|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
8 Nandivisalajatakam manunnameva bhaseyyati idam sattha jetavane viharanto chabbaggiyanam bhikkhunam omasavadam arabbha kathesi. Tasmim hi samaye chabbaggiya bhikkhu kalaham karonta pesale bhikkhu khumsenti vambhenti ovijjhanti dasahi akkosavatthuhi akkosanti. Bhikkhu bhagavato arocesum. Bhagava chabbaggiye bhikkhu pakkosapetva saccam kira tumhe kalaham karotha bhikkhaveti pucchitva saccanti vutte vigarahitva bhikkhave pharusavaca nama anatthakarika tiracchanagatanampi amanapa pubbepi eko tiracchanagato attanam pharusena samudacarantam sahassena parajesiti vatva atitam ahari. Atite gandhararatthe takkasilayam gandharo nama raja rajjam karesi. Bodhisatto goyoniyam nibbatti. Atha nam tarunavacchakakaleyeva eko brahmano dakkhinadayakanam santika labhitva nandivisaloti namam katva puttatthane thapetva sampiyayamano yagubhattadini datva posesi. Bodhisatto vayappatto cintesi aham imina brahmanena kicchena patijaggito maya sadiso sakalajambudipe anno samadhuro gono nama natthi yannunaham attano balam dassetva brahmanassa posavaniyam dadeyyanti. So ekadivasam brahmanam aha gaccha brahmana etam govindakasetthim upasankamitva mayham balibaddo atibaddham sakatasatam pavattetiti vatva--------------------------------------------------------------------------------------------- page288.
Sahassena abbhudam karohiti. So brahmano setthissa santikam gantva katham samutthapesi imasmim nagare kassa gono thamasampannoti. Atha nam setthi asukassa ca asukassa cati vatva sakalanagare pana amhakam gonehi sadiso nama natthiti aha. Brahmano mayham eko gono atibaddham sakatasatam pavattetum samattho atthiti aha. Setthi gahapati kuto evarupo gonoti aha. Brahmano mayham gehe atthiti. Tenahi abbhudam karohiti. Sadhu karomiti sahassena abbhudam akasi. So sakatasatam valukasakkharapasanadinamyeva puretva patipatiya thapetva sabbani akkhabandhanayottena ekato bandhitva nandivisalam nhapetva gandhapancangulikam datva kanthe malam pilandhitva purimasakatadhure ekameva yojetva sayam dhure nisiditva patodam ukkhipitva ancha kuta vahassu kutati aha. Bodhisatto ayam mam akutam kutavadena samudacaratiti cattaro pade thambhe viya niccalam katva atthasi. Setthi tam khananneva brahmanam sahassam aharapesi. Brahmano sahassaparajito gonam muncitva gharam gantva sokabhibhuto nipajji. Nandivisalo caritva agato brahmanam sokabhibhutam disva upasankamitva kim brahmana niddayasiti aha. Kuto me nidda sahassaparajitassati. Brahmana maya ettakam kalam tava gehe vasantena atthi kinci bhajanam va bhinditapubbam koci va madditapubbo atthane va pana uccarapassavo katapubboti. Natthi tatati. Atha mam kasma kutavadena samudacarasi taveva--------------------------------------------------------------------------------------------- page289.
So doso mayham doso natthi gaccha tena saddhim dvihi sahassehi abbhudam karohi kevalam akutam kutavadena ma samudacariti. Brahmano tassa vacanam sutva gantva dvihi sahassehi abbhudam katva purimanayeneva sakatasatam atibandhitva nandivisalam mandetva purimasakatam dhure yojesi. Katham yojesiti. Yugam dhure niccalam bandhitva ekaya kotiya nandivisalam yojetva ekam kotim dhurayottena parivethetva yugakotinca akkhani padanca nissaya mandarukkhadandakam datva tena yottena niccalam bandhitva thapesi. Evanhi kate yugam etto va ito va na gacchati sakka hoti ekeneva gonena akaddhitum. Athassa brahmano dhure nisiditva nandivisalassa pitthim parimajjitva gaccha bhadra vahassu bhadrati aha. Bodhisatto atibaddham sakatasatam ekavegeneva akaddhitva paccha thitam sakatam purato thitasakatassa thane thapesi. Govindakasetthi parajito brahmanassa dve sahassani adasi. Annepi manussa bodhisattassa bahum dhanamadamsu. Tam sabbam brahmanasseva ahosi. Evam so bodhisattam nissaya bahum dhanam labhi. Sattha na bhikkhave pharusavacanam nama kassaci manapanti chabbaggiye bhikkhu garahitva sikkhapadam pannapetva abhisambuddho hutva imam gathamaha manunnameva bhaseyya namanunnam kudacanam manunnam bhasamanassa garubharam udaddhari dhananca nam alabhesi tena cattamano ahuti.--------------------------------------------------------------------------------------------- page290.
Tattha manunnameva bhaseyyati parena saddhim bhasamano catudosavirahitam madhuram manapam sanhamudukam piyavacameva bhaseyya. Garubharam udaddhariti nandivisalo balibaddo amanapam bhasamanassa bharam anuddharitva paccha manapam piyavacanam bhasamanassa brahmanassa garubharam udaddharitva papesiti attho. Tattha dakaro panettha byanjanasandhivasena padasandhikaroti. Iti sattha manunnameva bhaseyyati imam dhammadesanam aharitva jatakam samodhanesi tada brahmano anando ahosi nandivisalo pana ahameva sammasambuddhoti. Nandivisalajatakam atthamam. ---------------The Pali Atthakatha in Roman Book 35 page 287-290. http://84000.org/tipitaka/atthapali/read_rm.php?B=35&A=5919&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=35&A=5919&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=27&i=28 เนื้อความพระไตรปิฎกฉบับหลวง :- http://84000.org/tipitaka/read/r.php?B=27&A=185 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=27&A=185 The Pali Tipitaka in Roman Character :- http://84000.org/tipitaka/read/roman_read.php?B=27&A=185 Contents of The Tipitaka Volume 27 http://84000.org/tipitaka/read/?index_27
        |
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]