PaliRoman Vol.27

page499.

⁵ Sambhavajatakam [2352] Rajjanca patipannasma adhipaccam sucirata mahantam ^1- pattumicchami vijetum pathavim imam. Dhammena no adhammena adhammo me na ruccati kiccova dhammo carito ranno hoti sucirata. Idha cevanindita yena pecca yena anindita yasam devamanussesu yena pappomu brahmana. Yoham atthanca dhammanca kattumicchami brahmana tam tvam atthanca dhammanca brahmanakkhahi pucchito. [2353] Nannatra vidhura raja tadakkhatumarahati yam tvam atthanca dhammanca kattumicchasi khattiya. [2354] Ehi kho pahito gaccha vidhurassa upantikam nikkhancimam ^2- suvannassa haram gaccha sucirata abhiharam imam dajja ^3- atthadhammanusitthiya. [2355] Svadhippaga bharadvajo vidhurassa upantikam tamaddasa mahabrahma asamanam sake ghare. [2356] Rannoham pahito duto korabyassa yasassino attham dhammanca pucchesi iccabravi yudhitthilo tam tvam atthanca dhammanca vidhurakkhahi pucchito. [2357] Gangam me pidahissanti na tam sakkomi brahmana @Footnote: ¹ Ma. mahattam . ² Si. nikkham ratta.... Yu. nikkhamimam . ³ Ma. dajja.

--------------------------------------------------------------------------------------------- page500.

Apidhetum mahasindhum tam katham so bhavissati na te sakkomi akkhatum attham dhammanca pucchito. Bhadrakaro ca me putto oraso mama atrajo tam tvam atthanca dhammanca gantva pucchassu brahmana. [2358] Svadhippaga bharadvajo bhadrakarassa santikam ^1- tamaddasa mahabrahma nisinnam samhi vesmani. [2359] Rannoham pahito duto korabyassa yasassino attham dhammanca pucchesi iccabravi yudhitthilo tam tvam atthanca dhammanca bhadrakara pabruhi ^2- me. [2360] Mamsakajam ^3- avahaya godham anupatamaham na te sakkomi akkhatum attham dhammanca pucchito. Sanjayo ^4- nama me bhata kanittho me sucirata tam tvam atthanca dhammanca gantva pucchassu brahmana. [2361] Svadhippaga bharadvajo sanjayassa upantikam tamaddasa mahabrahma nisinnam samhi parisati ^5-. [2362] Rannoham pahito duto korabyassa yasassino attham dhammanca pucchesi iccabravi yudhitthilo tam tvam atthanca dhammanca sanjayakkhahi pucchito. [2363] Sada mam gilate maccu sayam pato sucirata na te sakkomi akkhatum attham dhammanca pucchito. @Footnote: ¹ Ma. bhadrakarassupantikam . ² Si. Yu. bravihi . ³ Yu. mamsakacam . ⁴ Ma. @sancayo . ⁵ Ma. vesmani

--------------------------------------------------------------------------------------------- page501.

Sambhavo nama me bhata kanittho me sucirata tam tvam atthanca dhammanca gantva pucchassu brahmana. [2364] Abbhuto vata bho dhammo nayam asmaka ruccati tayo jana pitaputta te ^1- su pannaya no vidu. Na tam sakkotha akkhatum attham dhammanca pucchita katham nu daharo janna attham dhammanca pucchito. [2365] Ma nam daharoti mannasi ^2- apucchitvana sambhavam pucchitva sambhavam janna attham dhammanca brahmana. Yathapi cando vimalo gaccham akasadhatuya sabbe taragane loke abhaya atirocati. Evampi daharupeto pannayogena sambhavo ma nam daharoti mannasi apucchitvana sambhavam pucchitva sambhavam janna attham dhammanca brahmana. Yathapi rammako maso gimhanam hoti brahmana atevannehi masehi dumapupphehi sobhati. Evampi daharupeto pannayogena sambhavo ma nam daharoti mannasi apucchitvana sambhavam pucchitva sambhavam janna attham dhammanca brahmana. Yathapi himava brahme pabbato gandhamadano nanarukkhehi sanchanno mahabhutaganalayo @Footnote: ¹ Ma. tesu . ² Ma. unnasi evamuparipi.

--------------------------------------------------------------------------------------------- page502.

Osadhehi ca dibbehi disa bhati pavati ca. Evampi daharupeto pannayogena sambhavo ma nam daharoti mannasi apucchitvana sambhavam pucchitva sambhavam janna attham dhammanca brahmana. Yathapi pavako brahme accimali yasassima jalamano vane gacche ^1- analo kanhavattani. Ghatasano dhumaketu uttamahevanandaho nissive ^2- pabbataggasmim bahutejo virocati. Evampi daharupeto pannayogena sambhavo ma nam daharoti mannasi apucchitvana sambhavam pucchitva sambhavam janna attham dhammanca brahmana. Javena bhadram jananti balibaddhanca ^3- vahiye dohena dhenum jananti bhasamananca panditam. Evampi daharupeto pannayogena sambhavo ma nam daharoti mannasi apucchitvana sambhavam pucchitva sambhavam janna attham dhammanca brahmana. [2366] Svadhippaga bharadvajo sambhavassa upantikam tamaddasa mahabrahma kilamanam bahipure. [2367] Rannoham pahito duto korabyassa yasassino attham dhammanca pucchesi iccabravi yudhitthilo @Footnote: ¹ Yu. caram kacche . ² Ma. nisithe . ³ Ma. balibaddanca.

--------------------------------------------------------------------------------------------- page503.

Tam tvam atthanca dhammanca sambhavakkhahi pucchito. [2368] Taggha te ahamakkhissam yathapi kusalo tatha raja ca kho tam janati yadi kahati va na va. [2369] Ajja suveti samseyya ranna puttho sucirata ma katva avasi raja atthe jate yudhitthilo ajjhattanneva samseyya ranna puttho sucirata kummaggam na niveseyya yatha mulho acetaso. Attanam nativatteyya adhammam na samacare atitthe nappatareyya anatthe na yuto siya. Yo ca etani thanani kattum janati khattiyo sada so vaddhate raja sukkapakkheva candima. Natinanca piyo hoti mittesu ca virocati kayassa bheda sappanno saggam so upapajjatiti. Sambhavajatakam pancamam. ------------

The Pali Tipitaka in Roman Character Volume 27 page 499-503. https://84000.org/tipitaka/read/roman_read.php?B=27&A=10288&modeTY=2&pagebreak=1 Compare with The Pali Tipitaka in Thai Character :- https://84000.org/tipitaka/read/pali_read.php?B=27&A=10288&modeTY=2&pagebreak=1 Compare with The Royal Version of Thai Tipitaka :- https://84000.org/tipitaka/read/byitem.php?book=27&item=2352&items=18 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=27&siri=515 Study Atthakatha :- https://84000.org/tipitaka/attha/attha.php?b=27&i=2352 The Pali Atthakatha in Thai :- https://84000.org/tipitaka/atthapali/read_th.php?B=41&A=5256 The Pali Atthakatha in Roman :- https://84000.org/tipitaka/atthapali/read_rm.php?B=41&A=5256 Contents of The Tipitaka Volume 27 https://84000.org/tipitaka/read/?index_27 https://84000.org/tipitaka/english/?index_27