PaliRoman Vol.33

Chattham sonatheriyapadanam (26) [166] |166.220| Padumuttaro nama jino sabbadhammana paragu ito satasahassamhi kappe uppajji nayako. |166.221| Tada ^1- setthikule jata sukhita sajjita ^2- piya upetva tam munivaram assosim madhuram vacam. |166.222| Araddhaviriyanaggam vanneti ^3- bhikkhunim jino ^4- tam sutva mudita hutva karam katvana satthuno. |166.223| Abhivadiya sambuddham tam thanam patthayim tada anumodi mahaviro sijjhatam panidhi tava. |166.224| Satasahasse ito kappe okkakakulasambhavo gotamo nama namena sattha loke bhavissati. @Footnote: ¹ Yu. tadaham. ² Ma. pujita. ³ Ma. vannesi. Yu. vannentam. ⁴ Yu. jinam.

--------------------------------------------------------------------------------------------- page349.

|166.225| Tassa dhammesu dayada orasa dhammanimmita sonati nama namena hessati satthusavika. |166.226| Tam sutva mudita hutva yavajivam tatha jinam mettacitta paricarim paccayehi vinayakam. |166.227| Tena kammena sukatena cetanapanidhihi ca jahitva manusam deham tavatimsam aganchaham. |166.228| Pacchime ca bhave dani jata setthikule aham savatthiyam puravare iddhe phite mahaddhane. |166.229| Yada ca yobbanam patta gantva patikulam aham dasa puttani ajanim surupani visesato. |166.230| Sukhe thita ca te sabbe jananettamanohara amittanampi rucita mama ^1- pageva te piya. |166.231| Tato mayham akamaya dasaputtapurakkhato pabbajittha sa me bhatta devadevassa sasane. |166.232| Tadekika vicintesim jivitenalamatthu me jinaya ^2- patiputtehi buddhayapi ^3- varakiya. |166.233| Ahampi tattha gacchissam sampatto yattha me pati evaham cintayitvana pabbajim anagariyam. |166.234| Tato mamam ^4- bhikkhuniyo ekam bhikkhunupassaye vihaya ganchumovadam tapehi udakam iti. @Footnote: ¹ Yu. mamam pageva. ² Ma. cattaya. ³ Ma. Yu. vuddhaya ca. ⁴ Ma. Yu. ca mam.

--------------------------------------------------------------------------------------------- page350.

|166.235| Tada udakamanetva ^1- okiritvana kumbhiya culle thapetva asina tato cittam samadahim. |166.236| Khandhe aniccato disva dukkhato ca anattato khepetva asave sabbe arahattam apapunim. |166.237| Tadagantva bhikkhuniyo unhodakamapucchisum tejodhatum adhitthaya khippam santapayim jalam. |166.238| Vimhita ta jinavaram etamatthamasavayum ^2- tam sutva mudito natho imam gatham abhasatha. |166.239| Yo ca vassasatam jive kusito hinaviriyo ekaham jivitam seyyo viriyarabhato dalham. |166.240| Aradhito mahaviro maya suppatipattiya araddhaviriyanaggam mamaha sa mahamuni. |166.241| Kilesa jhapita mayham bhava sabbe samuhata nagiva bandhanam chetva viharami anasava. |166.242| Svagatam vata me asi buddhasetthassa santike tisso vijja anuppatta katam buddhassa sasanam. |166.243| Patisambhida catasso vimokkhapica atthime chalabhinna sacchikata katam buddhassa sasananti. Ittham sudam sona bhikkhuni ima gathayo abhasitthati. Sonatheriya apadanam samattam. @Footnote: ¹ Ma. udakamahitva. ² Yu. etamatthamva savayum.

The Pali Tipitaka in Roman Character Volume 33 page 348-350. https://84000.org/tipitaka/read/roman_read.php?B=33&A=7093&modeTY=2&pagebreak=1 Compare with The Pali Tipitaka in Thai Character :- https://84000.org/tipitaka/read/pali_read.php?B=33&A=7093&modeTY=2&pagebreak=1 Compare with The Royal Version of Thai Tipitaka :- https://84000.org/tipitaka/read/byitem.php?book=33.1&item=166&items=1 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=33&siri=177 Study Atthakatha :- https://84000.org/tipitaka/attha/attha.php?b=33&i=166 Contents of The Tipitaka Volume 33 https://84000.org/tipitaka/read/?index_33 https://84000.org/tipitaka/english/?index_33