|
|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |
|
| |
|
|
TIPITAKA Volume 23 : PALI ROMAN Sutta Pitaka Vol 15 : Sutta. Aṅ. (4): sattaka-aṭṭhaka-navakanipātā
[193] 103 Ekam samayam bhagava kosambisu 2- carikam caramano mahata @Footnote: 1 Ma. sucimata . 2 Ma. Yu. kosalesu.--------------------------------------------------------------------------------------------- page353.
Bhikkhusanghena saddhim yena icchanangalam nama kosalanam brahmanagamo tadavasari tatra sudam bhagava icchanangale viharati icchanangalavanasande. {193.1} Assosum kho icchanangalaka brahmanagahapatika samano khalu bho gotamo sakyaputto sakyakula pabbajito icchanangalam anuppatto icchanangale viharati icchanangalavanasande tam kho pana bhavantam gotamam evamkalyano kittisaddo abbhuggato itipi so bhagava araham sammasambuddho .pe. sadhu kho pana tatharupanam arahatam dassanam hotiti athakho icchanangalaka brahmanagahapatika tassa rattiya accayena pahutam khadaniyam bhojaniyam adaya yena icchanangalavanasando tenupasankamimsu upasankamitva bahidvarakotthake atthamsu uccasadda mahasadda. {193.2} Tena kho pana samayena ayasma nagito bhagavato upatthako hoti . athakho bhagava ayasmantam nagitam amantesi ke pana te nagita uccasadda mahasadda kevatta manne maccham vilopentiti 1- . Ete bhante icchanangalaka brahmanagahapatika pahutam khadaniyam bhojaniyam adaya bahidvarakotthake thita bhagavantanceva uddissa bhikkhusanghancati . ma 2- tvam nagita yasena samagama 3- ma ca maya yaso yo kho nagita na yimassa nekkhammasukhassa pavivekasukhassa upasamasukhassa sambodhasukhassa nikamalabhi assa akicchalabhi akasiralabhi yassaham nekkhammasukhassa .pe. nikamalabhi assam 4- akicchalabhi akasiralabhi @Footnote: 1 Ma. macchavilopeti. 2 Ma. maham. 3 Ma. samagamam. 4 Ma. ayam patho natthi. @evamuparipi.--------------------------------------------------------------------------------------------- page354.
So tam milhasukham middhasukham labhasakkarasilokasukham sadiyeyyati . Adhivasetu dani bhante bhagava adhivasetu sugato adhivasanakalodani bhante bhagavato yena yenapi dani bhante bhagava gamissati tanninna ca 1- bhavissanti brahmanagahapatika negama ceva janapada ca seyyathapi bhante thullaphusitake deve vassante yathaninnam udakani pavattanti evameva kho bhante yena yenapi dani bhagava gamissati tanninna ca 1- bhavissanti brahmanagahapatika negama ceva janapada ca tam kissa hetu tatha hi bhante bhagavato silapannananti ma 2- tvam nagita yasena samagama 3- ma ca maya yaso yo kho nagita na yimassa nekkhammasukhassa .pe. nikamalabhi assa .pe. yassaham nekkhammasukhassa .pe. sambodhasukhassa nikamalabhi assam .pe. so tam milhasukham middhasukham labhasakkarasilokasukham sadiyeyya . devatapi kho nagita ekacca nayimassa nekkhammasukhassa .pe. nikamalabhiniyo assu akicchalabhiniyo akasiralabhiniyo yassaham nekkhammasukhassa .pe. Nikamalabhi assam akicchalabhi akasiralabhi tumhakampi kho nagita samgamma samagamma sanganikaviharam anuyuttanam viharatam evam hoti naha nuname ayasmanto imassa nekkhammasukhassa .pe. nikamalabhino assu akicchalabhino akasiralabhino yassaham nekkhammasukhassa .pe. Nikamalabhi assam akicchalabhi akasiralabhi tatha hi paname ayasmanto samgamma samagamma sanganikaviharam anuyutta viharanti. @Footnote: 1 Ma. - va . 2 Ma. maham . 3 Ma. samagamam.--------------------------------------------------------------------------------------------- page355.
