|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
446. 8. Sonatherigathavannana dasa putte vijayitvatiadika sonaya theriya gatha. Ayampi padumuttarassa bhagavato kale hamsavatinagare kulagehe nibbattitva vinnutam patva ekadivasam satthu santike dhammam sunanti sattharam ekam bhikkhunim araddhaviriyanam bhikkhuninam aggatthane thapentam disva adhikarakammam katva sayampi tam thanantaram patthetva yavajivam punnani katva tato cuta kappasatasahassam devamanussesu samsaritva imasmim buddhuppade savatthiyam kulagehe nibbattitva vayappatta patikulam gata dasa puttadhitaro labhitva bahuputtikati pannayittha. Sa samike pabbajite vayappatte puttadhitaro gharavase patitthapetva sabbam dhanam puttanam vibhajitva 1- adasi, na kinci attano thapesi. Tam putta ca puttabhariya 2- ca katipahameva upatthahitva paribhavam akamsu. Sa "kim mayham imehi paribhavaya 3- ghare vasantiya"ti bhikkhuniyo upasankamitva pabbajjam yaci. Tam bhikkhuniyo pabbajesum. Sa laddhupasampada "aham mahallikakale pabbajitva appamattaya bhavitabban"ti bhikkhuninam vattapativattam karonti "sabbarattim samanadhammam karissami"ti hetthapasade ekathambham hatthena gahetva tam avijahamana samanadhammam karonti cankamamanapi "andhakare thane rukkhadisu yattha katthaci me sisam patihanneyya"ti rukkham hatthena gahetva tam avijahamanava samanadhammam karoti. Tato patthaya sa araddhaviriyataya pakata ahosi. Sattha tassa nanaparipakam disva gandhakutiyam nisinnova obhasam pharitva sammukhe nisinno viya attanam dassetva:- "yo ca vassasatam jive apassam dhammamuttamam ekaham jivitam seyyo passato dhammamuttaman"ti 4- gatham abhasi. Sa gathapariyosane arahattam papuni. Tena vuttam apadane 5-:- @Footnote: 1 i. vissajjitva 2 cha.Ma. dhitaro 3 Si. paribhutaya @4 khu.dha. 25/115/37 5 khu.apa. 33/220/377--------------------------------------------------------------------------------------------- page123.
"padumuttaro nama jino sabbadhammana paragu ito satasahassamhi kappe uppajji nayako. Tada setthikule jata sukhita sajjita 1- piya upetva tam munivaram assosim madhuram vacam. Araddhaviriyanaggam vanneti bhikkhunim jino tam sutva mudita hutva karam katvana satthuno. Abhivadiya sambuddham tam thanam patthayim tada anumodi mahaviro sijjhatam panidhi tava. Satasahassito kappe okkakakulasambhavo gotamo nama gottena sattha loke bhavissati. Tassa dhammesu dayada orasa dhammanimmita sonati nama namena hessati satthusavika. Tam sutva mudita hutva yavajivam tada jinam mettacitta paricarim paccayehi vinayakam. Tena kammena sukatena cetanapanidhihi ca jahitva manusam deham tavatimsam aganchaham. Pacchime ca bhave dani jata setthikule aham savatthiyam puravare iddhe phite mahaddhane. Yada ca yobbanam patta gantva patikulam aham dasa puttani ajanim surupani visesato. @Footnote: 1 cha.Ma. pujita--------------------------------------------------------------------------------------------- page124.
Sukhe thita ca te sabbe jananettamanohara amittanampi rucita mama pageva te piya. Tato mayham akamaya dasaputtapurakkhato pabbajittha sa me bhatta devadevassa sasane. Tadekika vicintesim jivitenalamatthu me cattaya 1- patiputtehi vuddhaya ca 2- varakiya. Ahampi tattha gacchissam sampatto yattha me pati evaham cintayitvana pabbajim anagariyam. Tato mamam 3- bhikkhuniyo ekam bhikkhunupassaye vihaya ganchumovadam tapehi udakam iti. Tada udakamahitva 4- okiritvana kumbhiya culle thapetva asina tato cittam samadahim. Khandhe aniccato disva dukkhato ca anattato khepetva asave sabbe arahattam apapunim. Tadagantva bhikkhuniyo unhodakamapucchisum tejodhatum adhitthaya khippam santapayim jalam. Vimhita ta jinavaram etamatthamasavayum tam sutva mudito natho imam gatham abhasatha. Yo ca vassasatam jive kusito hinaviriyo ekaham jivitam seyyo viriyarabhato dalham. @Footnote: 1 jinaYu. khu.apa. 33/232/379 2 buddhayapi. khu.apa. 33/232/379 @3 cha.Ma. ca mam 4 udakamanetva. khu.apa. 33/235/379--------------------------------------------------------------------------------------------- page125.
