PaliRoman Vol.35

Appamannavibhango [741] Catasso appamannayo . idha bhikkhu mettasahagatena cetasa ekam disam pharitva viharati tatha dutiyam tatha tatiyam tatha catuttham iti uddhamadho tiriyam sabbadhi sabbattataya sabbavantam lokam mettasahagatena cetasa vipulena mahaggatena appamanena averena abyapajjhena pharitva viharati . karunasahagatena cetasa ekam disam pharitva viharati tatha dutiyam tatha tatiyam tatha catuttham iti uddhamadho tiriyam sabbadhi sabbattataya sabbavantam lokam karunasahagatena cetasa Vipulena mahaggatena appamanena averena abyapajjhena pharitva viharati . muditasahagatena cetasa ekam disam pharitva viharati tatha dutiyam tatha tatiyam tatha catuttham iti uddhamadho tiriyam sabbadhi sabbattataya sabbavantam lokam muditasahagatena cetasa vipulena mahaggatena appamanena averena abyapajjhena pharitva viharati . Upekkhasahagatena cetasa ekam disam pharitva viharati tatha dutiyam tatha tatiyam tatha catuttham iti uddhamadho tiriyam sabbadhi sabbattataya sabbavantam lokam upekkhasahagatena cetasa vipulena mahaggatena appamanena averena abyapajjhena pharitva viharati. [742] Kathanca bhikkhu mettasahagatena cetasa ekam disam pharitva viharati seyyathapi nama ekam puggalam piyam manapam disva mettayeyya evameva sabbe satte mettaya pharati. [743] Tattha katama metta ya sattesu metti mettayana mettayitattam metta cetovimutti ayam vuccati metta . tattha katamam cittam yam cittam mano manasam hadayam pandaram mano manayatanam manindriyam vinnanam vinnanakkhandho tajja manovinnanadhatu idam vuccati cittam . idam cittam imaya mettaya sahagatam hoti sahajatam samsattham sampayuttam tena vuccati mettasahagatena cetasati . Ekam disanti puratthimam va disam pacchimam va disam uttaram va disam dakkhinam va disam uddham va adho va tiriyam va vidisam va . Pharitvati pharitva adhimuccitva . viharatiti iriyati vattati paleti yapeti yapeti carati viharati tena vuccati viharatiti . tatha dutiyanti yatheva ekam disam tatha dutiyam disam tatha tatiyam disam tatha catuttham disam tatha uddham tatha adho tatha tiriyam tatha vidisam . Sabbadhi sabbattataya sabbavantam lokanti sabbena sabbam sabbatha sabbam asesam nissesam pariyadaya vacanametam sabbadhi sabbattataya sabbavantam lokanti. {743.1} Mettasahagatena cetasati tattha katama metta ya sattesu metti mettayana mettayitattam metta cetovimutti ayam vuccati metta tattha katamam cittam yam cittam mano manasam .pe. tajja manovinnanadhatu idam vuccati cittam idam cittam imaya mettaya sahagatam hoti sahajatam samsattham sampayuttam tena vuccati mettasahagatena cetasati . vipulenati yam vipulam tam mahaggatam yam mahaggatam tam appamanam yam appamanam so avero yo avero so abyapajjho . pharitvati pharitva adhimuccitva . viharatiti iriyati .pe. Viharati tena vuccati viharatiti. [744] Kathanca bhikkhu karunasahagatena cetasa ekam disam pharitva viharati seyyathapi nama ekam puggalam duggatam durupetam disva karunayeyya evameva sabbe satte karunaya pharati. [745] Tattha katama karuna ya sattesu karuna karunayana karunayitattam karuna cetovimutti ayam vuccati karuna . tattha Katamam cittam yam cittam mano manasam .pe. tajja manovinnanadhatu idam vuccati cittam . idam cittam imaya karunaya sahagatam hoti sahajatam samsattham sampayuttam tena vuccati karunasahagatena cetasati . Ekam disanti puratthimam va disam pacchimam va disam uttaram va disam dakkhinam va disam uddham va adho va tiriyam va vidisam va . Pharitvati pharitva adhimuccitva . viharatiti iriyati vattati paleti yapeti yapeti carati viharati tena vuccati viharatiti . Tatha dutiyanti yatheva ekam disam tatha dutiyam disam tatha tatiyam disam tatha catuttham disam tatha uddham tatha adho tatha tiriyam tatha vidisam . sabbadhi sabbattataya sabbavantam lokanti sabbena sabbam sabbatha sabbam asesam nissesam pariyadaya vacanametam sabbadhi sabbattataya sabbavantam lokanti. {745.1} Karunasahagatena cetasati tattha katama karuna ya sattesu karuna karunayana karunayitattam karuna cetovimutti ayam vuccati karuna tattha katamam cittam yam cittam mano manasam .pe. Tajja manovinnanadhatu idam vuccati cittam idam cittam imaya karunaya sahagatam hoti sahajatam samsattham sampayuttam tena vuccati karunasahagatena cetasati . vipulenati yam vipulam tam mahaggatam yam mahaggatam tam appamanam yam appamanam so avero yo avero so abyapajjho . Pharitvati pharitva adhimuccitva . viharatiti iriyati .pe. viharati tena Vuccati viharatiti. [746] Kathanca bhikkhu muditasahagatena cetasa ekam disam pharitva viharati seyyathapi nama ekam puggalam piyam manapam disva mudito assa evameva sabbe satte muditaya pharati. [747] Tattha katama mudita ya sattesu mudita muditayana muditayitattam mudita cetovimutti ayam vuccati mudita . tattha katamam cittam yam cittam mano manasam .pe. tajja manovinnanadhatu idam vuccati cittam . idam cittam imaya muditaya sahagatam hoti sahajatam samsattham sampayuttam tena vuccati muditasahagatena cetasati . Ekam disanti puratthimam va disam pacchimam va disam uttaram va disam dakkhinam va disam uddham va adho va tiriyam va vidisam va . Pharitvati pharitva adhimuccitva . viharatiti iriyati .pe. viharati tena vuccati viharatiti . tatha dutiyanti yatheva ekam disam tatha dutiyam disam tatha tatiyam disam tatha catuttham disam tatha uddham tatha adho tatha tiriyam tatha vidisam. {747.1} Sabbadhi sabbattataya sabbavantam lokanti sabbena sabbam sabbatha sabbam asesam nissesam pariyadaya vacanametam sabbadhi sabbattataya sabbavantam lokanti . muditasahagatena cetasati tattha katama mudita ya sattesu mudita muditayana muditayitattam mudita cetovimutti ayam vuccati mudita tattha katamam cittam yam cittam mano manasam .pe. Tajja manovinnanadhatu Idam vuccati cittam idam cittam imaya muditaya sahagatam hoti sahajatam samsattham sampayuttam tena vuccati muditasahagatena cetasati . vipulenati yam vipulam tam mahaggatam yam mahaggatam tam appamanam yam appamanam so avero yo avero so abyapajjho. Pharitvati pharitva adhimuccitva. Viharatiti iriyati .pe. Viharati tena vuccati viharatiti. [748] Kathanca bhikkhu upekkhasahagatena cetasa ekam disam pharitva viharati seyyathapi nama ekam puggalam neva manapam na amanapam disva upekkhako assa evameva sabbe satte upekkhaya pharati. [749] Tattha katama upekkha ya sattesu upekkha upekkhayana upekkhayitattam upekkha cetovimutti ayam vuccati upekkha . tattha katamam cittam yam cittam mano manasam .pe. tajja manovinnanadhatu idam vuccati cittam . idam cittam imaya upekkhaya sahagatam hoti sahajatam samsattham sampayuttam tena vuccati upekkhasahagatena cetasati . ekam disanti puratthimam va disam pacchimam va disam uttaram va disam dakkhinam va disam uddham va adho va tiriyam va vidisam va . pharitvati pharitva adhimuccitva . viharatiti iriyati .pe. viharati tena vuccati viharatiti . tatha dutiyanti yatheva ekam samdi tatha dutiyam disam tatha tatiyam disam tatha catuttham disam tatha uddham tatha adho tatha tiriyam tatha vidisam . sabbadhi Sabbattataya sabbavantam lokanti sabbena sabbam sabbatha sabbam asesam nissesam pariyadaya vacanametam sabbadhi sabbattataya sabbavantam lokanti. {749.1} Upekkhasahagatena cetasati tattha katama upekkha ya sattesu upekkha upekkhayana upekkhayitattam upekkha cetovimutti ayam vuccati upekkha tattha katamam cittam yam cittam mano manasam .pe. tajja manovinnanadhatu idam vuccati cittam idam cittam imaya upekkhaya sahagatam hoti sahajatam samsattham sampayuttam tena vuccati upekkhasahagatena cetasati . vipulenati yam vipulam tam mahaggatam yam mahaggatam tam appamanam yam appamanam so avero yo avero so abyapajjho . pharitvati pharitva adhimuccitva . viharatiti iriyati .pe. viharati tena vuccati viharatiti. Suttantabhajaniyam.

The Pali Tipitaka in Roman Character Volume 35 page 369-375. https://84000.org/tipitaka/read/roman_read.php?B=35&A=7443&modeTY=2 Compare with The Pali Tipitaka in Thai Character :- https://84000.org/tipitaka/read/pali_read.php?B=35&A=7443&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=35&item=741&items=9 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=35&siri=51 Study Atthakatha :- https://84000.org/tipitaka/attha/attha.php?b=35&i=741 The Pali Atthakatha in Thai :- https://84000.org/tipitaka/atthapali/read_th.php?B=54&A=9549 The Pali Atthakatha in Roman :- https://84000.org/tipitaka/atthapali/read_rm.php?B=54&A=9549 Contents of The Tipitaka Volume 35 https://84000.org/tipitaka/read/?index_35 https://84000.org/tipitaka/english/?index_35