{193.3} Idhaham nagita bhikkhu passami annamannam angulipatodakena 1- sanjagghante samkilante tassa mayham nagita evam hoti naha nuname ayasmanto imassa nekkhammasukhassa .pe. nikamalabhino assu akicchalabhino akasiralabhino yassaham nekkhammasukhassa .pe. Nikamalabhi assam .pe. tatha hi paname ayasmanto annamannam angulipatodakena 1- sanjagghanti samkilanti. {193.4} Idha panaham nagita bhikkhu passami yavadattham udaravadehakam bhunjitva seyyasukham passasukham middhasukham anuyutte viharante tassa mayham nagita evam hoti naha nuname ayasmanto imassa nekkhammasukhassa .pe. Nikamalabhino assu akicchalabhino akasiralabhino yassaham nekkhammasukhassa .pe. nikamalabhi assam .pe. tatha hi paname ayasmanto yavadattham udaravadehakam bhunjitva seyyasukham passasukham middhasukham anuyutta viharanti. {193.5} Idhaham nagita bhikkhum passami gamantavihare 2- samahitam nisinnam tassa mayham nagita evam hoti idani imam ayasmantam aramiko va upatthahissati samanuddeso va tam tamha samadhimha gamissatiti tenaham nagita tassa bhikkhuno na attamano homi gamantaviharena. {193.6} Idha panaham nagita bhikkhum passami aranne capalayamanam nisinnam tassa mayham nagita evam hoti idani ayamayasma imam niddakilamatham pativinodetva arannasannamyeva manasikarissati @Footnote: 1 Si. Yu. angulipatodakehi . 2 Ma. gamantaraviharim.--------------------------------------------------------------------------------------------- page356.
Ettakanti tenaham nagita tassa bhikkhuno attamano homi arannaviharena. {193.7} Idha panaham nagita bhikkhum passami arannakam aranne asamahitam nisinnam tassa mayham nagita evam hoti idani ayamayasma asamahitam va cittam samadahissati samahitam va cittam anurakkhissatiti tenaham nagita tassa bhikkhuno attamano homi arannaviharena. {193.8} Idha panaham nagita bhikkhum passami arannakam aranne samahitam nisinnam tassa mayham nagita evam hoti idani ayamayasma avimuttam va cittam vimuncissati vimuttam va cittam anurakkhissatiti tenaham nagita tassa bhikkhuno attamano homi arannaviharena. {193.9} Idha panaham nagita bhikkhum passami gamantaviharim labhim civarapindapatasenasanagilanapaccayabhesajjaparikkharanam . so tam labhasakkarasilokam nikkamayamano rincati patisallanam rincati arannavanapatthani pantani senasanani gamanigamarajadhanim osaritva vasam kappeti . tenaham nagita tassa bhikkhuno na attamano homi gamantaviharena. {193.10} Idha panaham nagita bhikkhum passami arannakam labhim civarapindapatasenasanagilanapaccayabhesajjaparikkharanam . so tam labhasakkarasilokam patipanametva na rincati patisallanam na rincati arannavanapatthani pantani senasanani . tenaham nagita tassa bhikkhuno attamano homi arannaviharena.--------------------------------------------------------------------------------------------- page357.
{193.11} Yasmaham nagita samaye addhanamaggapatipanno na kinci passami purato va pacchato va phasu me nagita tasmim samaye hoti antamaso uccarapassavakammassati.The Pali Tipitaka in Roman Character Volume 23 page 352-357. https://84000.org/tipitaka/read/roman_read.php?B=23&A=7483&modeTY=2&pagebreak=1 Compare with The Pali Tipitaka in Thai Character :- https://84000.org/tipitaka/read/pali_read.php?B=23&A=7483&modeTY=2&pagebreak=1 Compare with The Royal Version of Thai Tipitaka :- https://84000.org/tipitaka/read/byitem.php?book=23&item=193&items=1 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=23&siri=159 Study Atthakatha :- https://84000.org/tipitaka/attha/attha.php?b=23&i=193 The Pali Atthakatha in Thai :- https://84000.org/tipitaka/atthapali/read_th.php?B=16&A=6362 The Pali Atthakatha in Roman :- https://84000.org/tipitaka/atthapali/read_rm.php?B=16&A=6362 Contents of The Tipitaka Volume 23 https://84000.org/tipitaka/read/?index_23 https://84000.org/tipitaka/english/?index_23
      |
|
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ [email protected]