|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
3. Satipatthanasamyutta 1. Ambapalivagga 1. Ambapalisuttavannana [367] Satipatthanasamyuttassa pathame ambapalivaneti ambapaliya nama rupupajiviniya ropite ambavane. Tam kira tassa uyyanam ahosi, sa satthu dhammadesanam sutva pasannacitta tattha viharam karetva tathagatassa niyyatesi. Tam sandhayetam vuttam. Ekayanvayanti ekayano ayam. Tattha ekayanoti ekamaggo maggassa hi:- "maggo pantho patho pajjo anjasam vatumayanam nava uttarasetu ca kullo ca bhisisankamo"ti 1- bahuni namani. Svayam idha ayananamena vutto. Tasma ekayanvayam bhikkhave maggoti ettha ekamaggo ayam bhikkhave maggo, na dvedha pathabhutoti evamattho datthabbo. Maggoti kenatthena maggo. Nibbanagamanatthena, 2- nibbanatthikehi magganiyatthena ca. Sattanam visuddhiyati ragadihi malehi abhijjhavisamalobhadihi ca upakkilesehi sankilitthacittanam sattanam visuddhatthaya. Sokaparidevanam samatikkamayati sokassa ca paridevassa ca samatikkamaya, pahanayati attho. Dukkhadomassanam atthangamayati kayikadukkhassa ca cetasikadomanassassa cati imesam dvinnam atthangamaya, nirodhayati attho. Nayassa adhigamayati nayo vuccati ariyo atthangiko @Footnote: 1 khu.cula. 30/565/277 2 Si. nibbanamagganatathena, Ma. nibbanam magganatthena--------------------------------------------------------------------------------------------- page248.
Maggo. Tassa adhigamaya pattiyati vuttam hoti. Ayanhi pubbabhage lokiyo satipatthanamaggo bhavito lokuttaramaggassa adhigamaya samvattati. Tenaha "nayassa adhigamaya"ti. Nibbanassa sacchikiriyayati tanhavanavirahitatta nibbananti laddhanamassa amatassa sacchikiriyaya, attapaccakkhayati vuttam hoti. Ayam hi maggo bhavito anupubbena nibbanasacchikiriyam sadheti. Tenaha "nibbanassa sacchikiriyaya"ti. Evam bhagavata sattahi padehi ekayanamaggassa vanno bhasito, so kasmaiti ce? bhikkhunam ussahajananattham. Vannabhasananhi sutva te bhikkhu "ayam kira maggo hadayasantapabhutam sokam, vacavippalapabhutam paridevam, kayikaasatabhutam dukkham, cetasikaasatabhutam domanassanti cattaro upaddave harati, visuddhim, nayam, nibbananti tayo visese avahati"ti ussahajata imam desanam uggahetabbam pariyapunitabbam dharetabbam, imanca maggam bhavetabbam mannissanti. Iti tesam bhikkhunam ussahajananattham vannam abhasi kambalavanijadayo kambaladinam vannam viya. Yadidanti nipato, ye imeti ayamassa attho. Cattaroti gananaparicchedo, tena "na tato hettha, na uddhan"ti satipatthanaparicchedam dipeti. Satipatthanati tayo satipatthana satigocaropi, tidha patipannesu savakesu satthuno patighanunayavitivattapi, satipi. "catunnam bhikkhave satipatthananam samudayanca atthangamanca desessami, tam sunatha, ko ca bhikkhave kayassa samudayo, aharasamudaya kayasamudayo"tiadisu 1- hi satigocaro satipatthananti vutto. Tatha "kayo upatthanam, no sati, sati upatthananceva sati ca"tiadisupi. 2- Tassattho:- @Footnote: 1 sam.maha. 19/408/161 2 khu.pati. 31/35/441--------------------------------------------------------------------------------------------- page249.
Patitthati tasminti 1- patthanam. Ka patitthati? sati. Satiya patthanam satipatthanam. Padhanam thananti va patthanam. Satiya patthanam satipatthanam hatthitthanaassatthanadini viya. "tayo satipatthana, yadariyo sevati, yadariyo sevamano sattha ganamanusasitumarahati"ti 2- ettha tidha patipannesu savakesu satthuno patighanunayavitivattata satipatthananti vutta. Tassattho:- patthapetabbato patthanam, pavattayitabbatoti attho. Kena patthapetabboti? satiya. Satiya patthanam satipatthananti. "cattaro satipatthana bhavita bahulikata satta bojjhange paripurenti"tiadisu 3- pana satiyeva satipatthananti vutta. Tassattho:- patitthatiti patthanam, upatthati okkanditva pakkhanditva pavattatiti attho. Satiyeva patthanam satipatthanam. Athava saranatthena sati, upatthanatthena patthanam, iti sati ca sa patthanancatipi satipatthanam. Idamidha adhippetam. Yadi evam kasma "satipatthana"ti bahuvacanam katanti? satinam bahutta. Arammanabhedena hi bahuka satiyo. Atha "maggo"ti kasma ekavacananti? Magganatthena ekatta. Catassopi hi eta satiyo magganatthena ekattam gacchanti. Vuttam hetam "maggoti kenatthena maggo, nibbanamagganatthena nibbanatthikehi magganiyatthena ca"ti. Catassopi ceta aparabhage kayadisu arammanesu kiccam sadhayamana nibbanam gacchanti, adito patthaya ca nibbanatthikehi maggiyantiti tasma catassopi eko maggoti vutta. Evanca sati vacananusandhina sanusandhikava desana hoti. @Footnote: 1 cha.Ma. asminti 2 Ma.u. 14/311/284 @3 Ma.u. 14/147/130, sam.maha. 19/989/285--------------------------------------------------------------------------------------------- page250.
