บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |
| |
Catuttham singalamatatheriyapadanam (34) [174] |174.81| Padumuttaro nama jino sabbadhammana paragu ito satasahassamhi kappe uppajji nayako. |174.82| Tadaham hamsavatiya jatamaccakule ahu nanaratanapajjote iddhe phite mahaddhane. |174.83| Pituna saha gantvana mahajanapurakkhata dhammam buddhassa sutvana pabbajim anagariyam. |174.84| Pabbajitvana kayena papakammam vivajjayim vaciduccaritam hitva ajivam parisodhayim. |174.85| Buddhe pasanna dhamme ca sanghe ca tibbagarava saddhammassavane yutta buddhadassanasalaya 1-. |174.86| Aggam saddhadhimuttanam 2- assosim bhikkhunim tada tam thanam patthayitvana tisso sikkha apurayim. |174.87| Tato mam sugato aha karunanugatasayo yassa saddha tathagate acala supatitthita. |174.88| Silanca yassa kalyanam ariyakantam pasamsitam sanghe pasado yassatthi ujubhutanca dassanam. |174.89| Adaliddoti tam ahu amogham tassa jivitam tasma saddhanca silanca pasadam dhammadassanam. @Footnote: 1 Ma. Yu. ...lalasa. ito param idisameva. 2 Po. Yu. angavimuttanam. |174.90| Anuyunjetha medhavi saram buddhanam sasanam tam sutvaham pamudita apucchim panidhim mama. |174.91| Tada anomo amito byakarittha vinayako buddhassa 1- pasanno kalyani lacchasetam supatthitam. |174.92| Satasahasse ito kappe okkakakulasambhavo gotamo nama namena sattha loke bhavissati. |174.93| Tassa dhammesu dayada orasa dhammanimmita singalakassa ya 2- mata hessati satthu savika. |174.94| Tam sutva mudita hutva yavajivam tada jinam mettacitta paricarim patipattihi nayakam. |174.95| Tena kammena sukatena cetanapanidhihi ca jahitva manusam deham tavatimsam aganchaham. |174.96| Pacchime ca bhave dani giribbajapuruttame jata setthikule phite maharatanasancaye. |174.97| Putto singalako nama mamasi 3- vipathe rato ditthigahanapakkhanno disapujanatapparo. |174.98| Nanadisa namassati 4- pindaya nagaram vajam tam disva avadi buddho magge thatva vinayako. |174.99| Tassa desayato dhammam panado vimhayo 5- ahu dvekotinaranarinam dhammabhisamayo ahu. @Footnote: 1 Ma. Yu. buddhe pasanna. 2 Ma. Yu. matati. 3 Yu. matasi. @4 Ma. Yu. namassantam. 5 Po. visayo. Yu. visaye. |174.100| Tada tam 1- parisam gantva sutva sugatabhasitam sotapattiphalam patva pabbajim anagariyam. |174.101| Na cireneva kalena buddhadassanasalaya anussatim tam bhavetva arahattam apapunim. |174.102| Dassanatthaya buddhassa sabbada ca vajamaham atittayeva passami rupam nayananandanam. |174.103| Sabbaparamisambhutam lakkhinilayanam param 2- rupam sabbasubhakinnam atitta viharamaham 3-. |174.104| Jino tasmim gune tuttho etadagge thapesi mam singalakassa ya mata agga saddhadhimuttika 4-. |174.105| Iddhisu ca vasi homi dibbaya sotadhatuya cetopariyananassa vasi homi mahamune. |174.106| Pubbenivasam janami dibbacakkhum visodhitam sabbasave 5- parinnaya natthi dani punabbhavo. |174.107| Atthadhammaniruttisu patibhane tatheva ca nanam mama mahavira uppannam tava santike. |174.108| Kilesa jhapita mayham bhava sabbe samuhata nagiva bandhanam chetva viharami anasava. |174.109| Svagatam vata me asi buddhasetthassa santike tisso vijja anuppatta katam buddhassa sasanam. @Footnote: 1 Ma. tadaham. 2 Ma. Yu. varam. 3 Yu. bhayamaham. 4 Yu. sangavimuttika. @5 Ma. Yu. sabbasavaparikkhina. |174.110| Patisambhida catasso vimokkhapica atthime chalabhinna sacchikata katam buddhassa sasananti. Ittham sudam singalamata bhikkhuni ima gathayo abhasitthati. Singalamatatheriya apadanam samattam.The Pali Tipitaka in Roman Character Volume 33 page 385-388. https://84000.org/tipitaka/read/roman_read.php?B=33&A=7896&modeTY=2 Compare with The Pali Tipitaka in Thai Character :- https://84000.org/tipitaka/read/pali_read.php?B=33&A=7896&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=33.1&item=174&items=1 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=33&siri=185 Study Atthakatha :- https://84000.org/tipitaka/attha/attha.php?b=33&i=174 Contents of The Tipitaka Volume 33 https://84000.org/tipitaka/read/?index_33 https://84000.org/tipitaka/english/?index_33
|
บันทึก ๑๔ พฤศจิกายน พ.ศ. ๒๕๖๐. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]