|
|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |
|
| |
|
|
TIPITAKA Volume 3 : PALI ROMAN Vinaya Pitaka Vol 3 : Vinaya. Bhikkhunī
Naggavaggassa navamasikkhapadam [249] Tena samayena buddho bhagava savatthiyam viharati jetavane anathapindikassa arame . tena kho pana samayena thullanandaya bhikkhuniya upatthakakulam thullanandam bhikkhunim etadavoca sace mayam ayye sakkoma bhikkhunisanghassa civaram dassamati . tena kho pana samayena vassam vuttha bhikkhuniyo civaram bhajetukama sannipatimsu . Thullananda bhikkhuni ta bhikkhuniyo etadavoca agametha ayye atthi bhikkhunisanghassa civarapaccasati . bhikkhuniyo thullanandam bhikkhunim etadavocum gacchayye tam civaram janahiti. {249.1} Thullananda bhikkhuni yena tam kulam tenupasankami upasankamitva te manusse etadavoca dethavuso bhikkhunisanghassa civaranti . na mayam ayye sakkoma bhikkhunisanghassa civaram datunti . Thullananda bhikkhuni bhikkhuninam etamattham arocesi . ya ta bhikkhuniyo appiccha .pe. ta ujjhayanti khiyanti vipacenti katham hi nama ayya thullananda dubbalacivarapaccasaya civarakalasamayam atikkamessatiti .pe. saccam kira bhikkhave thullananda bhikkhuni dubbalacivarapaccasaya civarakalasamayam atikkametiti 1- . saccam bhagavati . Vigarahi buddho bhagava katham hi nama bhikkhave thullananda bhikkhuni dubbalacivarapaccasaya civarakalasamayam @Footnote: 1 Ma. Yu. atikkamesiti.--------------------------------------------------------------------------------------------- page144.
Atikkamessati netam bhikkhave appasannanam va pasadaya .pe. Evanca pana bhikkhave bhikkhuniyo imam sikkhapadam uddisantu {249.2} ya pana bhikkhuni dubbalacivarapaccasaya civarakalasamayam atikkameyya pacittiyanti. [250] Ya panati ya yadisa .pe. Bhikkhuniti .pe. Ayam imasmim atthe adhippeta bhikkhuniti . dubbalacivarapaccasa nama sace mayam sakkoma dassama karissamati vaca bhinna hoti . civarakalasamayo nama anatthate kathine vassanassa pacchimo maso atthate kathine panca masa . civarakalasamayam atikkameyyati anatthate kathine vassanassa pacchimam divasam atikkameti apatti pacittiyassa . Atthate kathine kathinuddharadivasam atikkameti apatti pacittiyassa. [251] Dubbalacivare dubbalacivarasanna civarakalasamayam atikkameti apatti pacittiyassa . dubbalacivare vematika civarakalasamayam atikkameti apatti dukkatassa . dubbalacivare adubbalacivarasanna civarakalasamayam atikkameti anapatti . [1]- adubbalacivare dubbalacivarasanna apatti dukkatassa . adubbalacivare vematika apatti dukkatassa. Adubbalacivare adubbalacivarasanna anapatti. [252] Anapatti anisamsam dassetva nivareti ummattikaya adikammikayati. @Footnote: 1 Ma. etthantare adubbalacivare dubbalacivarakalasamayam atikkameti @anapattiti dissati.The Pali Tipitaka in Roman Character Volume 3 page 143-144. https://84000.org/tipitaka/read/roman_read.php?B=3&A=2865&modeTY=2&pagebreak=1 Compare with The Pali Tipitaka in Thai Character :- https://84000.org/tipitaka/read/pali_read.php?B=3&A=2865&modeTY=2&pagebreak=1 Compare with The Royal Version of Thai Tipitaka :- https://84000.org/tipitaka/read/byitem.php?book=3&item=249&items=4 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=3&siri=57 Study Atthakatha :- https://84000.org/tipitaka/attha/attha.php?b=3&i=249 The Pali Atthakatha in Thai :- https://84000.org/tipitaka/atthapali/read_th.php?B=2&A=11518 The Pali Atthakatha in Roman :- https://84000.org/tipitaka/atthapali/read_rm.php?B=2&A=11518 Contents of The Tipitaka Volume 3 https://84000.org/tipitaka/read/?index_3 https://84000.org/tipitaka/english/?index_3
      |
|
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ [email protected]