Katame cattaroti kathetukamyatapuccha. Kayeti rupakaye. Kayanupassiti kayam anupassanasilo, kayam va anupassamano. Ayam hi bhikkhu imam kayam aniccanupassanadinam sattannam anupassananam vasena aniccato anupassati, no niccato, dukkhato anupassati, no sukhato, anattato anupassati, no attato, nibbindati, no nandati, virajjati, no rajjati, nirodheti no samudeti, patinissajjati, no adiyati. So tam aniccato anupassanto niccasannam pajahati, dukkhato anupassanto sukhasannam pajahati, anattato anupassanto attasannam pajahati, nibbindanto nandim pajahati, virajjanto ragam pajahati, nirodhento samudayam pajahati, patinissajjanto adanam pajahatiti veditabbo. Viharatiti iriyati. Atapiti tisu bhavesu kilese atapatiti atapo, viriyassetam namam. Atapo assa atthiti atapi. Sampajanoti sampajannasankhatena nanena samannagato. Satimati kayapariggahikaya satiya samannagato. Ayam pana yasma satiya arammanam pariggahetva pannaya anupassati. Na hi sativirahitassa anupassana nama atthi, tenevaha "satinca khvaham bhikkhave sabbatthikam vadami"ti. 1- Tasma ettha "kaye kayanupassi viharati"ti. Ettavata kayanupassanasatipatthanam vuttam hoti. Athava yasma anatapino antosankhepo antarayakaro hoti, asampajano upayapariggahe anupayaparivajjane ca sammuyhati, mutthassati upayapariccage anupayapariggahe 2- ca asamattho hoti, tenassa tam kammatthanam na sampajjati, tasma yesam dhammanam anubhavena tam sampajjati, tesam dassanattham "atapi sampajano satima"ti idam vuttanti veditabbam. Iti kayanupassanasatipatthanam sampayogangancassa dassetva idani pahanangam dassetum vineyya loke abhijjhadomanassanti vuttam. Tattha vineyyati @Footnote: 1 sam.maha. 14/234/102 2 Si.,ka. anupayapariccage upayapariggahe--------------------------------------------------------------------------------------------- page251.
Tadangavinayena va vikkhambhanavinayena va vinayitva. Loketi tasmimyeva kaye. Kayo hi idha lujjanapalujjatthena 1- lokoti adhippeto. Yasma panassa na kayamatteyeva abhijjhadomanassam pahiyyati, vedanadisu pahiyyatiyeva. Tasma "pancapi upadanakkhandha loko"ti vibhange 2- vuttam. Lokasankhatatta va tesam dhammanam atthuddharanayenetam vuttam. Yam panaha "tattha katamo loko. Sveva kayo loko"ti, 3- ayamevettha attho. Tasmim loke abhijjhadomanassam vineyyati evam sambandho datthabbo. Vedanasuti ettha tisso vedana, ta ca lokiya eva, cittampi lokiyam, tatha dhamma. Yatha pana vedana anupassitabba, tatha anupassanto esa vedananupassiti veditabbo. Esa nayo cittadhammesu. Kathanca vedana anupassitabbati? sukha tava vedana dukkhato, dukkha sallato, adukkhamasukha aniccato. Yathaha:- "yo sukham dukkhato adda dukkhamaddakkhi sallato adukkhamasukham santam addakkhi nam aniccato sa ve sammaddaso bhikkhu upasanto carissati"ti. 4- Sabba eva ceta dukkhatipi anupassitabba. Vuttam hetam "yankinci vedayitam, sabbam tam dukkhasminti vadami"ti. 5- Sukhadukkhatopi ca anupassitabba, yathaha "sukha kho avuso visakha vedana thitisukha viparinamadukkha"ti 6- sabbam vittharetabbam. Apica aniccadisattaanupassanavasenapi anupassitabba. Cittadhammesupi cittam tava arammanadhipatisahajatabhumikammavipakakiriyadi- nanattabhedanam aniccadianupassananam saragadinanca bhedanam vasena anupassitabbam, @Footnote: 1 Si.,ka. lujjanatthena 2 abhi.vi. 35/362/231 @3 abhi.vi. 35/362/231 4 Ma. parijanati vedanati, sam.sala 18/368/257 (sya) @5 sam.sala 18/391/268 (sya) 6 mu.mu. 12/465/414--------------------------------------------------------------------------------------------- page252.
Dhamma salakkhanasamannalakkhananam sunnatadhammassa aniccatadisattaanupassananam "santam va ajjhattam kamacchandan"tiadinanca pabhedanam vasena anupassitabba. Sesam vuttanayameva. Ayamettha sankhepo, vittharo pana dighamajjhimatthakathasu 1- satipatthanavannanayam vuttanayena veditabbo.The Pali Atthakatha in Roman Book 13 page 247-252. http://84000.org/tipitaka/atthapali/read_rm.php?B=13&A=5372&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=13&A=5372&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=18&i=239 เนื้อความพระไตรปิฎกฉบับหลวง :- http://84000.org/tipitaka/read/r.php?B=18&A=3607 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=18&A=3515 The Pali Tipitaka in Roman Character :- http://84000.org/tipitaka/read/roman_read.php?B=18&A=3515 Contents of The Tipitaka Volume 18 http://84000.org/tipitaka/read/?index_18
        |
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]