|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
Katipucchavaravannana --------- {271} idani apattiadikotthasesu kosallajananattham kati apattiyoti- adina nayena matikam thapetva niddesapatiniddesavasena vibhango vutto. Tattha kati apattiyoti matikaya ca vibhange ca agatapatti- puccha. Esa nayo dutiyapadepi. Kevalanhettha apattiyo eva rasivasena khandhati vutta. Vinitavatthuniti tasam apattinam vinayapuccha. Vinitam vinayo vupasamoti idanhi atthato ekam. Vinitaniyeva vinitavatthuniti ayamettha padattho. Idani yesu sati apattiyo honti asati na honti te dassetum kati agaravati pucchadvayam. Vinitavatthuniti ayam pana tesam agaravanam vinayapuccha. Yasma pana ta apattiyo vipattiappatta nama natthi tasma kati vipattiyoti ayam apattinam vipattibhavapuccha. Kati apatti- samutthanati tasamyeva apattinam samutthanapuccha. Vivadamulani anuvadamulaniti ima vivadadhikaranam anuvadadhikarananti agatanam vivadanuvadanam mulapuccha. Saraniya dhammati vivadanuvadamulanam abhavakaranadhammapuccha. Bhedakaravatthuniti ayam bhedasamvattanikam va adhikaranantiadisu vuttabhedakaranapuccha. Adhikarananiti bhedakaravatthusu sati uppajjanakadhammapuccha. Samathati tesamyeva vupasamanadhammapuccha.--------------------------------------------------------------------------------------------- page482.
Panca apattiyoti matikaya agatavasena vutta. Sattati vibhange agatavasena. Araka etehi ramatiti arati. Bhusa va rati arati. Vina etehi ramatiti virati. Paccekam paccekam viratiti pativirati. Veram manati vinasetiti veramani. Na etaya ete apattikkhandha kariyantiti akiriya. Yam etaya asati apattikkhandhakaranam uppajjeyya tassa patipakkhato akaranam. Apattikkhandhaajjhapattiya patipakkhato anajjhapatti. Velanato vela calanato vinasanatoti attho. Niyyanam sinoti bandhati nivaretiti setu. Apattik- khandhanametam adhivacanam. So setu etaya hannatiti setughato. Sesavinitavatthuniddesesupi eseva nayo. Buddhe agaravotiadisu yo buddhe dharamane upatthanam na gacchati parinibbute cetiyatthanam bodhitthanam na gacchati cetiyam va bodhim va na vandati cetiyangane sachatto saupahano ca carati natthetassa buddhe garavoti veditabbo. Yo pana sakkontoyeva dhammassavanam na gacchati sarabhannam na bhanati dhammakatham na katheti dhammassavanaggam bhinditva gacchati vikkhitto va anadaro va nisidati natthetassa dhamme garavo. Yo theranavamajjhimesu cittikaram na paccupatthapeti uposathagaravitakkamalakadisu kayapagabbhiyam dasseti yathavuddham na vandati natthetassa sanghe garavo. Tisso sikkha samadaya asikkhamanoyeva pana sikkhaya agaravoti veditabbo.--------------------------------------------------------------------------------------------- page483.
Pamade ca sativippavase titthamanoyeva appamadalakkhanam abruhayamano appamade agaravoti veditabbo. Tatha amisapatisantharam dhammapatisantharanti imam duvidham patisantharam akarontoyeva patisanthare agaravoti veditabbo. Garavaniddese vuttavipariyayena attho veditabbo. {272} Vivadamulaniddese. Sattharipi agaravotiadinam buddhe agaravadisu vuttanayeneva attho veditabbo. Appatissoti anicavutti na sattharam jetthakam katva viharati. Ajjhattam vati attano santane va attano pakkhe va sakaya parisayati attho. Bahiddha vati parasantane va parapakkhe va. Tattha tumheti tasmim ajjhattabahiddhabhede saparasantane va saparaparisaya va. Pahanaya vayameyyathati mettabhavanadihi nayehi pahanattham vayameyyatha. Mettabhavanadinayena hi tam ajjhattampi bahiddhapi pahiyyati. Anavassavayati appavattibhavaya. Sanditthiparamasiti sakameva ditthim paramasati yam attana dittham tam idameva saccanti ganhati. Adhanagahiti dalhagahi. {273} Anuvadamulaniddeso kincapi vivadamulaniddeseneva samano. Athakho attharasa bhedakaravatthuni nissaya vivadantanam kodhupanahadayo vivadamulani. Tatha vivadanta pana silavipattiadisu annataram vipattim apajjitva asuko nama bhikkhu asukam nama vipattim apannoti va parajikam apannosi sanghadisesam apannositi va--------------------------------------------------------------------------------------------- page484.