Aradhito mahaviro maya suppatipattiya araddhaviriyanaggam mamaha sa mahamuni. Kilesa jhapita mayham bhava sabbe samuhata nagiva bandhanam chetva viharami anasava. Svagatam vata me asi buddhasetthassa santike tisso vijja anuppatta katam buddhassa sasanam. Patisambhida catasso vimokkhapi ca atthime chalabhinna sacchikata katam buddhassa sasanan"ti. Atha nam bhagava bhikkhuniyo patipatiya thanantare thapento araddhaviriyanam bhikkhuninam aggatthane thapesi. Sa ekadivasam attano patipattim paccavekkhitva udana- vasena:- "dasa putte vijayitva asmim rupasamussaye tatoham dubbala jinna bhikkhunim upasankamim. Sa me dhammamadesesi khandhayatanadhatuyo tassa dhammam sunitvana kese chetvana pabbajim. Tassa me sikkhamanaya dibbacakkhu visodhitam pubbenivasam janami yattha me vusitam pure. Animittanca bhavemi ekagga susamahita anantaravimokkhasim anupadaya nibbuta. Pancakkhandha parinnata titthanti chinnamulaka dhi tavatthu jare jamme natthi punabbhavo"ti ima gatha abhasi.--------------------------------------------------------------------------------------------- page126.
Tattha rupasamussayeti rupasankhate samussaye. Ayam hi rupasaddo "cakkhunca paticca rupe ca uppajjati cakkhuvinnanan"tiadisu 1- rupayatane agato. "yankinci rupam atitanagatapaccuppannan"tiadisu 2- rupakkhandhe. "piyarupe satarupe rajjati"ti- adisu 3- sabhave. "bahiddha rupani passati"tiadisu 4- kasinayatane. "rupi rupani passati"tiadisu 5- rupajhane. "atthinca paticca naharunca paticca mamsanca paticca cammanca paticca akaso parivarito rupantveva sankhayam 6- gacchati"tiadisu 7- rupakaye. Idhapi rupakayeva datthabbo. Samussayasaddopi atthinam sarirassa pariyayo. "satanti samussaya"tiadisu atthisarirapariyaye. "aturam asucim putim, passa nande samussayan"tiadisu 8- sarire. Idhapi sarire eva datthabbo. Tena vuttam "rupasamussaye"ti, rupasankhate samussaye sarireti attho. Thatvati vacanaseso. Asmim rupasamussayeti hi imasmim rupasamussaye thatva imam rupakayam nissaya dasa putte vijayitvati yojana. Tatoti tasma dasaputtavijayanahetu. Sa hi pathamavayam atikkamitva puttake vijayanti anukkamena dubbalasarira jarajinna ca ahosi. Tena vuttam "tatoham dubbala jinna"ti. Tassati tato, tassati va tassa santike. Puna 9- tassati karane va samivacanam, tayati attho. Sikkhamanayati tissopi sikkha sikkhamana. Anantaravimokkhasinti aggamaggassa anantara uppannavimokkha asim. Rupi rupani passatiti adayo hi atthapi vimokkha anantaravimokkha nama na honti. Magganantaram anuppatta hi phalavimokkha phalasamapattikale 10- pavattamanapi pathama- magganantarameva samuppattito tam upadaya anantaravimokkha nama, yatha maggasamadhi anantarikasamadhiti vuccati. Anupadaya nibbutati rupadisu kincipi aggahetva kilesaparinibbanena nibbuta asim. @Footnote: 1 sam.sala. 18/63/39 (sya) 2 an.catukka. 21/181/195 3 Ma.mu. 12/409/365 @4 di.pa. 11/338/229 5 di.pa. 11/339/231 6 cha.Ma. sankham 7 Ma.mu. 12/306/269 @8 khu.theri. 26/19/435 9 Si.,Ma. puna va 10 Si.,i. pana samapattikale--------------------------------------------------------------------------------------------- page127.
Evam vijjattayam vibhavetva arahattaphalena kutam ganhanti udanetva idani jaraya cirakalam upaddutasariram vigarahanti saha vatthuna tassa samatikkantabhavam vibhavetum "paccakkhandha parinnata"ti osanagathamaha. Tattha dhi tavatthu jare jammeti anganam sithilabhavakaranadina jare jamme lamake hine tava tuyham dhi atthu, dhikaro hotu. Natthi dani punabbhavoti tasma tvam maya atikkanta abhibhutasiti adhippayo. Sonatherigathavannana nitthita. -----------------The Pali Atthakatha in Roman Book 34 page 122-127. http://84000.org/tipitaka/atthapali/read_rm.php?B=34&A=2604&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=34&A=2604&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=26&i=446 เนื้อความพระไตรปิฎกฉบับหลวง :- http://84000.org/tipitaka/read/r.php?B=26&A=9219 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=26&A=9266 The Pali Tipitaka in Roman Character :- http://84000.org/tipitaka/read/roman_read.php?B=26&A=9266 Contents of The Tipitaka Volume 26 http://84000.org/tipitaka/read/?index_26
        |
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]