|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
Pavaranakkhandhakavannana -------------- {209} pavaranakkhandhake neva alapeyyama na sallapeyyamati ettha alapo nama pathamavacanam sallapo nama pacchimavacanam. Hatthavilanghakenati hatthukkhepakena. Pasusamvasanti pasunam viya samvasam. Pasavopi hi attano uppannam sukhadukkham annamannassa na arocenti patisantharam na karonti tatha etepi akamsu. Tasma nesam samvaso pasusamvasoti vuccati. Esa nayo sabbattha. Na bhikkhave mugavattam titthiyasamadananti imam temasam na kathetabbanti evarupam vattasamadanam na katabbam. Adhammikakatika hi esa. Annamannanulomatati annamannam vattum anulomabhavo. Vadantu mam ayasmantoti hi vadantam sakka hoti kinci vattum na itaram. Apattivutthanata vinayapurekkharatati apattihi vutthanabhavo vinayam purato katva caranabhavo. Vadantu mam ayasmantoti hi vadanto apattihi vutthahissati vinayanca purakkhitva viharatiti vuccati. {210} Sunatu me bhante sangho ajja pavarana yadi sanghassa pattakallam sangho pavareyyati ayam sabbasangahika nama natti. Evam hi vutte tevacikam dvevacikanca ekavacikanca pavaretum vattati samanavassikameva na vattati. Tevacikam--------------------------------------------------------------------------------------------- page168.
Pavareyyati vutte pana tevacikameva vattati annam na vattati. Dvevacikam pavareyyati vutte dvevacikanca tevacikanca vattati ekavacikanca samanavassikanca na vattati. Ekavacikam pavareyyati vutte pana ekavacikadvevacikatevacikani vattanti samanavassikameva na vattati. Samanavassikanti vutte sabbam vattati. {211} Acchantiti nisinnava honti na utthahanti. Tadanantarati tadanantaram tavattakam kalanti attho. {212} Catuddasika ca pannarasika cati ettha catuddasikaya ajja pavarana catuddasiti evam pubbakiccam katabbam pannarasikaya ajja pavarana pannarasiti. Pavaranakammesu sace ekasmim vihare pancasu bhikkhusu vasantesu ekassa pavaranam aharitva cattaro gananattim thapetva pavarenti catusu va tisu va vasantesu ekassa pavaranam aharitva tayo va dve va sanghanattim thapetva pavarenti sabbametam adhammena vaggam pavaranakammam. Sace pana sabbepi panca jana ekato sannipatitva gananattim thapetva pavarenti cattaro va tayo va dve va vasanta ekato sannipatitva sanghanattim thapetva pavarenti sabbametam adhammena samaggam pavaranakammam. Sace pancasu janesu ekassa pavaranam aharitva cattaro sanghanattim thapetva pavarenti catusu va tisu va ekassa pavaranam aharitva tayo va dve va gananattim thapetva pavarenti sabbametam dhammena vaggam pavaranakammam. Sace pana sabbepi panca jana--------------------------------------------------------------------------------------------- page169.
Ekato sannipatitva sanghanattim thapetva pavarenti cattaro va tayo va ekato sannipatitva gananattim thapetva pavarenti dve annamannam pavarenti eko vasanto adhitthanapavaranam karoti sabbametam dhammena samaggam pavaranakammanti. {213} Dinna hoti pavaranati ettha evam dinnaya pavaranaya pavaranaharakena sangham upasankamitva evam pavaretabbam tisso bhante bhikkhu sangham pavareti ditthena va sutena va parisankaya va vadatu tam bhante sangho anukampam upadaya passanto patikarissati. Dutiyampi bhante... Tatiyampi bhante tisso bhikkhu sangham pavareti ditthena va sutena va parisankaya va .pe. Patikarissatiti. Sace pana vuddhataro hoti ayasma bhante tissoti vattabbam. Evanhi tena tassatthaya pavaritam hotiti. Pavaranam dentena chandampi datunti ettha chandadanam uposathakkhandhake vuttanayeneva veditabbam. Idhapi ca chandadanam avasesasanghakammatthaya tasma sace pavaranam dento chandam deti vuttanayeneva ahataya pavaranaya arocitaya tena ca bhikkhuna sanghena ca parivaritameva hoti. Atha pavaranameva deti na chandam tassa ca pavaranaya arocitaya sanghena ca pavarite sabbesam suppavaritam hoti annampana kammam kuppati. Sace pana chandameva deti na pavaranam sanghassa pavarana ca sesakammani ca na kuppanti tena pana bhikkhuna appavaritam hoti. Pavaranadivase pana--------------------------------------------------------------------------------------------- page170.
