PaliRoman Vol.23

[39] Athakho ayasma sariputto pubbanhasamayam nivasetva pattacivaramadaya savatthim pindaya pavisi . athakho ayasmato sariputtassa etadahosi atippago kho tava savatthiyam pindaya caritum yannunaham yena annatitthiyanam paribbajakanam aramo tenupasankameyyanti . athakho ayasma sariputto yena annatitthiyanam paribbajakanam aramo tenupasankami upasankamitva tehi annatitthiyehi paribbajakehi saddhim sammodi sammodaniyam katham saraniyam vitisaretva ekamantam nisidi . tena kho pana samayena tesam annatitthiyanam paribbajakanam sannisinnanam sannipatitanam ayamantarakatha udapadi yo hi koci avuso dvadasa vassani paripunnam parisuddham brahmacariyam carati niddaso bhikkhuti alam vacanayati . Athakho ayasma sariputto tesam annatitthiyanam paribbajakanam bhasitam neva abhinandi nappatikkosi anabhinanditva appatikkositva utthayasana pakkami bhagavato santike etassa bhasitassa attham ajanissamiti. {39.1} Athakho ayasma sariputto savatthiyam pindaya caritva pacchabhattam pindapatapatikkanto yena bhagava tenupasankami upasankamitva bhagavantam abhivadetva ekamantam nisidi ekamantam nisinno kho ayasma sariputto bhagavantam etadavoca idhaham bhante pubbanhasamayam

--------------------------------------------------------------------------------------------- page37.

Nivasetva pattacivaramadaya savatthim pindaya pavisim tassa mayham bhante etadahosi atippago kho tava savatthiyam pindaya caritum yannunaham yena annatitthiyanam paribbajakanam aramo tenupasankameyyanti athakhvaham bhante yena annatitthiyanam paribbajakanam aramo tenupasankamim upasankamitva tehi annatitthiyehi paribbajakehi saddhim sammodim sammodaniyam katham saraniyam vitisaretva ekamantam nisidim tena kho pana bhante samayena tesam annatitthiyanam paribbajakanam sannisinnanam sannipatitanam ayamantarakatha udapadi yo hi koci avuso dvadasa vassani paripunnam parisuddham brahmacariyam carati niddaso bhikkhuti alam vacanayati athakhvaham bhante tesam annatitthiyanam paribbajakanam bhasitam neva abhinandim nappatikkosim anabhinanditva appatikkositva utthayasana pakkamim ^1- bhagavato santike etassa bhasitassa ^2- attham ajanissamiti sakka nu kho bhante imasmim dhammavinaye kevalam vassagananamattena niddaso bhikkhu pannapetunti. {39.2} Na kho sariputta sakka imasmim dhammavinaye kevalam vassagananamattena niddaso bhikkhu pannapetum satta kho imani sariputta niddasavatthuni maya sayam abhinna sacchikatva paveditani katamani satta idha sariputta bhikkhu sikkhasamadane tibbacchando hoti ayatinca sikkhasamadane adhigatapemo ^3- dhammanisantiya tibbacchando hoti ayatinca @Footnote: ¹ Ma. pakkamim . ² Ma. ayam patho natthi . ³ Ma. avigatapemo. evamuparipi.

--------------------------------------------------------------------------------------------- page38.

Dhammanisantiya adhigatapemo icchavinaye tibbacchando hoti ayatinca icchavinaye adhigatapemo patisallane tibbacchando hoti ayatinca patisallane adhigatapemo viriyarambhe tibbacchando hoti ayatinca viriyarambhe adhigatapemo satinepakke tibbacchando hoti ayatinca satinepakke adhigatapemo ditthipativedhe tibbacchando hoti ayatinca ditthipativedhe adhigatapemo imani kho sariputta satta niddasavatthuni maya sayam abhinna sacchikatva paveditani imehi kho sariputta sattahi niddasavatthuhi samannagato bhikkhu dvadasa ^[1]- vassani paripunnam parisuddham brahmacariyam carati niddaso bhikkhuti alam vacanaya catuvisati cepi vassani paripunnam parisuddham brahmacariyam carati niddaso bhikkhuti alam vacanaya chattimsati cepi vassani paripunnam parisuddham brahmacariyam carati niddaso bhikkhuti alam vacanaya atthacattalisancepi vassani paripunnam parisuddham brahmacariyam carati niddaso bhikkhuti alam vacanayati.

The Pali Tipitaka in Roman Character Volume 23 page 36-38. https://84000.org/tipitaka/read/roman_read.php?B=23&A=754&modeTY=2&pagebreak=1 Compare with The Pali Tipitaka in Thai Character :- https://84000.org/tipitaka/read/pali_read.php?B=23&A=754&modeTY=2&pagebreak=1 Compare with The Royal Version of Thai Tipitaka :- https://84000.org/tipitaka/read/byitem.php?book=23&item=39&items=1 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=23&siri=39 Study Atthakatha :- https://84000.org/tipitaka/attha/attha.php?b=23&i=39 Contents of The Tipitaka Volume 23 https://84000.org/tipitaka/read/?index_23 https://84000.org/tipitaka/english/?index_23