บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
3. Tatiyapithavimanavannana pithante sovannamayanti tatiyapithavimanam. Tassa vatthu rajagahe samutthitam. Annataro kira khinasavatthero rajagahe pindaya caritva bhattam gahetva upakatthe kale bhattakiccam katukamo ekam vivatadvaram geham upasankami. Tasmim pana gehe gehasamini itthi saddha pasanna therassa akaram sallakkhetva "etha bhante idha nisiditva bhattakiccam karotha"ti attano bhaddapitham pannapetva upari pitavattham attharitva nirapekkhapariccagavasena adasi, "idam me punnam ayatim sovannapithapatilabhatthaya paccayo hotu"ti 1- patthananca patthapesi. Atha there tattha nisiditva bhattakiccam katva pattam dhovitva 2- utthaya gacchante "bhante idamasanam tumhakamyeva pariccattam, mayham anuggahattham paribhunjatha"ti aha. Thero tassa anukampaya tam pitham sampaticchitva samghassa dapesi. Sa aparena samayena annatarena rogena phuttha kalam katva tavatimsabhavane nibbattitiadi sabbam pathamavimanavannanayam vuttanayeneva veditabbam. Tena vuttam:- [15] "pithante sovannamayam ularam manojavam gacchati yenakamam @Footnote: 1 cha.Ma....patilabhaya hotuti 2 Si. pattam vodakam katva--------------------------------------------------------------------------------------------- page28.
Alankate malyadhare suvatthe obhasasi vijjurivabbhakutam. [16] Kena te'tadiso vanno kena te idha mijjhati uppajjanti ca te bhoga ye keci manaso piya. [17] Pucchami tam devi mahanubhave manussabhuta kimakasi punnam kenasi evanjalitanubhava vanno ca te sabbadisa pabhasatiti. [18] Sa devata attamana moggallanena pucchita panham puttha viyakasi yassa kammassidam phalam. [19] Appassa kammassa phalam mamedam yenamhi evanjalitanubhava aham manussesu manussabhuta purimaya jatiya manussaloke. [20] Addasam virajam bhikkhum vippasannamanavilam tassa adasaham pitham pasanna sehi panibhi. [21] Tena me'tadiso vanno tena me idha mijjhati uppajjanti ca me bhoga ye keci manaso piya. [22] Akkhami te bhikkhu mahanubhava manussabhuta yamakasi punnam--------------------------------------------------------------------------------------------- page29.
Tenamhi evanjalitanubhava vanno ca me sabbadisa pabhasati"ti. #[19] Yanca pana pancamagathayam purimaya jatiya manussaloketiadi, ettha jatisaddo attheva sankhatalakkhane "jati dvihi khandhehi sangahita"tiadisu. 1- Atthi nikaye "nigantha nama samanajati"tiadisu. 2- Atthi patisandhiyam "yam matukucchismim pathamam cittam uppannam, pathamam vinnanam patubhutam, tadupadaya savassa jati"ti- adisu. 3- Atthi kule "akkhitto anupakuttho jativadena"tiadisu. 4- Atthi pasutiyam "sampatijato ananda bodhisatto"tiadisu. 5- Atthi bhave "ekampi jatim dvepi jatiyo"tiadisu. 6- Idhapi bhave eva datthabbo. Tasma purimaya jatiya purimasmim bhave anantaratite purime attabhaveti attho. Bhummatthe hi idam karanavacanam. Manussaloketi manussalokabhave, rajagaham sandhaya vadati. Okasaloko hi idha adhippeto, sattaloko pana "manussesu"ti imina vuttoyeva. #[20] Addasanti addakkhim. Virajanti vigataragadirajatta virajam. Bhikkhunti bhinnakilesatta bhikkhum, sabbaso kilesakalussiyabhavena vippasannacittataya vippasannam, anavilasankappataya anavilam. Purimam purimam cettha padam pacchimassa pacchimassa karanavacanam, vigataragadirajatta bhinnakilesataya bhikkhum, bhinnakilesatta kilesakalussiyabhavena vippasannam, vippasannamanatta anavilanti. Pacchimam pacchimam va padam purimassa purimassa karanavacanam, virajam bhikkhugunayogato 7- bhinnakileso hi bhikkhu. Bhikkhum vippasannabhavato. Kilesakalussiyabhavena vippasannamanaso hi bhikkhu. Vippasannam anavilasankappabhavatoti. Ragarajabhavena va "virajan"ti vuttam, @Footnote: 1 abhi.dha. 36/71/13 2 an.tika. 20/71/200 3 vi.maha. 4/124/135 @4 di.Si. 9/331/129 5 di.maha. 10/31/13, Ma.u. 14/207/173 @6 di.Si. 9/245/82, Ma.mu. 12/52/29 7 ka. bhikkhugunalayayogato--------------------------------------------------------------------------------------------- page30.
Dosakalussiyabhavena "vippasannan"ti, mohabyakulabhavena "anavilan"ti. Evambhuto paramatthato bhikkhu nama hotiti "bhikkhun"ti vuttam. Adasahanti adasim aham. Pithanti tada mama santike vijjamanam bhaddapitham. Pasannati kammaphalasaddhaya ratanattaya- saddhaya ca pasannacitta. Sehi panibhiti annam ananapetva attano hatthehi upaniyapitham pannapetva adasinti attho. Ettha ca "virajam bhikkhum vippasannamanavilan"ti imina khettasampattim dasseti, "pasanna"ti imina cittasampattim, "sehi panibhi"ti imina payogasampattim. Tatha "pasanna"ti imina sakkaccadanam anupahaccadananti ca ime dve danaguna dassita, "sehi panibhi"ti imina sahatthena danam anupaviddhadananti ime dve danaguna dassita, pitavatthassa attharanena nisidanakalannutaya cittim 1- katva danam kalena dananti ime dve danaguna dassitati veditabba. Sesam hettha vuttanayameva. Tatiyapithavimanavannana nitthita. ---------------------The Pali Atthakatha in Roman Book 30 page 27-30. http://84000.org/tipitaka/atthapali/read_rm.php?B=30&A=588&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=30&A=588&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=26&i=3 เนื้อความพระไตรปิฎกฉบับหลวง :- http://84000.org/tipitaka/read/r.php?B=26&A=46 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=26&A=53 The Pali Tipitaka in Roman Character :- http://84000.org/tipitaka/read/roman_read.php?B=26&A=53 Contents of The Tipitaka Volume 26 http://84000.org/tipitaka/read/?index_26
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]