|
|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |
|
| |
|
|
TIPITAKA Volume 23 : PALI ROMAN Sutta Pitaka Vol 15 : Sutta. Aṅ. (4): sattaka-aṭṭhaka-navakanipātā
[210] 6 Tatra kho ayasma sariputto bhikkhu amantesi .pe. ayasma sariputto etadavoca puggalopi avuso duvidhena veditabbo sevitabbopi asevitabbopi civarampi avuso duvidhena veditabbam sevitabbampi asevitabbampi pindapatopi avuso duvidhena veditabbo sevitabbopi asevitabbopi senasanampi avuso duvidhena veditabbam sevitabbampi asevitabbampi gamanigamopi avuso duvidhena veditabbo sevitabbopi asevitabbopi janapadapadesopi avuso duvidhena veditabbo sevitabbopi asevitabbopi. {210.1} Puggalopi avuso duvidhena veditabbo sevitabbopi asevitabbopiti iti kho panetam vuttam kincetam paticca vuttam tattha yam janna puggalam imam kho me puggalam sevato akusala dhamma abhivaddhanti kusala dhamma parihayanti ye ca khome pabbajitena jivitaparikkhara samudanetabba civarapindapatasenasanagilanapaccayabhesajjaparikkhara te ca kasirena samudaharanti 1- yassa camhi atthaya agarasma anagariyam pabbajito so ca me samannattho na bhavanaparipurim gacchatiti tenavuso puggalena so puggalo sankhapi rattibhagam va divasabhagam va anapuccha pakkamitabbam nanubandhitabbo tattha yam janna puggalam imam kho me puggalam sevato akusala dhamma abhivaddhanti kusala dhamma parihayanti ye ca khome pabbajitena jivitaparikkhara samudanetabba civarapindapatasenasanagilanapaccayabhesajjaparikkhara @Footnote: 1 Ma. samudagacchanti. evamuparipi.--------------------------------------------------------------------------------------------- page380.
Te ca appakasirena samudaharanti yassa camhi atthaya agarasma anagariyam pabbajito so ca me samannattho na bhavanaparipurim gacchatiti tenavuso puggalena so puggalo sankhapi anapuccha pakkamitabbam nanubandhitabbo tattha yam janna puggalam imam kho me puggalam sevato akusala dhamma parihayanti kusala dhamma abhivaddhanti ye ca khome pabbajitena jivitaparikkhara samudanetabba civarapindapatasenasanagilanapaccaya- bhesajjaparikkhara te ca kasirena samudaharanti yassa camhi atthaya agarasma anagariyam pabbajito so ca me samannattho bhavanaparipurim gacchatiti {210.2} tenavuso puggalena so puggalo sankhapi anubandhitabbo na pakkamitabbam tattha yam janna puggalam imam kho me puggalam sevato akusala dhamma parihayanti kusala dhamma abhivaddhanti ye ca khome pabbajitena jivitaparikkhara samudanetabba civarapindapatasenasana- gilanapaccayabhesajjaparikkhara te ca appakasirena samudaharanti yassa camhi atthaya agarasma anagariyam pabbajito so ca me samannattho bhavanaparipurim gacchatiti tenavuso puggalena so puggalo yavajivam anubandhitabbo na pakkamitabbam api panujjamanena puggalopi avuso duvidhena veditabbo sevitabbopi asevitabbopiti iti yantam vuttam idametam paticca vuttam. Civarampi avuso duvidhena veditabbam sevitabbampi asevitabbampiti--------------------------------------------------------------------------------------------- page381.