Bahisimaya pavaranam adhitthahitva agatenapi chando databbo tena sanghassa pavaranakammam na kuppati. {218} Ajja me pavaranati ettha sace catuddasika hoti ajja me pavarana catuddasi sace pannarasika ajja me pavarana pannarasiti evam adhitthatabbam. {219} Tadahupavaranaya apattinti- adi vuttanayameva. {222} Puna pavaretabbanti puna pubbakiccam katva nattim thapetva sanghattherato patthaya pavaretabbam. Sesam uposathakkhandhakavannanayam vuttanayeneva veditabbam. {228} Agantukehi avasikanam anuvattitabbanti ajja pavarana catuddasiti etadeva pubbakiccam katabbam. Pannarasikapavaranayapi eseva nayo. Avasikehi nissimam gantva pavaretabbanti assavasane ayam palimuttakavinicchayo sace purimikaya panca bhikkhu vassam upagata pacchimikayapi panca purimehi nattim thapetva pavarite pacchimehi tesam santike parisuddhiuposatho katabbo na ekasmim uposathagge dve nattiyo thapetabba. Sacepi pacchimikaya upagata cattaro tayo dve eko va hoti eseva nayo. Atha purimikaya cattaro pacchimikayapi cattaro tayo eko va eseva nayo. Athapi purimikaya tayo pacchimikayapi tayo dve eko va eseva nayo. Idam hettha lakkhanam sace purimikaya upagatehi pacchimikaya upagata thokatara ceva honti samasama va sanghapavaranaya ca ganam purenti--------------------------------------------------------------------------------------------- page171.
Sanghapavaranavasena natti thapetabbati. Sace pana purimikaya tayo pacchimikaya eko hoti tena saddhim cattaro honti catunnam sanghanattim thapetva pavaretum na vattati. Gananattiya pana so ganapurako hoti tasma ganavasena nattim thapetva purimehi pavaretabbam itarena tesam santike parisuddhiuposatho katabbo. Purimikaya dve pacchimikaya dve va eko va hoti eseva nayo. Purimikaya eko pacchimikaya eko hoti ekena ekassa santike pavaretabbam ekena parisuddhiuposatho katabbo. Sace purimavassupagatehi pacchimavassupagata ekenapi adhikatara honti pathamam patimokkham uddisitva paccha thokatarehi tesam santike pavaretabbam. Kattikacatummasiniya pavaranaya pana sace pathamam vassupagatehi mahapavaranaya pavaritehi paccha upagata adhikatara va samasama va honti pavarananattim thapetva pavaretabbam. Tehi pavarite paccha itarehi nesam santike parisuddhiuposatho katabbo. Atha mahapavaranaya pavarita bahu honti paccha vassupagata thoka va eko va patimokkhe udditthe paccha tesam santike tena pavaretabbam. {233} Na ca bhikkhave appavaranaya pavaretabbam annatra sangha- samaggiyati ettha kosambikasamaggisadisava samaggi veditabba. Ajja pavarana samaggiti evancettha pubbakiccam katabbam. Ye pana kismincideva appamattake pavaranam thapetva samagga honti tehi--------------------------------------------------------------------------------------------- page172.
