|
|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |
|
| |
|
|
TIPITAKA Volume 23 : PALI ROMAN Sutta Pitaka Vol 15 : Sutta. Aṅ. (4): sattaka-aṭṭhaka-navakanipātā
[171] 81 Ekam samayam bhagava nadike viharati ginjakavasathe. @Footnote: 1 Ma. yo ca khvayam . 2 Ma. tikkham.--------------------------------------------------------------------------------------------- page331.
Tatra kho bhagava bhikkhu amantesi .pe. maranassati bhikkhave bhavita bahulikata mahapphala hoti mahanisamsa amatogadha amatapariyosana katham bhavita ca bhikkhave maranassati katham bahulikata mahapphala hoti mahanisamsa amatogadha amatapariyosana idha bhikkhave bhikkhu divase nikkhante rattiya patihitaya iti patisancikkhati bahuka kho me paccaya maranassa ahi va mam damseyya vicchika va mam damseyya satapadi va mam damseyya tena me assa kalakiriya so mamassantarayo upakkhalitva va papateyyam bhattam va me bhuttam byapajjeyya pittam va me kuppeyya semham va me kuppeyya satthaka va me vata kuppeyyum manussa va mam upakkameyyum amanussa va mam upakkameyyum tena me assa kalakiriya so mamassantarayoti tena bhikkhave bhikkhuna iti patisancikkhitabbam atthi nu kho me papaka akusala dhamma appahina ye me assu rattim kalam karontassa antarayayati {171.1} sace bhikkhave bhikkhu paccavekkhamano evam janati atthi me papaka akusala dhamma appahina ye me assu rattim kalam karontassa antarayayati tena bhikkhave bhikkhuna tesanneva papakanam akusalanam dhammanam pahanaya adhimatto chando ca vayamo ca ussaho ca ussolhi ca appativani ca sati ca sampajannanca karaniyam seyyathapi bhikkhave adittacelo va adittasiso va tasseva celassa va sisassa va nibbapanaya adhimattam chandanca vayamanca ussahanca--------------------------------------------------------------------------------------------- page332.
Ussolhinca appativaninca satinca sampajannanca kareyya evameva kho bhikkhave tena bhikkhuna tesanneva papakanam akusalanam dhammanam pahanaya adhimatto chando ca vayamo ca ussaho ca ussolhi ca appativani ca sati ca sampajannanca karaniyam {171.2} sace pana bhikkhave bhikkhu paccavekkhamano evam janati natthi me papaka akusala dhamma appahina ye me assu rattim kalam karontassa antarayayati tena bhikkhave bhikkhuna teneva pitipamojjena vihatabbam ahorattanusikkhina kusalesu dhammesu. {171.3} Idha pana bhikkhave bhikkhu rattiya nikkhantaya divase patihite iti patisancikkhati bahuka kho me paccaya maranassa ahi va mam damseyya vicchika va mam damseyya satapadi va mam damseyya tena me assa kalakiriya so mamassantarayo upakkhalitva va papateyyam bhattam va me bhuttam byapajjeyya pittam va me kuppeyya semham va me kuppeyya satthaka va me vata kuppeyyum manussa va mam upakkameyyum amanussa va mam upakkameyyum tena me assa kalakiriya so mamassantarayoti tena bhikkhave bhikkhuna iti patisancikkhitabbam atthi nu kho me papaka akusala dhamma appahina ye me assu diva kalam karontassa antarayayati sace bhikkhave bhikkhu paccavekkhamano evam janati atthi me papaka akusala dhamma appahina ye me assu diva kalam karontassa--------------------------------------------------------------------------------------------- page333.
Antarayayati tena bhikkhave bhikkhuna tesanneva papakanam akusalanam dhammanam pahanaya adhimatto chando ca vayamo ca ussaho ca ussolhi ca appativani ca sati ca sampajannanca karaniyam seyyathapi bhikkhave adittacelo va adittasiso va tasseva celassa va sisassa va nibbapanaya adhimattam chandanca vayamanca ussahanca ussolhinca appativaninca satinca sampajannanca kareyya evameva kho bhikkhave tena bhikkhuna tesanneva papakanam akusalanam dhammanam pahanaya adhimatto chando ca vayamo ca ussaho ca ussolhi ca appativani ca sati ca sampajannanca karaniyam {171.4} sace pana bhikkhave bhikkhu paccavekkhamano evam janati natthi me papaka akusala dhamma appahina ye me assu diva kalam karontassa antarayayati tena bhikkhave bhikkhuna teneva pitipamujjena vihatabbam ahorattanusikkhina kusalesu dhammesu evam bhavita kho bhikkhave maranassati evam bahulikata mahapphala hoti mahanisamsa amatogadha amatapariyosanati.The Pali Tipitaka in Roman Character Volume 23 page 330-333. https://84000.org/tipitaka/read/roman_read.php?B=23&A=7030&modeTY=2&pagebreak=1 Compare with The Pali Tipitaka in Thai Character :- https://84000.org/tipitaka/read/pali_read.php?B=23&A=7030&modeTY=2&pagebreak=1 Compare with The Royal Version of Thai Tipitaka :- https://84000.org/tipitaka/read/byitem.php?book=23&item=171&items=1 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=23&siri=147 Study Atthakatha :- https://84000.org/tipitaka/attha/attha.php?b=23&i=171 The Pali Atthakatha in Thai :- https://84000.org/tipitaka/atthapali/read_th.php?B=16&A=6307 The Pali Atthakatha in Roman :- https://84000.org/tipitaka/atthapali/read_rm.php?B=16&A=6307 Contents of The Tipitaka Volume 23 https://84000.org/tipitaka/read/?index_23 https://84000.org/tipitaka/english/?index_23
      |
|
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ [email protected]