Anuvadanti. Evam anuvadantanam kodhupanahadayo anuvadamulaniti ayamettha viseso. {274} Saraniyadhammaniddese. Mettacittena katam kayakammam mettam kayakammam nama. Avi ceva raho cati sammukha ca parammukha ca. Tattha navakanam civarakammadisu sahayabhavagamanam sammukha mettam kayakammam nama. Theranam pana padadhovanavijanavatadanadibhedampi sabbam samicikammam sammukha mettam kayakammam nama. Ubhayehipi dunnikkhittanam darubhandadinam tesu avannam akatva attana dunnikkhittanam viya patisamanam parammukha mettam kayakammam nama. Ayampi dhammo saraniyoti ayam mettakayakammasankhato dhammo saritabbo. Satikhanako yo nam karoti tam puggalam yesam kato hoti te pasannacitta aho sappurisoti anussarantiti adhippayo. Piyakaranoti tam puggalam sabrahmacarinam piyam karoti. Garukaranoti tam puggalam sabrahmacarinam garum karoti. Sangahayatiadisu sabrahmacarihi sangahetabbabhavaya tehi saddhim avivadanaya samaggabhavaya ekibhavaya samvattati. Mettam vacikammantiadisu devatthero tissattheroti evam paggayha vacanam sammukha mettam vacikammam nama. Vihare asante pana tam patipucchantassa kuhim amhakam devatthero kuhim amhakam tissatthero kada nu kho agamissatiti evam mamayanavacanam parammukha mettam vacikammam nama. Mettasinehasiniddhani pana nayanani ummiletva pasannena mukhena olokanam sammukha--------------------------------------------------------------------------------------------- page485.
Mettam manokammam nama. Devatthero tissatthero arogo hotu appabadhoti samannaharanam parammukha mettam manokammam nama. Appativibhattabhogiti neva amisam pativibhajitva bhunjati na puggalam. Yo hi ettakam paresam dassami ettakam attana bhunjissami ettakam va asukassa ca asukassa ca dassami ettakam attana bhunjissamiti vibhajitva bhunjati ayam pativibhattabhogi nama. Ayam pana evam akatva abhatam pindapatam therasanato patthaya datva gahitavasesam bhunjati. Silavantehiti vacanato dussilassa adatumpi vattati. Saraniyadhammapurakena pana sabbesam databbamevati vuttam. Gilanagilanupatthakaagantukagamikacivarakammadipasutanam viceyyadanampi vattati. Na hi ete vicinitva dentena puggalavibhago kato hoti. Idisanam hi kicchalabhatta viseso katabboyevati ayam karoti. Akhandanitiadisu yassa sattasu apattikkhandhesu adimhi va ante va sikkhapadam bhinanam hoti tassa silam pariyante chinnasatako viya khandam nama. Yassa pana vemajjhe bhinnam tassa majjhe chiddasatako viya chiddam nama hoti. Yassa patipatiya dve tini bhinnani tassa pitthiyam va kucchiyam va utthitena visabhagavannena kalarattadinam annatarasariravanna gavi viya sabalam nama hoti. Yassa antarantara bhinnani tassa antarantara visabhagavannabinduvicitra gavi viya kammasannama hoti. Yassa pana sabbena sabbam abhinnani silani tassa tani silani akhandani--------------------------------------------------------------------------------------------- page486.
Acchiddani asabalani akammasani nama honti. Tani panetani bhujissabhavakaranato bhujissani vinnuhi pasatthatta vinnupasatthani tanhaditthihi aparamatthatta aparamatthani upacarasamadhim va appanasamadhim va samvattayantiti samadhisamvattanikaniti vuccanti. Silasamannagato viharatiti tesu tesu disabhagesu viharantehi kalyanasilehi bhikkhuhi saddhim samanabhavupagatasilo viharati. Yayam ditthiti maggasampayutta sammaditthi. Ariyati niddosa. Niyyatiti niyyanika. Takkarassati yo tathakari hoti. Dukkhakkhayayati sabbadukkhassa khayattham. Sesam yava samathabhedapariyosana uttanatthameva. Katipucchavaravannana nitthita. ----------The Pali Atthakatha in Roman Book 3 page 481-486. http://84000.org/tipitaka/atthapali/read_rm.php?B=3&A=9803&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=3&A=9803&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=4&i=181 เนื้อความพระไตรปิฎกฉบับหลวง :- http://84000.org/tipitaka/read/r.php?B=4&A=4729 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=4&A=4822 The Pali Tipitaka in Roman Character :- http://84000.org/tipitaka/read/roman_read.php?B=4&A=4822 Contents of The Tipitaka Volume 4 http://84000.org/tipitaka/read/?index_4
        |
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]