PaliRoman Vol.34

[956] Katame dhamma upadana cattari upadanani kamupadanam Ditthupadanam silabbatupadanam attavadupadanam kamupadanam atthasu lobhasahagatesu cittuppadesu uppajjati ditthupadananca silabbatupadananca attavadupadananca catusu ditthigatasampayuttesu cittuppadesu uppajjanti ime dhamma upadana . katame dhamma noupadana thapetva upadane avasesam akusalam catusu bhumisu kusalam catusu bhumisu vipako tisu bhumisu kiriyabyakatam rupanca nibbananca ime dhamma noupadana. [957] Katame dhamma upadaniya tisu bhumisu kusalam akusalam tisu bhumisu vipako tisu bhumisu kiriyabyakatam sabbanca rupam ime dhamma upadaniya . katame dhamma anupadaniya cattaro magga apariyapanna cattari ca samannaphalani nibbananca ime dhamma anupadaniya. [958] Katame dhamma upadanasampayutta cattaro ditthigatasampayuttalobhasahagata cittuppada cattaro ditthigatavippayutta- lobhasahagata cittuppada etthuppannam lobham thapetva ime dhamma upadanasampayutta . katame dhamma upadanavippayutta catusu ditthigatavippayuttalobhasahagatesu cittuppadesu uppanno lobho dve domanassasahagata cittuppada vicikicchasahagato cittuppado uddhaccasahagato cittuppado catusu bhumisu kusalam catusu bhumisu vipako tisu bhumisu kiriyabyakatam rupanca nibbananca ime Dhamma upadanavippayutta. [959] Katame dhamma upadanacevaupadaniyaca taneva upadanani upadanacevaupadaniyaca . katame dhamma upadaniyacevanocaupadana thapetva upadane avasesam akusalam tisu bhumisu kusalam tisu bhumisu vipako tisu bhumisu kiriyabyakatam sabbanca rupam ime dhamma upadaniya ceva no ca upadana . Anupadaniya dhamma na vattabba upadana ceva upadaniya catipi upadaniya ceva no ca upadanatipi. [960] Katame dhamma upadana ceva upadanasampayutta ca yattha ditthi ca lobho ca ekato uppajjanti ime dhamma upadanacevaupadana- sampayuttaca . katame dhamma upadanasampayuttacevanocaupadana attha lobhasahagata cittuppada etthuppanne upadane thapetva ime dhamma upadanasampayuttacevanocaupadana . Upadanavippayutta dhamma na vattabba upadanacevaupadana- sampayuttacatipi upadanasampayuttacevanocaupadanatipi. [961] Katame dhamma upadanavippayutta upadaniya catusu ditthigatavippayuttalobhasahagatesu cittuppadesu uppanno lobho dve domanassasahagata cittuppada vicikicchasahagato cittuppado uddhaccasahagato cittuppado tisu bhumisu kusalam tisu bhumisu vipako tisu bhumisu kiriyabyakatam sabbanca rupam ime dhamma upadanavippayutta Upadaniya . katame dhamma upadanavippayutta anupadaniya cattaro magga apariyapanna cattari ca samannaphalani nibbananca ime dhamma upadanavippayutta anupadaniya . Upadanasampayutta dhamma na vattabba upadanavippayutta upadaniyatipi upadanavippayutta anupadaniyatipi. -------------

The Pali Tipitaka in Roman Character Volume 34 page 369-372. https://84000.org/tipitaka/read/roman_read.php?B=34&A=7397&modeTY=2 Compare with The Pali Tipitaka in Thai Character :- https://84000.org/tipitaka/read/pali_read.php?B=34&A=7397&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=34&item=956&items=6 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=34&siri=75 Study Atthakatha :- https://84000.org/tipitaka/attha/attha.php?b=34&i=956 Contents of The Tipitaka Volume 34 https://84000.org/tipitaka/read/?index_34 https://84000.org/tipitaka/english/?index_34