Pavaranayameva pavarana katabba. Samaggipavaranam karontehi ca pathamapavaranam thapetva patipadato patthaya yava kattikacatummasi- punnama etthantare katabba tato paccha va pure va na vattati. {234} Dvevacikam pavaretunti ettha nattim thapentenapi yadi sanghassa pattakallam sangho dvevacikam pavareyyati vattabbam ekavacike ekavacikam pavareyyati. Samanavassikepi samanavassikam pavareyyati vattabbam ettha ca bahupi samanavassa ekato pavaretum labhanti. {236} Bhasitaya lapitaya apariyositayati ettha sabbasangahikanca puggalikancati dubbidham pavaranatthapanam. Tattha sabbasangahike sunatu me bhante sangho .pe. Sangho tevacikam pavare iti sukarato yava rekaro tava bhasita lapita apariyositava hoti pavarana etthantare ekapadepi thapentena thapita hoti pavarana. Yakare pana patte pariyosita hoti tasma tato patthaya thapentena atthapita hoti. Puggalikatthapane pana sangham bhante pavaremi .pe. Dutiyampi... Tatiyampi bhante sangham pavaremi ditthena va sutena va parisankaya va .pe. Passanto patiti sankarato yava ayam sabbapacchimo tikaro tava bhasita lapita apariyositava hoti pavarana etthantare ekapadepi thapentena thapita hoti pavarana. Karissamiti vutte pana--------------------------------------------------------------------------------------------- page173.
Pariyositava hoti yasma karissamiti vutte pana pariyositava hoti tasma karissamiti ekasmim pade patte thapitapi atthapitava hoti. Esa nayo dvevacikaekavacikasamanavassikasu. Etasupi hi pavaranasu sankarato tikaravasanamyeva thapanak khettanti. {237} Anuyunjiyamanoti anuyogam katva kimhi nam thapesiti parato vuttanayena pucchiyamano. Omadditvati etani alam bhikkhu ma bhandanantiadini vacanani vatva. Vacanomaddana hi idha omaddanati adhippeta. Anuddhamsitam patijanatiti amulakena parajikena anuddhamsito ayam mayati evam patijanati. Yathadhammanti sanghadisesena anuddhamsane pacittiyam itarehi dukkatam. Nasetvati linganasanaya nasetva. {238} Sassa yathadhammam patikatati ettakameva vatva pavarethati vattabbo asuka nama apattiti idampana na vattabbam etanhi kalahassa mukham hoti. {239} Idam vatthum pannayati na puggaloti ettha cora kira arannavihare pokkharanito macche gahetva pacitva khaditva agamamsu. So tam vippakaram disva bhikkhussa imina kammena bhavitabbanti sallakkhetva evamaha. Vatthum thapetva sangho pavareyyati yada tam puggalam janissama tada tam codessama idani pana sangho pavaretuti ayamettha attho. Idaneva nam vadehiti sace imina vatthuna kanci puggalam parisankasi idaneva nam apadisahiti attho. Sace apadisati tam puggalam anavijjitva--------------------------------------------------------------------------------------------- page174.
