Atthakatha Book 31 : PALI ROMAN
Peta.A. (paramatthadi.)

                   134. 14. Bhogasamharapetivatthuvannana
     mayam bhoge samharimhati idam bhogasamharapetivatthu. Tassa ka uppatti?
     bhagavati veluvane viharante rajagahe kira catasso itthiyo manakutadivasena
sappimadhuteladhannadihi voharam katva ayoniso bhoge samharitva jivanti. Ta 1- kayassa
bheda param marana bahinagare parikhapitthe petiyo hutva nibbattimsu. Ta rattiyam
dukkhabhibhuta:-
         [801] "mayam bhoge samharimha        samena visamena ca
               te anne paribhunjanti        mayam dukkhassa bhagini"ti
vippalapantiyo bheravena mahasaddena viravimsu. Manussa tam sutva bhitatasita vibhataya
rattiya buddhappamukhassa bhikkhusamghassa mahadanam sajjetva sattharam bhikkhusamghanca
nimantetva panitena khadaniyena bhojaniyena parivisitva bhagavantam bhuttavim
onitapattapanim upanisiditva tam pavattim nivedesum. Bhagava "upasaka tena vo saddena
@Footnote: 1 Si.,i. jivantiyo
---------------------------------------------------------------------------------------------
page300.
Koci antarayo natthi, catasso pana petiyo dukkhabhibhuta attana dukkatam kammam
kathetva paridevanavasena vissarena viravantiyo 1-:-
              `mayam bhoge samharimha         samena visamena ca
               te anne paribhunjanti        mayam dukkhassa bhagini'ti
imam gathamahamsu"ti avoca.
     Tattha bhogeti paribhunjitabbatthena "bhoga"ti laddhaname vatthabharanadike
vittupakaranavisese. Samharimhati maccheramalena pariyadinnacitta kassaci kinci adatva
sancinimha. Samena visamena cati nayena ca annayena ca, nayapatirupakena
va annayena 2- te bhoge amhehi samharite idani anne paribhunjanti. Mayam
dukkhassa bhaginiti mayam pana kassacipi sucaritassa akatatta duccaritassa ca katatta
etarahi petayonipariyapannassa mahato dukkhassa bhaginiyo bhavama, mahadukkham
anubhavamati attho.
     Evam bhagava tahi petihi vuttam gatham vatva tasam pavattim kathetva tam
atthuppattim katva sampattaparisaya dhammam desetva upari saccani pakasesi,
saccapariyosane bahu sotapattiphaladini papunimsuti.
                    Bhogasamharapetivatthuvannana nitthita.
                        ----------------


             The Pali Atthakatha in Roman Book 31 page 299-300.
http://84000.org/tipitaka/atthapali/read_rm.php?B=31&A=6635&modeTY=2&pagebreak=1
             อรรถกถาบาลีอักษรไทย :-
http://84000.org/tipitaka/atthapali/read_th.php?B=31&A=6635&modeTY=2&pagebreak=1
             อ่านอรรถกถาแปลไทย :-
http://84000.org/tipitaka/attha/attha.php?b=26&i=134
             เนื้อความพระไตรปิฎกฉบับหลวง :-
http://84000.org/tipitaka/read/r.php?B=26&A=4903
             พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=26&A=5235
             The Pali Tipitaka in Roman Character :-
http://84000.org/tipitaka/read/roman_read.php?B=26&A=5235
             Contents of The Tipitaka Volume 26
http://84000.org/tipitaka/read/?index_26