PaliRoman Vol.32

Catuttham kaludayittherapadanam (34) [36] |36.48| Padumuttarassa buddhassa lokajetthassa tadino addhanam patipannassa carato carikam tada. |36.49| Suphullam padumam gayha uppalam mallikancaham paramannam gahetvana adasim satthuno aham. |36.50| Paribhunji mahaviro paramannam subhojanam tanca puppham gahetvana jinassa ^1- sampadassayi. |36.51| Ittham kantayidam ^2- loke jalajam pupphamuttamam sudukkaram katam tena yam ^3- me puppham adasi ^4- so. |36.52| Yo puppham abhiropesi paramannancadasi me tamaham kittayissami sunatha mama bhasato. |36.53| Dasamatthakkhattunca ^5- so devarajjam karissati uppalam padumancapi mallikanca taduttari. @Footnote: ¹ Ma. Yu. janassa. ² Ma. kantam piyam. Yu. kantam ciram. ³ Ma. Yu. yo me. @⁴ Ma. Yu. adasidam. ⁵ Ma. dasaatthacakkhattum so. Yu. dasa catthacakkhattum so. |36.54| Assa punnavipakena dibbagandhasamayutam akase chadanam katva dharayissati tavade. |36.55| Pancavisatikhattunca cakkavatti bhavissati pathabya rajjam pancasatam vasudham avasissati. |36.56| Kappasatasahassamhi okkakakulasambhavo gotamo nama namena sattha loke bhavissati. |36.57| Sakakammabhiraddho so sukkamulena codito sakyanam nandijanako ^1- natibandhu bhavissati. |36.58| So ca paccha pabbajitva sukkamulena codito sabbasave parinnaya nibbayissatyanasavo. |36.59| Patisambhidamanuppattam katakiccam anasavam gotamo lokabandhu tam etadagge thapessati. |36.60| Padhanam pahitatto so upasanto nirupadhi udayi nama namena hessati satthu savako. |36.61| Rago doso ca moho ^2- ca mano makkho ca dhamsito sabbasave parinnaya viharami anasavo. |36.62| Tosayincapi sambuddham atapi nipako aham pasadito ^3- ca sambuddho etadagge thapesi mam. |36.63| Patisambhida catasso vimokkhapica atthime chalabhinna sacchikata katam buddhassa sasananti. @Footnote: ¹ Ma. Yu. nandijanano. ² Yu. cittanca suvimuttam me. ³ Yu. pamodito. Ittham sudam ayasma kaludayi thero ima gathayo abhasitthati. Kaludayittherassa apadanam samattam.

The Pali Tipitaka in Roman Character Volume 32 page 122-124. https://84000.org/tipitaka/read/roman_read.php?B=32&A=2530&modeTY=2 Compare with The Pali Tipitaka in Thai Character :- https://84000.org/tipitaka/read/pali_read.php?B=32&A=2530&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=32&item=36&items=1 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=32&siri=36 Study Atthakatha :- https://84000.org/tipitaka/attha/attha.php?b=32&i=36 The Pali Atthakatha in Thai :- https://84000.org/tipitaka/atthapali/read_th.php?B=50&A=1450 The Pali Atthakatha in Roman :- https://84000.org/tipitaka/atthapali/read_rm.php?B=50&A=1450 Contents of The Tipitaka Volume 32 https://84000.org/tipitaka/read/?index_32 https://84000.org/tipitaka/english/?index_32