|
|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |
|
| |
|
|
TIPITAKA Volume 33 : PALI ROMAN Sutta Pitaka Vol 25 : Sutta. Khu. Apa(2) Buddhavaṃso Cariyāpiṭakaṃ
Catuttham sakulatheriyapadanam (24) [164] |164.131| Padumuttaro nama jino sabbadhammana paragu ito satasahassamhi kappe uppajji nayako. |164.132| Hitaya sabbasattanam sukhaya vadatam varo atthaya purisajanno patipanno sadevake. |164.133| Yasaggappatto sirima kittivannabhato 1- jino pujito 2- sabbalokassa disa sabba suvissuto. |164.134| Uttinnavicikiccho so vitivattakathamkatho sampunnamanasankappo patto sambodhimuttamam. |164.135| Anuppannassa maggassa uppadeta naruttamo anakkhatanca akkhasi asanjatanca sanjani. |164.136| Maggannu ca maggavidu maggakkhayi narasabho maggassa kusalo sattha sarathinam varuttamo. |164.137| Mahakaruniko natho 3- dhammam deseti nayako nimugge kamapankamhi 4- samuddharati panino. |164.138| Tadaham hamsavatiyam jata khattiyanandana surupa sadhana capi 5- dayita ca 6- sirimati. |164.139| Anandassa maharanno dhita paramasobhana vemata bhagini capi padumuttaranamino. @Footnote: 1 Ma. Yu. kittivannagato. 2 Yu. jino sabbassa lokassa. 3 Ma. Yu. sattha. @4 Yu. mohapankamhi. 5 Yu. sadhana thasim. 6 Yu. va.--------------------------------------------------------------------------------------------- page340.
|164.140| Rajakannahi sahita sabbabharanabhusita upagamma 1- mahaviram assosim dhammadesanam. |164.141| Tada hi so lokavidu 2- bhikkhunim dibbacakkhukam 3- catuparisaya 4- majjhe aggatthane thapesi tam. |164.142| Sunitva tamaham hattha danam datvana satthuno pujetvana ca sambuddham dibbacakkhum apatthayim. |164.143| Tato avoca mam sattha nande lacchasi patthitam padipadhammadananam phalametam sunicchitam. |164.144| Satasahasse ito kappe okkakakulasambhavo gotamo nama namena sattha loke bhavissati. |164.145| Tassa dhammesu dayada orasa dhammanimmita sakulati 5- ca namena hessasi satthusavika. |164.146| Tena kammena sukatena cetanapanidhihi ca jahitva manusam deham tavatimsam aganchaham. |164.147| Imamhi bhaddake kappe brahmabandhu mahayaso kassapo nama namena uppajji vadatam varo. |164.148| Paribbajikini 6- asim tadaham ekacarini bhikkhaya vicaritvana alabhim telamattakam. |164.149| Tena dipam padipetva 7- upatthim sabbasamvaram 8- cetiyam dipadaggassa vippasannena cetasa. @Footnote: 1 Ma. upagamma. 2 Ma. lokagaru. Yu. lokaguru. 3 Yu. dibbacakkhukim. @4 Ma. kittayam parisamajjhe. Yu. kittayi.... 5 Ma. Yu. sakula nama namena. @6 Ma. paribbajakini. 7 Yu. pajale2tva. 8 Ma. sabbasamvarim.--------------------------------------------------------------------------------------------- page341.
|164.150| Tena kammena sukatena cetanapanidhihi ca jahitva manusam deham tavatimsam aganchaham. |164.151| Yattha yatthupapajjami tassa kammassa vahasa sanjalanti 1- mahadipa tattha tattha gataya me. |164.152| Tirokuddam tiroselam samatiggayha pabbatam passamaham yadicchami dipadanassidam phalam. |164.153| Visuddhanayana homi yasasa pajjalamaham 2- saddha pannavati 3- ceva dipadanassidam phalam. |164.154| Pacchime ca bhave dani jata vippakule aham pahutadhanadhannamhi mudite rajapujite. |164.155| Aham sabbangasampanna sabbabharanabhusita purappavese sugatam vatapane thita aham. |164.156| Disva jalantam yasasa devamanussasakkatam anubyanjanasampannam lakkhanehi vibhusitam. |164.157| Udaggacitta sumana pabbajjam samarocayim na cireneva kalena arahattam apapunim. |164.158| Iddhisu ca vasi homi dibbaya sotadhatuya paracittani janami satthusasanakarika. |164.159| Pubbenivasam janami dibbacakkhum visodhitam khepetva asave sabbe visuddhasim sunimmala. @Footnote: 1 Ma. pajjalanti. 2 Ma. Yu. ca jalamaham. 3 Yu. panna sati ceva.--------------------------------------------------------------------------------------------- page342.
|164.160| Paricinno maya sattha katam buddhassa sasanam ohito garuko bharo bhavanetti samuhata. |164.161| Yassatthaya pabbajita agarasma anagariyam so me attho anuppatto sabbasamyojanakkhayo. |164.162| Tato mahakaruniko etadagge thapesi mam dibbacakkhukanam 1- agga sakulati naruttamo. |164.163| Kilesa jhapita mayham bhava sabbe samuhata nagiva bandhanam chetva viharami anasava. |164.164| Svagatam vata me asi buddhasetthassa santike tisso vijja anuppatta katam buddhassa sasanam. |164.165| Patisambhida catasso vimokkhapica atthime chalabhinna sacchikata katam buddhassa sasananti. Ittham sudam sakula bhikkhuni ima gathayo abhasitthati. Sakulatheriya apadanam samattam.The Pali Tipitaka in Roman Character Volume 33 page 339-342. https://84000.org/tipitaka/read/roman_read.php?B=33&A=6888&modeTY=2&pagebreak=1 Compare with The Pali Tipitaka in Thai Character :- https://84000.org/tipitaka/read/pali_read.php?B=33&A=6888&modeTY=2&pagebreak=1 Compare with The Royal Version of Thai Tipitaka :- https://84000.org/tipitaka/read/byitem.php?book=33.1&item=164&items=1 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=33&siri=175 Study Atthakatha :- https://84000.org/tipitaka/attha/attha.php?b=33&i=164 Contents of The Tipitaka Volume 33 https://84000.org/tipitaka/read/?index_33 https://84000.org/tipitaka/english/?index_33
      |
|
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ [email protected]