sariputta bhikkhu satthari agaravo dhammepi so agaravo .pe. so vata sariputta bhikkhu satthari agaravo dhamme agaravo sanghe agaravo sikkhaya agaravo samadhismim agaravo appamade agaravo patisanthare sagaravo bhavissatiti netam thanam vijjati yo so sariputta bhikkhu satthari agaravo dhamme agaravo sanghe agaravo @Footnote: 1 Ma. sagaravoti.--------------------------------------------------------------------------------------------- page126.
Sikkhaya agaravo samadhismim agaravo appamade agaravo patisantharepi so agaravo so vata sariputta bhikkhu satthari sagaravo dhamme agaravo bhavissatiti netam thanam vijjati yo so sariputta satthari sagaravo dhammepi so sagaravo .pe. so vata sariputta bhikkhu satthari sagaravo dhamme sagaravo sanghe sagaravo sikkhaya sagaravo samadhismim sagaravo appamade sagaravo patisanthare agaravo bhavissatiti netam thanam vijjati yo so sariputta bhikkhu satthari sagaravo dhamme sagaravo sanghe sagaravo sikkhaya sagaravo samadhismim sagaravo appamade sagaravo patisantharepi so sagaravo 1- imassa kho sariputta maya sankhittena bhasitassa evam vittharena attho datthabboti.The Pali Tipitaka in Roman Character Volume 23 page 121-126. https://84000.org/tipitaka/read/roman_read.php?B=23&A=2587&modeTY=2&pagebreak=1 Compare with The Pali Tipitaka in Thai Character :- https://84000.org/tipitaka/read/pali_read.php?B=23&A=2587&modeTY=2&pagebreak=1 Compare with The Royal Version of Thai Tipitaka :- https://84000.org/tipitaka/read/byitem.php?book=23&item=67&items=1 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=23&siri=67 Study Atthakatha :- https://84000.org/tipitaka/attha/attha.php?b=23&i=67 The Pali Atthakatha in Thai :- https://84000.org/tipitaka/atthapali/read_th.php?B=16&A=4582 The Pali Atthakatha in Roman :- https://84000.org/tipitaka/atthapali/read_rm.php?B=16&A=4582 Contents of The Tipitaka Volume 23 https://84000.org/tipitaka/read/?index_23 https://84000.org/tipitaka/english/?index_23
      |
|
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ [email protected]