PaliRoman Vol.25

[79] ⁷ Evamme sutam . ekam samayam bhagava rajagahe viharati veluvane kalandakanivape . tena kho pana samayena ayasma mahakassapo pipphaliguhayam viharati sattaham ekapallankena nisinno ^[4]- @Footnote: ¹ Ma. pilindavaccha . ² Ma. samudacinno . ³ Ma. vasati . ⁴ Ma. Yu. hoti.

--------------------------------------------------------------------------------------------- page115.

Annataram samadhim samapajjitva . atha kho ayasma mahakassapo tassa sattahassa accayena tamha samadhimha vutthasi . atha kho ayasmato mahakassapassa tamha samadhimha vutthitassa etadahosi yannunaham rajagaham pindaya paviseyyanti . tena kho pana samayena pancamattani devatasatani ussukkam apannani honti ayasmato mahakassapassa pindapatapatilabhaya . atha kho ayasma mahakassapo tani pancamattani devatasatani patikakhipitva pubbanhasamayam nivasetva pattacivaramadaya rajagaham pindaya pavisi. [80] Tena kho pana samayena sakko devanamindo ayasmato mahakassapassa pindapatam datukamo hoti . pesakarakavannam ^1- abhinimminitva tantam vinati . sujata ^2- asurakanna tasaram ^3- pureti. Atha kho ayasma mahakassapo rajagahe sapadanam pindaya caramano yena sakkassa devanamindassa nivesanam tenupasankami . Addasa kho sakko devanamindo ayasmantam mahakassapam duratova agacchantam disvana ghara nikkhamitva paccuggantva hatthato pattam gahetva gharam pavisitva ghatiya odanam uddharitva pattam puretva ayasmato mahakassapassa adasi ^4- . so ahosi pindapato anekasupo anekabyanjano ^[5]- . atha kho ayasmato mahakassapassa etadahosi ko nu kho ayam satto yassayam evarupo iddhanubhavoti . Atha kho ayasmato mahakassapasseva ^6- etadahosi sakko @Footnote: ¹ Yu. pesakarivannam . ² Ma. suja . ³ Yu. vasaram . ⁴ Yu. padasi. @⁵ Ma. anekarasabyanjano. Yu. anekasuparasabyanjano . ⁶ Ma. Yu. evasaddo natthi.

--------------------------------------------------------------------------------------------- page116.

Nu ^1- kho devanamindoti iti viditva sakkam devanamindam etadavoca katam kho te idam kosiya ma punapi evarupamakasiti . amhakampi bhante kassapa punnena attho amhakampi punnena karaniyanti . Atha kho sakko devanamindo ayasmantam mahakassapam abhivadetva padakkhinam katva vehasam abbhuggantva akase antalikkhe tikkhattum udanam udanesi aho danam paramadanam kassape supatitthitam aho danam paramadanam kassape supatitthitanti. [81] Assosi kho bhagava dibbaya sotadhatuya visuddhaya atikkantamanusikaya sakkassa devanamindassa vehasam abbhuggantva akase antalikkhe tikkhattum udanam udanentassa aho danam paramadanam kassape supatitthitam aho danam paramadanam kassape supatitthitanti. Atha kho bhagava etamattham viditva tayam velayam imam udanam udanesi pindapatikassa bhikkhuno attabharassa anannaposino deva pihayanti tadino upasantassa sada satimatoti. Sattamam.

The Pali Tipitaka in Roman Character Volume 25 page 114-116. https://84000.org/tipitaka/read/roman_read.php?B=25&A=2327&modeTY=2&pagebreak=1 Compare with The Pali Tipitaka in Thai Character :- https://84000.org/tipitaka/read/pali_read.php?B=25&A=2327&modeTY=2&pagebreak=1 Compare with The Royal Version of Thai Tipitaka :- https://84000.org/tipitaka/read/byitem.php?book=25&item=79&items=3 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=25&siri=62 Study Atthakatha :- https://84000.org/tipitaka/attha/attha.php?b=25&i=79 The Pali Atthakatha in Thai :- https://84000.org/tipitaka/atthapali/read_th.php?B=26&A=4622 The Pali Atthakatha in Roman :- https://84000.org/tipitaka/atthapali/read_rm.php?B=26&A=4622 Contents of The Tipitaka Volume 25 https://84000.org/tipitaka/read/?index_25 https://84000.org/tipitaka/english/?index_25