PaliRoman Vol.24

[93] Ekam samayam bhagava savatthiyam viharati jetavane anathapindikassa arame . athakho anathapindiko gahapati divadivassa savatthiya nikkhami bhagavantam dassanaya athakho anathapindikassa gahapatissa etadahosi akalo kho tava bhagavantam dassanaya patisallino bhagava manobhavaniyanampi bhikkhunam akalo dassanaya patisallina manobhavaniya bhikkhu yannunaham yena annatitthiyanam paribbajakanam aramo tenupasankameyyanti {93.1} athakho anathapindiko gahapati yena annatitthiyanam paribbajakanam aramo tenupasankami . tena kho pana samayena annatitthiya paribbajaka sangamma samagamma unnadino uccasadda mahasadda ^1- anekavihitam tiracchanakatham kathenta nisinna honti addasamsu kho te annatitthiya paribbajaka anathapindikam gahapatim duratova agacchantam disvana annamannam santhapesum appasadda bhonto hontu ma bhonto saddamakattha ayam anathapindiko gahapati ^[2]- agacchati samanassa gotamassa savako yavata kho pana samanassa gotamassa savaka gihi odatavasana savatthiyam pativasanti ayam tesam annataro anathapindiko gahapati @Footnote: ¹ Ma. uccasaddamahasadda . ² Ma. aramanti dissati.

--------------------------------------------------------------------------------------------- page199.

Appasaddakama kho pana te ayasmanto appasaddavinita appasaddassa vannavadino appeva nama appasaddam parisam viditva upasankamitabbam manneyyati athakho te ^[1]- paribbajaka tunhi ahesum. {93.2} Athakho anathapindiko gahapati yena te ^[2]- paribbajaka tenupasankami upasankamitva tehi annatitthiyehi paribbajakehi saddhim sammodi sammodaniyam katham saraniyam vitisaretva ekamantam nisidi . Ekamantam nisinnam kho anathapindikam te annatitthiya paribbajaka etadavocum vadehi gahapati kimditthiko samano gotamoti . na kho aham bhante bhagavato sabbam ditthim janamiti . idani kira tvam gahapati na samanassa gotamassa sabbam ditthim janasi vadehi gahapati kimditthika bhikkhuti . bhikkhunampi kho aham bhante na sabbam ditthim janamiti. {93.3} Iti kira tvam gahapati na samanassa gotamassa sabbam ditthim janasi napi bhikkhunam sabbam ditthim janasi vadehi gahapati kimditthikosi tuvanti . etam kho bhante amhehi na dukkaram byakatum yamditthika mayanti ingha tava ayasmanto yathasakani ditthigatani byakarontu pacchapetam amhehi na dukkaram bhavissati byakatum yamditthika mayanti. {93.4} Evam vutte annataro paribbajako anathapindikam gahapatim etadavoca sassato loko idameva saccam moghamannanti evamditthiko aham gahapatiti . annataropi kho paribbajako anathapindikam gahapatim etadavoca asassato loko idameva saccam moghamannanti evamditthiko aham gahapatiti . annataropi @Footnote: ^1-2 Ma. annatitthiyati dissati.

--------------------------------------------------------------------------------------------- page200.

Kho paribbajako anathapindikam gahapatim etadavoca antava loko ... anantava loko ... Tam jivam tam sariram ... Annam jivam annam sariram ... Hoti tathagato parammarana ... na hoti tathagato parammarana ... Hoti ca na ca hoti tathagato parammarana ... Neva hoti na na hoti tathagato parammarana idameva saccam moghamannanti evamditthiko aham gahapatiti. {93.5} Evam vutte anathapindiko gahapati te paribbajake etadavoca yvayam bhante ayasma evamaha sassato loko idameva saccam moghamannanti evamditthiko aham gahapatiti imassa ayamayasmato ditthi attano va ayoniso manasikarahetu uppanna paraghosapaccaya ^1- va sa kho panesa ditthi bhuta sankhata cetayita paticcasamuppanna yam kho pana kinci bhutam sankhatam cetayitam paticcasamuppannam tadaniccam yadaniccam tam dukkham yam dukkham tadeva ^2- so ayasma allino tadeva so ayasma ajjhupagato {93.6} yopayam bhante ayasma evamaha asassato loko idameva saccam moghamannanti evamditthiko aham gahapatiti imassapi ayamayasmato ditthi attano va ayoniso manasikarahetu uppanna paraghosapaccaya va sa kho panesa ditthi bhuta sankhata cetayita paticcasamuppanna yam kho pana kinci bhutam sankhatam cetayitam paticcasamuppannam tadaniccam yadaniccam tam dukkham yam dukkham tadeva so ayasma allino tadeva so ayasma ajjhupagato yopayam bhante ayasma evamaha antava @Footnote: ¹ Po. Ma. sabbatthavaresu parato ghosapaccaya. ² Po. Ma. tadeveso.