Pavaretabbam no ce apadisati upaparikkhitva janissamati pavaretabbam. Ayam puggalo pannayati na vatthunti ettha eko bhikkhu malagandhavilepanehi cetiyam va pujesi arittham va pivi tassa tadanurupo sariragandho hoti so tam gandham sandhaya imassa bhikkhuno gandhoti vatthum pakasento evamaha. Puggalam thapetva sangho pavareyyati etam puggalam thapetva sangho pavaretuti. Idaneva nam vadehiti yam tvam puggalam thapapesi tassa puggalassa idaneva dosam vadehi. Sace ayamassa dosoti vadati tam puggalam sodhetva pavaretabbam atha ca naham janamiti vadati upaparikkhitva janissamati pavaretabbam. Idam vatthunca puggalo ca pannayatiti purimanayeneva corehi macche gahetva pacitva paribhuttatthananca gandhadihi nhanatthananca disva pabbajitassedam kammanti mannamano so evamaha. Idaneva nam vadehiti idaneva tena vatthuna parisankitapuggalam vadehi. Idampana ubhayam disva ditthakalato patthaya vinicchinitvava pavaretabbam. Kallam vacanayati kallacodanaya codetum vattatiti attho. Kasma. Pavaranato pubbe avinicchitatta paccha ca disva coditattati. Ukkotanakam pacittiyanti idanhi ubhayam pubbe pavaranaya disva vinicchinitvava bhikkhu pavarenti tasma puna tam ukkotentassa apatti. {240} Dve tayo uposathe catuddasike katunti ettha catutthapancama dve catuddasika tatiyo pana pakatiyapi catuddasikoyevati tasma--------------------------------------------------------------------------------------------- page175.
Tatiyacatuttha va tatiyacatutthapancama va dve tayo catuddasika katabba. Atha catutthe kate te sunanti pancamo catuddasiko katabbo. Evampi dve catuddasika honti. Evam karonta bhandanakarakanam terase va catuddase va ime pannarasipavaranam pavaressanti. Evam pavarentehi ca bahisimaya samanere thapetva te agacchantiti sutva lahum lahum sannipatitva pavaretabbam. Etamattham dassetum te ce bhikkhave .pe. Tatha karontuti vuttam. Asamvihitati asamvidahita agamanajananatthaya akatasamvidahana avinnatava hutvati attho. Tesam vikkhitvati kilantattha muhuttam vissamathatiadina nayena sammoham katvati attho. No ce labhethati no ca bahisimam gantum labheyyum bhandanakarakanam samanerehi ceva daharabhikkhuhi ca nirantaram anubaddhava honti. Agame junheti yam sandhaya agame junhe pavareyyamati nattim thapesum tasmim agame junhe. Komudiya catummasiniya akama pavaretabbanti avassam pavaretabbam na hi tam atikkamitva pavaretum labbhati. Tehi ce bhikkhave bhikkhuhi pavariyamaneti evam catummasiniya pavariyamane. {241} Annataro phasuviharoti tarunasamatho va tarunavipassana va. Paribahira bhavissamati anibaddharattitthanadivatthanadibhedena bhavananuyogam sampadetum asakkonta bahira bhavissama. Sabbeheva ekajjham sannipatitabbanti imina chandadanam patikkhipati. Bhinnassa--------------------------------------------------------------------------------------------- page176.
Hi sanghassa samaggakaranakale tinavattharakasamathe imasminca pavarana- sangaheti imesu tisu thanesu chandam datum na vattati. Pavarana- sangaho ca namayam vissatthakammatthananam thamagatasamathavipassananam sotapannadinanca na databbo. Tarunasamathavipassanalabhino pana sabbe va hontu upaddha va ekapuggalo va ekassapi vasena databboyeva. Dinne pavaranasangahe antovassam pariharova hoti agantuka tesam senasanam gahetum na labhanti tehipi chinnavassehi na bhavitabbam pavaretva pana antarapi carikam pakkamitum labhantiti dassanattham tehi ce bhikkhavetiadimaha. Sesam sabbattha uttanamevati. Pavaranakkhandhakavannana nitthita. -----------The Pali Atthakatha in Roman Book 3 page 167-176. http://84000.org/tipitaka/atthapali/read_rm.php?B=3&A=3442&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=3&A=3442&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=4&i=224 เนื้อความพระไตรปิฎกฉบับหลวง :- http://84000.org/tipitaka/read/r.php?B=4&A=6282 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=4&A=6386 The Pali Tipitaka in Roman Character :- http://84000.org/tipitaka/read/roman_read.php?B=4&A=6386 Contents of The Tipitaka Volume 4 http://84000.org/tipitaka/read/?index_4
        |
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]