บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
3. Ayoguḷavagga 2. Ayoguḷasuttavaṇṇanā [834] Tatiyavaggassa dutiye iminā cātumahābhūtikenāti iminā catumahābhūtamayena evaṃ bhārikena garukena samānenāpi. Omātīti pahoti 2- sakkoti, idaṃ tepiṭake buddhavacane asambhinnapadaṃ. Kāyampi citte samādahatīti 3- kāyaṃ gahetvā citte āropeti, cittasannissitaṃ karoti, cittagatiyā peseti. Cittaṃ nāma mahaggatacittaṃ, cittagatigamanaṃ lahukaṃ hoti. Cittampi kāye samādahatīti 3- cittaṃ gahetvā kāye āropeti, kāyasannissitaṃ karoti, kāyagatiyā peseti, kāyo nāma karajakāyo, kāyagatigamanaṃ 4- dandhaṃ hoti. Sukhasaññañca lahusaññañcāti abhiññā cittasahajātasaññā. Sā hi santasukhasamannāgatattā sukhasaññā nāma hoti. Kilesadandhāyitattassa ca abhāvā lahusaññā nāma. Ayoguḷo divasaṃ santatto 5- lahutaro ceva hotīti so hi dvīhi tīhi janehi ukkhipitvā kammāruddhane ukkhittopi 6- divasaṃ pacamāno vivarānupaviṭṭhena 7- tejena ceva vāyena ca vāyosahagato ca usmāsahagato ca tejosahagato ca hutvā evaṃ lahuko hoti, yathā naṃ kammāro mahāsaṇḍāsena gahetvā ekato samparivatteti 8- ukkhipati bahi nīharati. Evaṃ pana mudu ca hoti kammaniyo ca, yathā naṃ @Footnote: 1 cha.Ma. kathitā 2 ka. abhijānātīti ussahati pahoti 3 cha.Ma. samodahatīti @4 Ma. karajakāyagatigamanaṃ 5 Sī. divasasantatto 6 cha.Ma. pakkhittopi @7 ka. cirānuppacittena 8 cha.Ma. ekato parivatteti So khaṇḍaṃ khaṇḍaṃ vicchindati, kūṭena hananto dīghacaturassādibhedaṃ karoti. Imasmiṃ sutte vikubbaniddhi kathitā.The Pali Atthakatha in Roman Book 13 page 339-340. http://84000.org/tipitaka/atthapali/read_rm.php?B=13&A=7402 อรรถกถาบาลีอักษรไทย :- http://84000.org/tipitaka/atthapali/read_th.php?B=13&A=7402 อ่านอรรถกถาแปลไทย :- http://84000.org/tipitaka/attha/attha.php?b=18&i=623 เนื้อความพระไตรปิฎกฉบับหลวง :- http://84000.org/tipitaka/read/r.php?B=18&A=8228 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=18&A=8155 The Pali Tipitaka in Roman Character :- http://84000.org/tipitaka/read/roman_read.php?B=18&A=8155 Contents of The Tipitaka Volume 18 http://84000.org/tipitaka/read/?index_18
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]