|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
3. Tatiyavagga 278. 1. Uttarattheragathavannana khandha maya parinnatati ayasmato uttarattherassa gatha. Ka uppatti? ayampi purimabuddhesu katadhikaro tattha tattha bhave vivattupanissayam kusalam upacinanto ito catunavute 1- kappe siddhatthassa bhagavato kale kulagehe nibbattitva vinnutam patto sasane laddhappasado hutva upasakattam pativedesi. So satthari parinibbute attano natake sannipatetva bahum pujasakkaram sambharitva 2- dhatupujam akasi. So tena punnakammena devamanussesu samsaranto imasmim buddhuppade sakete brahmanakule nibbattitva uttaroti laddhanamo vayappatto kenacideva karaniyena savatthim gato kandambamule 3- katam yamakapatihariyam disva pasiditva puna kalakarama- suttadesanaya 4- abhivaddhamanasaddho pabbajitva satthara saddhim rajagaham gantva upasampajjitva tattheva vasanto vipassanam patthapetva na cirasseva chalabhinno ahosi. Tena vuttam apadane 5- :- "nibbute lokanathamhi siddhatthe lokanayake mama nati samanetva 6- dhatupujam akasaham. Catunnavute ito 7- kappe yam dhatumabhipujayim duggatim nabhijanami dhatupujayidam phalam. Kilesa jhapita mayham .pe. katam buddhassa sasanan"ti. Chalabhinno pana hutva satthari savatthiyam viharante buddhupatthanattham @Footnote: 1 Si. dvanavute 2 i. samharitva 3 Si.,i. gandambamule @4 an.catukka. 21/24/29 uruvelavagga, Si. kalakaraMa... 5 khu.apa. 33/76/111 @ dhatupujakattherapadana (sya) 6 Si. mamam nati samanetva 7 cha.Ma. catunnavutito--------------------------------------------------------------------------------------------- page438.
Rajagahato savatthim upagato bhikkhuhi "kim avuso pabbajjakiccam taya matthakam papitan"ti puttho annam byakaronto:- [161] "khandha maya parinnata tanha me susamuhata bhavita mama bojjhanga patto me asavakkhayo. [162] Soham khandhe parinnaya abbahitvana 1- jalinim bhavayitvana bojjhange nibbayissam anasavo"ti gathadvayam abhasi. Tattha khandhati pancupadanakkhandha. Parinnatati "idam dukkham, na ito bhiyyo"ti paricchijja nata bhavita. Tena dukkhassa ariyasaccassa parinnabhisamayamaha. 2- Tanhati tasati paritasatiti tanha. Susamuhatati samugghatita. Etena samudayasaccassa pahanabhisamayam vadati. Bhavita mama bojjhangati bodhisankhataya satiadidhamma- samaggiya, tamsamangino va bodhisankhatassa ariyapuggalassa angati bojjhanga. 3- Satidhammavicayaviriyapitipassaddhisamadhiupekkhasankhata maggapariyapanna dhamma maya bhavita uppadita vaddhita. Bojjhangaggahaneneva cettha tamsahacaritataya 4- sabbe maggadhamma, sabbe ca bodhipakkhiyadhamma gahitati datthabba. Eteneva maggasaccassa bhavanabhisamayam dasseti. Patto me asavakkhayoti kamasavadayo asava khiyanti etthati asavakkhayoti laddhanamo asankhatadhammo maya patto adhigato. Etena nirodhasaccassa sacchikiriyabhisamayam katheti. Ettavata attano saupadisesanibbana- sampattim 5- dasseti. Idani pana anupadisesanibbanasampattim dassento "sohan"tiadina dutiya- gathamaha. Tassattho:- soham 6- evam vuttanayena khandhe parinnaya parijanitva, tatha @Footnote: 1 Ma. abbuhitvana 2 Si.,i. parinnatabhisamayamaha 3 Si.,i. bojjhangati @4 Si.,i.,Ma....caritaya 5 Si. saupadisesanibbanadhatusampattim @6 potthakesu yohanti patho dissati--------------------------------------------------------------------------------------------- page439.
Parijanantoeva sakaattabhavaparaattabhavesu ajjhattikabahirayatanesu atitadibhedabhinnesu samsibbanakaram 1- punappunam pavattisankhatam jalam etassa atthiti jaliniti laddhanamam tanham abbahitvana mama cittasantanato uddharitva, tatha nam uddharantoyeva vuttappabhede bojjhange bhavayitvana te bhavanaparipurim papetva tatoeva anasavo hutva thito idani carimakacittanirodhena anupadano viya jatavedo nibbayissam parinibbayissamiti. Uttarattheragathavannana nitthita. ------------The Pali Atthakatha in Roman Book 32 page 437-439. http://84000.org/tipitaka/atthapali/read_rm.php?B=32&A=9754&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=32&A=9754&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=26&i=278 เนื้อความพระไตรปิฎกฉบับหลวง :- http://84000.org/tipitaka/read/r.php?B=26&A=5820 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=26&A=5973 The Pali Tipitaka in Roman Character :- http://84000.org/tipitaka/read/roman_read.php?B=26&A=5973 Contents of The Tipitaka Volume 26 http://84000.org/tipitaka/read/?index_26
        |
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]