Iti kho panetam vuttam kincetam paticca vuttam tattha yam janna civaram idam kho me civaram sevato akusala dhamma abhivaddhanti kusala dhamma parihayantiti evarupam civaram na sevitabbam tattha yam janna civaram idam kho me civaram sevato akusala dhamma parihayanti kusala dhamma abhivaddhantiti evarupam civaram sevitabbam civarampi avuso duvidhena veditabbam sevitabbampi asevitabbampiti iti yantam vuttam idametam paticca vuttam. {210.3} Pindapatopi avuso duvidhena veditabbo sevitabbopi asevitabbopiti iti kho panetam vuttam kincetam paticca vuttam tattha yam janna pindapatam imam kho me pindapatam sevato akusala dhamma abhivaddhanti kusala dhamma parihayantiti evarupo pindapato na sevitabbo tattha yam janna pindapatam imam kho me pindapatam sevato akusala dhamma parihayanti kusala dhamma abhivaddhantiti evarupo pindapato sevitabbo pindapatopi avuso duvidhena veditabbo sevitabbopi asevitabbopiti iti yantam vuttam idametam paticca vuttam. {210.4} Senasanampi avuso duvidhena veditabbam sevitabbampi asevitabbampiti iti kho panetam vuttam kincetam paticca vuttam tattha yam janna senasanam idam kho me senasanam sevato akusala dhamma abhivaddhanti kusala dhamma parihayantiti evarupam senasanam--------------------------------------------------------------------------------------------- page382.
Na sevitabbam tattha yam janna senasanam idam kho me senasanam sevato akusala dhamma parihayanti kusala dhamma abhivaddhantiti evarupam senasanam sevitabbam senasanampi avuso duvidhena veditabbam sevitabbampi asevitabbampiti iti yantam vuttam idametam paticca vuttam. {210.5} Gamanigamopi avuso duvidhena veditabbo sevitabbopi asevitabbopiti iti kho panetam vuttam kincetam paticca vuttam tattha yam janna gamanigamam imam kho me gamanigamam sevato akusala dhamma abhivaddhanti kusala dhamma parihayantiti evarupo gamanigamo na sevitabbo tattha yam janna gamanigamam imam kho me gamanigamam sevato akusala dhamma parihayanti kusala dhamma abhivaddhantiti evarupo gamanigamo sevitabbo gamanigamopi avuso duvidhena veditabbo sevitabbopi asevitabbopiti iti yantam vuttam idametam paticca vuttam. {210.6} Janapadapadesopi avuso duvidhena veditabbo sevitabbopi asevitabbopiti iti kho panetam vuttam kincetam paticca vuttam tattha yam janna janapadapadesam imam kho me janapadapadesam sevato akusala dhamma abhivaddhanti kusala dhamma parihayantiti evarupo janapadapadeso na sevitabbo tattha yam janna janapadapadesam imam kho me janapadapadesam sevato akusala dhamma parihayanti kusala dhamma abhivaddhantiti evarupo janapadapadeso sevitabbo janapadapadesopi avuso--------------------------------------------------------------------------------------------- page383.
Duvidhena veditabbo sevitabbopi asevitabbopiti iti yantam vuttam idametam paticca vuttanti.The Pali Tipitaka in Roman Character Volume 23 page 379-383. https://84000.org/tipitaka/read/roman_read.php?B=23&A=8012&modeTY=2&pagebreak=1 Compare with The Pali Tipitaka in Thai Character :- https://84000.org/tipitaka/read/pali_read.php?B=23&A=8012&modeTY=2&pagebreak=1 Compare with The Royal Version of Thai Tipitaka :- https://84000.org/tipitaka/read/byitem.php?book=23&item=210&items=1 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=23&siri=169 Study Atthakatha :- https://84000.org/tipitaka/attha/attha.php?b=23&i=210 The Pali Atthakatha in Thai :- https://84000.org/tipitaka/atthapali/read_th.php?B=16&A=6522 The Pali Atthakatha in Roman :- https://84000.org/tipitaka/atthapali/read_rm.php?B=16&A=6522 Contents of The Tipitaka Volume 23 https://84000.org/tipitaka/read/?index_23 https://84000.org/tipitaka/english/?index_23
      |
|
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ [email protected]