|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
2. Purisavimana 5. Maharathavagga 51. 1. Mandukadevaputtavimanavannana maharathavagge ko me vandati padaniti mandukadevaputtavimanam. Tassa ka uppatti? bhagava campayam viharati gaggaraya pokkharaniya tire. So paccusavelayam buddhacinnam mahakarunasamapattim samapajjitva tato vutthaya veneyyabandhave satte volokento addasa "ajja mayi sayanhasamaye dhammam desente eko manduko mama sare nimittam ganhanto parupakkamena maritva devaloke nibbattitva mahata devaparivarena mahajanassa passantasseva agamissati, tattha bahunam dhammabhisamayo bhavissati"ti disva pubbanhasamayam nivasetva pattacivaramadaya mahata bhikkhusamghena saddhim campanagaram pindaya pavisitva bhikkhunam sulabhapindapatam katva katabhattakicco viharam pavisitva bhikkhusu vattam dassetva attano attano divatthanam gatesu gandhakutim pavisitva phalasamapattisukhena divasabhagam khepetva sayanhasamaye catusupi 1- parisasu sannipatitasu surabhigandhakutito nikkhamitva tamkhananurupena patihariyena pokkharanitire dhammasabhamandapam pavisitva alankatapavarabuddhasane 2- nisinno manosilatale sihanadam nadanto achambhitakesarasiho viya atthangasamannagatam brahmassaram niccharento acinteyyena buddhanubhavena anupamaya buddhalilaya dhammam desetum arabhi. Tasmim ca khane eko manduko pokkharanito agantva "dhammo eso vuccati"ti dhammasannaya sare nimittam ganhanto parisapariyante nipajji. Atheko vacchapalo @Footnote: 1 cha.Ma. catusu 2 cha.Ma. alankatavara....--------------------------------------------------------------------------------------------- page251.
Tam padesam agato sattharam dhammam desentam parisanca paramena upasamena dhammam sunantam disva taggatamanaso dandamolubbha titthanto mandukam anoloketva tassa sise sannirumbhitva 1- atthasi. So dhammasannaya pasannacitto tavadeva kalam katva tavatimsabhavane dvadasayojanike kanakavimane nibbattitva suttappabuddho viya tattha accharasanghaparivutam attanam disva "kuto nu kho agato 2- aham idha nibbatto"ti avajjento purimajatim disva "ahampi 3- nama idha uppajjim, idisanca sampattim patilabhim, kim nu kho kammam akasin"ti upadharento annam na addasa annatara bhagavato sare nimittaggaha. So tavadeva saha vimanena agantva vimanato otaritva mahajanassa passantasseva mahata parivarena mahantena dibbanubhavena upasankamitva bhagavato pade sirasa vanditva anjalim paggayha namassamano atthasi. Atha nam bhagava janantova mahajanassa kammassa phalam buddhanubhavam ca paccakkham katum:- [857] "ko me vandati padani iddhiya yasasa jalam abhikkantena vannena sabba obhasayam disa"ti pucchi. Tattha koti devanagayakkhamanussadisu ko, katamoti attho. Meti mama. Padaniti pade. Iddhiyati imaya idisaya deviddhiya. Yasasati imina idisena parivarena paricchedena ca. Jalanti vijjotamano. Abhikkantenati ativiya kantena kamaniyena sundarena. Vannenati chavivannena, sariravannanibhayati attho. Atha devaputto attano purimajatiadim avikaronto 4- imahi gathahi byakasi:- @Footnote: 1 Ma. sannirujjhitva 2 cha.Ma. ayam patho na dissati @3 Si.,i. are ahampi 4 Si.,i. kathento--------------------------------------------------------------------------------------------- page252.
[858] "mandukoham pure asim udake varigocaro tava dhammam sunantassa avadhi vacchapalako. [859] Muhuttam cittapasadassa iddhim passa yasanca me anubhavanca me passa vannam passa jutinca me. [860] Ye ca te dighamaddhanam dhammam assosum gotama patta te acalatthanam yattha gantva na socare"ti. #[858] Tattha pureti purimajatiyam. Udaketi idam tada attano uppattitthana- dassanam. Udake mandukoti etena uddhumayikadikassa thale mandukassa nivattanam katam hoti. Gavo caranti etthati gocaro, gocaro viyati gocaro, ghasesanatthanam. Vari udakam gocaro etassati varigocaro. Udakacaripi hi koci kacchapadi avarigocaropi hotiti "varigocaro"ti visesetva vuttam. Tava dhammam sunantassati brahmassarena karavikarutamanjuna desentassa tava dhammam "dhammo eso vuccati"ti sare nimittaggahavasena sunantassa, anadare cetam samivacanam veditabbam. Avadhi vacchapalakoti vacche rakkhanto gopaladarako mama samipam agantva dandamo lubbhitva titthanto mama sise dandam sannirumbhitva mam maresi. #[859] Muhuttam cittapasadassati tava dhamme muhuttamattam uppannassa citta- pasadassa hetubhutassa. Iddhinti samiddhim, dibbavibhutinti attho. Yasanti parivaram. Anubhavanti kamavannitadidibbanubhavam. Vannanti sariravannasampattim. Jutinti dvadasayojanani pharanasamattham pabhavisesam. #[860] Yeti ye satta. Casaddo byatireke. Teti tava. Dighamaddhananti bahuvelam. Assosunti sunimsu. Gotamati bhagavantam gottena alapati. Acalatthananti nibbanam. Ayam hettha attho:- gotama bhagava aham viya itarameva--------------------------------------------------------------------------------------------- page253.
Kalam asunitva ye pana katapunna ciram kalam tava dhammam assosum sotum labhimsu, te digharattam samsarabyasanabhibhuta ime satta yattha gantva na soceyyum, tam asokam sassatabhavena acalam santipadam patta eva, na tesam tassa pattiya antarayoti. Athassa bhagava sampattaparisaya ca upanissayasampattim oloketva vittharena dhammam desesi, desanapariyosane so devaputto sotapattiphale patitthahi, caturasitiya panasahassanam dhammabhisamayo ahosi. So devaputto bhagavantam vanditva tikkhattum padakkhinam katva bhikkhusamghassa ca anjalim katva saha parivarena devalokameva gatoti. Mandukadevaputtavimanavannana nitthita. ---------------The Pali Atthakatha in Roman Book 30 page 250-253. http://84000.org/tipitaka/atthapali/read_rm.php?B=30&A=5264&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=30&A=5264&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=26&i=51 เนื้อความพระไตรปิฎกฉบับหลวง :- http://84000.org/tipitaka/read/r.php?B=26&A=1803 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=26&A=1804 The Pali Tipitaka in Roman Character :- http://84000.org/tipitaka/read/roman_read.php?B=26&A=1804 Contents of The Tipitaka Volume 26 http://84000.org/tipitaka/read/?index_26
        |
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]