--------------------------------------------------------------------------------------------- page201.

Loko ... anantava loko ... tam jivam tam sariram ... Annam jivam annam sariram ... Hoti tathagato parammarana ... Na hoti tathagato parammarana ... Hoti ca na ca hoti tathagato parammarana ... Neva hoti na na hoti tathagato parammarana idameva saccam moghamannanti evamditthiko aham gahapatiti imassapi ayamayasmato ditthi attano va ayoniso manasikarahetu uppanna paraghosapaccaya va sa kho panesa ditthi bhuta sankhata cetayita paticcasamuppanna yam kho pana kinci bhutam sankhatam cetayitam paticcasamuppannam tadaniccam yadaniccam tam dukkham yam dukkham tadeva so ayasma allino tadeva so ayasma ajjhupagatoti. {93.7} Evam vutte te paribbajaka anathapindikam gahapatim etadavocum byakatani kho gahapati amhehi sabbeheva yathasakani ditthigatani vadehi gahapati kimditthikosi tuvanti . yam kho pana ^1- bhante kinci bhutam sankhatam cetayitam paticcasamuppannam tadaniccam yadaniccam tam dukkham yam dukkham tam netam mama nesohamasmi na meso attati evamditthiko kho aham bhanteti . yam kho gahapati kinci bhutam sankhatam cetayitam paticcasamuppannam tadaniccam yadaniccam tam dukkham yam dukkham tadeva tvam gahapati allino tadeva tvam gahapati ajjhupagatoti. {93.8} Yam kho pana bhante kinci bhutam sankhatam cetayitam paticcasamuppannam tadaniccam yadaniccam tam dukkham yam dukkham tam netam mama nesohamasmi na meso attati evametam yathabhutam sammappannaya @Footnote: ¹ Ma. Yu. panasaddo natthi.

--------------------------------------------------------------------------------------------- page202.

Sudittham tassa ca uttarim ^1- nissaranam yathabhutam pajanamiti. {93.9} Evam vutte te paribbajaka tunhibhuta mankubhuta pattakkhandha adhomukha pajjhayanta appatibhana nisidimsu athakho anathapindiko gahapati te paribbajake tunhibhute mankubhute pattakkhandhe adhomukhe pajjhayante appatibhane viditva utthayasana yena bhagava tenupasankami upasankamitva bhagavantam abhivadetva ekamantam nisidi ekamantam nisinno kho anathapindiko gahapati yavatako ahosi tehi annatitthiyehi paribbajakehi saddhim kathasallapo tam sabbam bhagavato arocesi. Sadhu sadhu gahapati evam kho te gahapati moghapurisa kalena kalam sahadhammena suniggahitam niggahetabbati athakho bhagava anathapindikam gahapatim dhammiya kathaya sandassesi samadapesi samuttejesi sampahamsesi. {93.10} Athakho anathapindiko gahapati bhagavata dhammiya kathaya sandassito samadapito samuttejito sampahamsito utthayasana bhagavantam abhivadetva padakkhinam katva pakkami . athakho bhagava acirapakkante anathapindike gahapatimhi bhikkhu amantesi yopi kho bhikkhave bhikkhu ^2- digharattam avedhidhammo imasmim dhammavinaye sopi evamevam ^3- annatitthiye paribbajake sahadhammena suniggahitam niggaheyya ^4- yathatam anathapindikena gahapatina niggahitati.

The Pali Tipitaka in Roman Character Volume 24 page 198-202. https://84000.org/tipitaka/read/roman_read.php?B=24&A=4167&modeTY=2&pagebreak=1 Compare with The Pali Tipitaka in Thai Character :- https://84000.org/tipitaka/read/pali_read.php?B=24&A=4167&modeTY=2&pagebreak=1 Compare with The Royal Version of Thai Tipitaka :- https://84000.org/tipitaka/read/byitem.php?book=24&item=93&items=1 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=24&siri=91 Study Atthakatha :- https://84000.org/tipitaka/attha/attha.php?b=24&i=93 The Pali Atthakatha in Thai :- https://84000.org/tipitaka/atthapali/read_th.php?B=16&A=8265 The Pali Atthakatha in Roman :- https://84000.org/tipitaka/atthapali/read_rm.php?B=16&A=8265 Contents of The Tipitaka Volume 24 https://84000.org/tipitaka/read/?index_24 https://84000.org/tipitaka/english/?index_24