AtthaPali Vol.16

2. Donabrahmanasuttavannana [192] Dutiye tvampi noti tvampi nu. Pavattaroti pavattayitaro. Yesanti yesam santakam. Mantapadanti vedasankhatam mantameva. Gitanti atthakadihi dasahi poranakabrahmanehi sarasampattivasena sajjhayitam. Pavuttanti annesam vuttam, vacitanti attho. Samihitanti samupabyulham rasikatam pindam katva thapitanti attho. Tadanugayantiti etarahi brahmana tam tehi pubbehi gitam anugayanti anusajjhayanti. Tadanubhasantiti tam anubhasanti. Idam purimasseva vevacanam. Bhasitamanubhasantiti tehi bhasitam anubhasanti. Sajjhayitamanusajjhayantiti tehi sajjhayitam anusajjhayanti. Vacitamanuvacentiti tehi annesam vacitam anuvacenti. Seyyathidanti te katameti attho. Atthakotiadini ^3- tesam namani. Te kira dibbena cakkhuna oloketva parupaghatam akatva kassapasammasambuddhassa bhagavato pavacanena saha samsandetva mante ganthesum. Apare ^4- pana brahmana panatipatadini pakkhipitva tayo vede bhinditva buddhavacanena saddhim viruddhe akamsu. Tyassumeti ettha assuti nipatamattam, te brahmana ime panca brahmane pannapentiti attho. Mante adhiyamanoti vede sajjhayanto ganhanto. Acariyadhananti acariyapadakkhinam ^5- acariyabhagam. Na issatthenati na yodhajivakammena uppadeti. Na rajaporisenati na rajupatthakabhavena. Kevalam bhikkhacariyayati suddhaya bhikkhacariyayaeva. Kapalam anatimannamanoti tam bhikkhabhajanam anatimannamano. So hi @Footnote: ¹ Si. ganthanattham ² cha.Ma. avadihitva @³ ka. attakotiadini ⁴ Si. aparapara, cha. aparapare ⁵ cha. acariyadakkhinam

--------------------------------------------------------------------------------------------- page73.

Punnapattam adaya sisam nhato kuladvaresu thita "aham atthacattalisa vassani komarabrahmacariyam carim, mantapi me gahita, acariyassa acariyadhanam dassami, dhanam me detha"ti yacati. Tam sutva manussa yathasatti yathabalam atthapi solasapi satampi sahassampi denti. Evam sakalagamam caritva laddhadhanam acariyassa niyyadeti. Tam sandhayetam vuttam. Evam kho donabrahmano brahmasamo hotiti evam brahmaviharehi samannagatatta brahmano brahmasamo nama hoti. Neva kayena na vikkayenati neva attana kayam katva ganhati, na parena vikkayam katva dinnam. Udakupasatthanti udakena upasattham pariccattam. So hi yasmim kule vayappatta darika atthi, gantva tassa dvare titthati. "kasma thitosi"ti vutte "aham atthacattalisa vassani komarabrahmacariyam carim, tam sabbam tumhakam demi, tumhe mayham darikam detha"ti vadati. Te darikam anetva tassa hatthe udakam patetva denti. So tam udakupasattham bhariyam ganhitva gacchati. Atimilhajoti atimilhe mahagutharasimhi jato. Tassa sati tassa eta. Na davatthati na kilanattha. Na ratatthati na kamaratiattha. Methunam uppadetvati dhitaram va puttam va uppadetva "idani paveni ghatiyissati"ti nikkhamitva pabbajati. Sugatim saggam lokanti brahmalokameva sandhayetam vuttam. Devasamo hotiti dibbaviharehi samannagatatta devasamo nama hoti. Tameva puttassadam nikamayamanoti yvassa dhitaram va puttam va jatam disva puttapemam puttassado uppajjati, tam patthayamano icchamano. Kutumbam ajjhavasatiti kutumbam santhapetva kutumbamajjhe vasati. Sesamettha uttanamevati.

The Pali Atthakatha in Roman Book 16 page 72-73. http://84000.org/tipitaka/atthapali/read_rm.php?B=16&A=1604&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=16&A=1604&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=22&i=192 เนื้อความพระไตรปิฎกฉบับหลวง :- http://84000.org/tipitaka/read/r.php?B=22&A=5215 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=22&A=5257 The Pali Tipitaka in Roman Character :- http://84000.org/tipitaka/read/roman_read.php?B=22&A=5257 Contents of The Tipitaka Volume 22 http://84000.org/tipitaka/read/?index_22